15 Sep
Escrito por Juan Milleiro en Fotografía, Sen fíos
De vez en cando un atopa cousas polos blogues que o deixan abraiado, e este caso é un deles: cómo sacar unha foto cunha Canon EOS1 DS Mark III a distancia cunha Playstation Portable. Sí, líchedes ben.
A Ds Mark III é unha cámara de fotos réflex, para profesionais, con 21 MPx, 45 puntos de enfoque…pero nelas destaca un sistema de control sen fíos da cámara. Serve, entre outras cousas, pra enviar as fotos a calqueira parte do mundo dende a cámara, só tendo unha rede WiFi.
Pero, ademais, o módulo tamén permite controlar tódalas funcións da cámara de modo remoto dende calqueira dispositivo sen fíos, ben sexa un portátil, ben unha PSP como neste caso, que resulta abraiante.
No blogue comentan que na mesma exposición, coa PSP se axustaban os parámetros e se tiraron varias fotos, pra logo subila a Flickr, sen tocar para a nada a cámara, todo dende a PSP. Como é de agardar, non podemos mover a cámara a distancia (polo dagora), mais é un exemplo ideal pra ter a cámara enfocada para capturar un intre que vai suceder e a distancia cun destes trebellos e cicais en mellor posición ir vendo o que sucede e poder manexar a cámara. Tremendo.
Máis información: Clipset
Palm ven de presentar o novo modelo Treo 500v, que destaca por levar Windows Mobile como Sistema Operativo, un cambio bastante brusco na marca, que desenrolaba seu SO Palm OS.
O terminal en sí ten conectividade 3G, a pantalla non é tactil e conta con aplicacións incluídas como Internet Explorer, visores de documentos de Office ou Windows Media Player, e ademáis, como sae con Vodafone o trebello, trae integrado Vodafone Live! e un sistema de correo push, como o das Blackberry.
Ten tamén unha cámara de fotos con resolución de 2 megapíxeis e unha memoria interna de 150Mb, ampliábeis mediante tarxetas de memoria microSD.
O terminal sairá a partir de Outubro con Vodafone, en branco e gris escuro. Fontes da compañía aclararon que será un terminal orientado ao público non empresarial, polo que agardamos que o prezo tamén sexa así.
Actualización: Wicho comenta que non é a primeira PDA de Palm con Windows Mobile, anteriormente xa saiu a Palm Treo 750v. Graciñas!
Xa sabíamos da existencia do Sony Rolly dende hai algún tempo, pero ata o de agora non se coñecía ningunha das súas características. Agora sabemos que o aparello pode funcionar ben como reprodutor MP3 ou como sistema de altofalantes inarámicos.
Como reprodutor MP3 autónomo, dispón dunha memoria de 1Gb, na que se pode almacenar música que o trebello se encargará de reproducir aleatoriamente grazas ós seus altofalantes integrados. Para cambiar de canción ou subirlle o volume é necesario xirar unha parte do robot, porque carece de botóns.
Como comentaba, o Rolly tamén pode servir para ter uns altofalantes inarámicos, xa que grazas a que incorpora a tecnoloxía Bluetooth pódese conectar cun ordenador.
Cando reproduce música, móvese e pode facer coreografías, configurables dende o PC e tamén dispoñibles en internet.
O trebello poñerase á venda en Xapón o 29 deste mesmo mes a un prezo de 350 dólares.
Vía: Xataka
A colaboración de Acer con fabricantes de coches xa é de vello. A gama de portátiles Acer Ferrari foi das máis vendidas, non só polo seu coidado deseño, se non que tamén polas súas magníficas especificacións. Agora Acer vén de anunciar un novo portátil, o
Aspire 5520, que foi deseñado grazas á colaboración de enxeñeiros de BMW. O portátil ten unha pantalla de 15,4 polgadas, procesador AMD Turion 64 X2 e disco duro de 120Gb. Destaca o seu sistema de son, con Dolby Home Theater e o revestimento cerámico do teclado. De momento só estará dispoñible no Xapón por uns 750 euros.
Dende Trebellos queremos informar da saída xa no catálogo de puntos dun teléfono-pda bastante interesante, o HTC Touch. Con Movistar xa se pode conseguir dende Agosto, mais a oferta de Vodafone é bastante boa pois é prácticamente pola metade de prezo (con Vodafone e 250 puntos xa a temos por 219 euros).
A HTC Touch destaca polo TouchFlo, unha tecnoloxía que permite empregar os dedos ou o lápiz na pantalla táctil, semellante ao que se fai no iPhone. O teléfono é GSM Tribanda con GPRS/EDGE (non ten 3G), cun sistema operativo Windows Mobile 6 Professional, a pantalla táctil xa dita de 2.8″, procesador OMAP a
201 Mhz, 64Mb de RAM, 128Mb de ROM e unha cámara cun sensor CMOS de 2 Megapíxeis.
Tamén ten Bluetooth estéreo 2.0,conectividade Wi-Fi e slot pra tarxetas de memoria microSD. A batería ten unha capacidade de 1100 mAh que nos da 200 horas en espera e 5 en conversa.
Ten unhas dimensións de 99,9x58x13,9 mm e un peso de 112 gramos. Sinceramente, non é o iPhone pero é unha alternativa a ter moi en conta, e máis ao prezo que ofrece Vodafone.
Máis información: Vodafone
Onte confirmaronse os rumores de novas PDA de HP que xa comentamos en Trebellos.org. Os seus nomes, oficialmente, son HP iPaq 910 e iPaq 610.
Os dous modelos teñen o sistema operativo Windows Mobile 6 e están ben comunicados xa que veñen con HSDPA, Wi-Fi, Bluetooth e A-GPS. Ademáis contan cunha cámara de 3 megapíxeles.
E seguindo coas novidades presentadas onte por HP, agora tócalle o turno ó novo navegador GPS da compañía, o HP iPaq 310 Travel Companion, o primeiro que incorpora unha interface exclusiva de HP, xa que en anteriores ocasións os seus dispositivos levaban sistemas operativos de terceiros.
Ten pantalla panorámica táctil de 4,3 polgadas e 800 x 480 píxeles de resolución. Dispón de 128Mb de memoria SDRAM e dependendo do modelo pode chegar ata os 2Gb de ROM. Se a capacidade do navegador non é suficiente, pódese ampliar mediante tarxetas SD de alta capacidade.
Ademáis das funcións de navegador GPS, tamén se pode empregar como reprodutor multimedia. Tamén incorpora Bluetooth para conectar teléfonos móbiles e outros dispositivos.
O prezo estimado é duns 450 dólares.
Máis información: HP
Ademáis do evento Apple de onte, do que xa vos mantivemos informados en Trebellos, onte HP fixo unha presentación de novos produtos.
Da presentación, o que máis chamou a atención foi o novo ordenador HP Blackbird 002, destinado a fanáticos dos xogos. Destaca polo seu deseño, que ademáis de que incorpora un revolucionario sistema de refrixeración, non precisa de ferramentas para desmontalo ou para cambiarlle algúns dos seus compoñentes. Para alimentar perfectamente a tódolos compoñentes e periféricos, leva instalada unha potente fonte de alimentación.
Estará dispoñible en diferentes configuracións tanto de procesadores (AMD X2 Dual Core e Intel Core 2 Extreme ou Duo), como de memoria (dende 1Gb ata 8Gb) ou de tarxetas gráficas (NVidia GeForce ou ATI Radeon). Tamén se poderá escoller a capacidade do disco duro e outros parámetros como a tarxeta de son. O fabricante tamén anunciou que se lle poderá facer overclocking sen problemas.
O pc leva preinstalado Windows Vista e algunhas aplicacións como o Office, e o DVDPlay.
Dispoñible a partir do 15 de setembro.
Máis información: HP Blackbird
Apple decidiu onte, sen anuncialo, deixar de fabricar seu sistema de altofalantes pra o iPod, o iPod Hi-Fi. Pese a esta decisión, o
– canadian pharmacy – will viagra make you last longer – franchise pharmacy canada – does celebrex cause excessive sweating
iPod Hi-Fi era o cuarto sistema de altofalantes máis vendido pra o iPod., xunto a marcas como Logitech ou Bose. Apple comezou a vender en Febreiro de 2006 ese sistema de altofalantes por 349 euros, tentando entrar no negocio dos altofalantes pra o iPod. Eu persoalmente penso que eran unha solución bastante grande, pois hai outros máis transportábeis e cunha calidade de son destacada. Ao non dicir nada Apple ao respecto, en principio se fala de que se vai deixar de fabricar, mais cicais se esté facendo un novo que se adapte aos novos modelos… Vía: AppleInsider
E non, non é un novo modelo de iPhone, é outro modelo máis dunha marca pra tentar parecerse ao modelo de Apple. Samsung nega que súa intención fose facer un modelo imitando ao iPhone, e nós teremos que pensar ben…
O teléfono, fai meses chamado Samsung Ultra F700 sinxelamente agora se chama Samsung Croix, e pouco máis se sabe del. O sistema de menús do teléfono gañou o Premio de Deseño iF Communication 2007 , polo que ao menos é innovador, ao menos polo que podemos ver na imaxe, dun xeito bastante limpo. En canto teñamos máis información, en Trebellos a teredes.
Vía: i4u.com
