Segundo algunhas webs, HP xa ten preparados dous novos modelos de iPaq, o seu modelo de PDA-teléfono máis exitoso. Trátase das HP iPaq 914c e HP iPaq 614c, das que só se saben algunhas das súas supostas características. Os dous modelos comparten a maioría de características: pantallas táctiles de 2,46 e 2,8 polgadas respectivamente, conectividade WiFi e HSDPA, GPS integrado, cámara de 3 megapíxeles e o sistema operativo Windows Mobile 6 Professional. A única diferenza é o teclado, a 914c ten teclado QWERTY de 12 teclas máis unha roda de control similar á do iPod. Non están aínda dispoñibles nin os prezos nin as datas de saída ó mercado. Vía: MSmobiles.com
Canon ven de presentar varias cámaras hoxe, que iremos comentando pouco a pouco en Trebellos ao longo de esta semana, comezando pola que cicais montase máis rebumbio pola cantidade de rumores, a nova Canon EOS-1Ds Mark III. Esta cámara inclúe un sensor CMOS de 21,1 megapíxeis (liches ben, 21 megapíxeis), unha pantalla de 3″ LCD, un sistema integrado pra limpiar a suxedade no sensor, 45 puntos de enfoque e unha velocidade de 5 capturas por segundo pra sacar fotos en formato JPEG e sRAW e poder almacealas en tarxetas SD, SDHC ou CompactFlash. Máis información: Canon
19 Aug
Escrito por Juan Milleiro en Ordenadores
Xa falamos en trebellos do Asus eee e mais do OLPC como alternativas para usuarios con poucos recursos, e hoxe traemos unha nova opción. O decTOP foi desenrolado por AMD fai uns anosdentro do programa 50×15 pra levar a tecnoloxía ós que mais o necesitan, e agora é comercializado pola empresa de New Orleans Data Evolution ó increible prezo de 99$ con rato e teclado incluidos.
Non é un superordenador (a súa tecnoloxía e do 2004) pero pode cumplir ben con moitas funcions co seu procesador de 366 Mhz, 10 Gb de disco duro e 128 Mb de RAM. Podese usar para navegar por internet, como un servidor nunha pequena rede, ou mesmo como centro de ocio multimedia. O decTop ven sen sistema operativo, ainda que se lle pode instalar linux ou mesmo Windows CE para o seu uso. O decTOP tamén é unha alternativa para aqueles que buscades un ordenador sen monitor, controlable remotamente e que poida estar aceso as 24 h do día sen consumir moita enerxía. As súas características son ampliables para quen o necesite.
De seguro unha boa compra, dispoñible na web de Data Evolution.
Mais información : Páxina do produto : Tenda de Data Evolution: Galería de fotos
En Engadget fan unha entrada cunha serie de razóns bastante certas polas cales non sería bo mercar un iPod neste intre, se é o que estamos a pensar.
Principalmente, e diso falamos nos rumores de Trebellos, cada vez hai máis rumores de novos iPod, e ademais:
Baseándonos sobre todo no último apartado, e sobre todo en que os distribuidores comentan que Apple cada vez manda menos iPods da 5G, todo apunta a que teremos un Outono con novos iPod.
Sobre cómo van ser non se sabe nada a ciencia certa, mais se supón que usará gran parte da tecnoloxía do iPhone, polo que pode estar baseado no Sistema Operativo Mac OS
X e ter pantalla táctil, mais o seguro é que pode sair entre Setembro e Novembro, o momento ideal pra ser o producto estrela este Nadal.
Vía: Engadget
En Trebellos: Rumores de novos iPod
En Trebellos: O iPod 6G cada día máis preto… ¿teremos nova interface? Semella que si.
08 Aug
Escrito por Juan Milleiro en Guías pra mercar, Vídeo
Neste novo capítulo da guía pra mercar televisor, imos falar das diferencias entre FullHD e HD Ready e das principais vantaxes (e problemas) do novo sistema de alta definición
Logo da popularización dos plasmas FullHD podemos escomenzar a falar dun empate tecnoloxico entre LCD e plasma en canto a resolución. í‰ bo momento para aclarar que se agacha tras esa morea de siglas: FullHD, HD ready
O logotipo HDReady distingue ós televisores que cumplen os estandares da EICTA e que teñen unha entrada analóxica, unha dixital (DVI ou HDMI) e que teñen a lo menos 720p de resolución, é dicir 720 liñas como mínimo ou 1080i (1080 liñas entrelazadas).
A tecnoloxía FullHD refirese a televisores que soporten resolucions mínimas de 1920 X 1080, é dicir 1080p. Son 1080 liñas de escaneado progresivo, ou abreviando 1080p.
E importante suliñar que ambas tecnoloxías son capacidades máximas do televisor, o que non quere dicir que vexamos a imaxe a esa resolución. Como xa indicamos noutros artigos, a calidade da imaxe ven condicionada pola calidade da fonte e dos conectores que usemos. Como a televisión (analóxica ou dixital) non consegue esa definición, para sacarlle o máximo partido ós nosos aparatos, debemos usar outro tipo de fonte de video dixital: lectores Blu-ray, ordenadores, PS3, etc… Non debemos esquecer o tipo de conectores axeitado para cada caso xa sexa DVI, HDMI 1.2 ou no caso de FullHD conexions HDMI 1.3 son as recomendadas.
Tamén cabe mencionar que as resolucions mais altas só pagan a pena en pantallas de mais de corenta pulgadas. En pantallas ata 40″, non poderemos distinguir se son 720p ou 1080p.
Por todas estas razons, pode ser un pouco precipitado mercar agora un televisor de estas características. Sobre todo, se non temos pensado mercar un reproductor BluRay ou unha consola de ultima xeración, xa que non lle sacaremos rendemento a estas tecnoloxías.
Relacionados : Guia pra mercar televisores planos : Plasma ou LCD
Mais información : HD Ready : FullHD
Esto que vedes non é un rumor, é o novo Nokia 7500.
Ten o nome Prism polo característico do seu deseño, formado a través de pequenos prismas que lle dan forma, mais agora veremos que tampouco ten malas prestacións, algo que soía ser frecuente entre os teléfonos fashion da marca finesa.
Ademais do seu toque de deseño e demais é un teléfono moi ben equipado, pois ten 3G, sistema operativo Symbian S40, pantalla de 2 pulgadas, cámara de 2 megapíxeles, bluetooth 2.0 e ranura pra tarxetas MicroSD.
Está a venda xa nalgunhas tendas de Importación por 299 dólares, mais sairá en Europa en Outono.
Xa comezan a verse fotos da nova Canon EOS40D, a cámara que viría a sustituir á antiga 30D e que supostamente sairía a finais de este mes de Agosto.
Como características principais, se comentan:
Máis información: Northlight Images
Andrés Milleiro nos comentaba que os discos duros de 2’5 polgadas, os máis pequenos, só chegaban a ter unha capacidade de 120 Gb aproximadamente. Iso era antes. Este mes sairon novos discos duros (ou discos ríxidos, como prefirades) de 2’5 polgadas e cunha capacidade de 300 Gb.
Este tipo de discos duros como xa diciamos en Trebellos.org teñen o tamaño físico da palma dunha man pero o seu tamaño virtual era tan só de 120 ou 200 Gb aproximadamente. O que os convertía na mellor opción á hora de mercar un disco duro para levar dun lugar a outro, pero non na mellor opción á hora de mercar un disco duro portátil para almacenar ficheiros. Este tipo de discos duros so precisan dunha conexión USB, xa que dende o cable USB transfiren tanto datos coma electricidade.
Por 170 € temos o disco duro de Fujitsu, unha boa marca que ademáis de ofrecernos 300 Gb nos ofrece tamén unha velocidade de 4.200 rpm e un sistema anti-golpes. í‰ o da primeira imaxe.
Os dous díscos duros da última imaxe son os da compañía Buffalo (de Xapón) que se venden por 230 €. Algo máis caros que os de Fujitsu pero que teñen a mesa funcionalidade e capacidade.
Os discos duros de 2’5 polgadas son máis pequenos que os normais (de 3’5 polgadas), agora teñen a mesma capacidade virtual o que, nun principio, fai pensar que son mellores os de 2’5 pero a gran diferenza entre os dous tipos de discos duros é o seu prezo, os de 2’5 son moito máis caros que os de 3’5, polo que á hora de mercar un disco duro hai que ter moi claro para que o queremos e que caracteristicas (tamaño?) precisamos que teña.
Visto en Engadget e en Akiahabara News.
Philips ven de presentar un Sistema de Música sen fíos a través de Bluetooth bautizado co nome de BTM630.
Con el teremos bastante conectividade, pois pode ler CD, MP3-CD, WMA e todo isto a través, por exemplo, dunha unidade flash USB ou dunha tarxeta de memoria. E tamén, aí súa innovación, permite reproducir a música a través de Bluetooth, polo que poderemos escoitar polos altofalantes o que emita un dispositivo con Bluetooth, como un teléfono móbil ou unha PDA.
Inclue tamén sintonizador AM/FM, o famoso dock pra iPod e 8 adaptadores pra que sirvan prácticamente tódolos modelos de mp3, así como función USB pra levar a música dende o MP3 que teñamos conectado ao PC, moi boa impresión, de veras.
O BTM630 sairá en Agosto a un prezo de 199 dólares, non demasiado excesivo pra tódalas funcionalidades que trae.
Máis información: Philips
Tranquilos, que o de arriba non é unha imaxe oficial. Sobre todo dende a aparición do iPhone, os rumores de novos ipod con pantalla táctil sempre estiveron presentes. Mais o que agora cobra forza é a posibilidade de que en Agosto saian novos iPod, e con bastante forza.
Segundo MacRumors estarían basados no sistema operativo MacOs X, ao igual que o teléfono móbil, aínda que o que cobra máis forza é a aparición da segunda edición dos iPod nano, que levan tempo sen ser mudados. Veremos pois que sucede.
Máis información: Novos iPod nano antes de finais de ano (Código Cero)
