Segundo últimas informacións, algunhas tendas distribuidoras de produtos Apple no noso país xa levan algún tempo sen recibir novas unidades de diversos productos da marca Apple, como son os iPod. En tendas como HiperPlanet (Lugo) os estantes dedicados a este reproductor están case baleiros, e segundo confirmou un dos vendedores, sen existencias.
Pero o que pasa en Lugo tamén pasa,
segundo outras webs, nalgunhas tendas de toda a xeografía. Será isto unha confirmación de que Apple presentará novos reprodutores mañá?
Algunhas webs seguen especulando sobre isto. Mesmo apuntan á aparición de novas familias iPod e á desaparicíón do modelo máis básico, o Shuffle.
Será todo isto certo? A resposta… mañá!
Finalmente, no evento de Nokia de onte tamén se presentou este N81, que ten unha pinta fantástica, pois é un concepto algo distinto no que coñecemos na telefonía.
Sairán dúas versións do teléfono: con memoria de 8GB interna e outra sen ela, pero que admitirá MicroSD. No resto son iguais: cuatribanda, cámara
de 2 megapíxeis e con saída de auriculares estándar pra usalo de reproductor ou radio FM.
O N81, xunto co N95 do que falamos, será un dos primeiros Nokia compatíbel coa nova Nokia Music Store e o novo servizo N-Gage. O modelo de 8GB sairá por 430 euros, e o outro cunha MicroSD de 2GB costará 360 euros. Sairán a finais do 2007.
Máis información: Nokia
Toshiba ven de presentar o Toshiba Gigabeat T401, un Centro Multimedia Portable pero que ademáis ten conexión sen fíos, pra poder así compartir arquivos. Ten bastante boa pinta de cara ao mercado multimedia, mais teremos que agardar pra ver cómo funciona exactamente súa capacidade sen fíos, e se non está limitada dalgún xeito.
O reproductor ten unha pantalla de 2.4 pulgadas e resolución de 320×240 píxeles, con soporte pra reproducir vídeo WMV, MP3 e outros ficheiros como WMA nos seus 4GB de memoria flash e unha batería que segundo a marca dura 16 horas
de reproducción de audio ou 5 de vídeo.
Este pequeno reproductor, de só 9.9 milímetros de delgadez sairá no país nipón en Outubro a un prezo de saída de 250 dólares aproximadamente, e de chegar a Europa o faría sobre o Nadal ou a comezos do vindeiro ano.
Máis información: Toshiba
Logic3 ven de presentar os altofalantes i-Station Traveller, que son os primeiros altofalantes deseñados específicamente pra o iPhone, por se algún lector ou lectora de Trebellos ten un xa.
Neste i-Station Traveller o iPhone se pode colocar en posición horizontal, porén podemos ver vídeos na pantalla escoitándoos polos altofalantes. A potencia total é de 4 Watts producida por altofalantes de neodimio de 32mm.
O iPhone, como dicíamos, pódese pór tanto en horizontal como en vertical, ademais de poder escoitar a través deles outros reproductores, pois ten unha entrada de cable jack de 3.5mm pra outros reproductores.
O i-Station Traveller inclúe unha funda, un adaptador de corrente e catro pilas AAA coas que se pode alimentar. Sairá en breve á venda por 60 dólares.
Sitio oficial: Logic3
16 Aug
Escrito por Juan Milleiro en Linux
Sony Ericsson ven de presentar o Sony Ericsson K770, con cámara de 3.2 MPx, autofocus e con tecnoloxía para evitar as fotos borrosas. Só pesa 95 gramos e mide 105 x 47 x 14.55 mm.
A pantalla é de prácticamente 2 pulgadas, con resolución de 240×320, con opcións ideais pra a fotografía, como menús pra editar as fotos directamente dende o teléfono ou melloralas se foron sacadas baixo pobres condicións de luz. Ademais, as fotos se poden compartir usando o cable USB ao noso PC ou mandándoas a unha impresora compatíbel con PictBridge.
Como era de agardar, ten soporte pra tarxetas Memory Stick Micro e trae de serie unha tarxeta de 256Mb, que ofrece espazo pra 200 fotos á máxima calidade. Ademais, o K770 ten reproductor de música integrado e conta con soporte pra enviar audio a través de Bluetooth a uns altofalantes por estéreo.
Navegando, o K770 ten navegador web integrado pra usar a conexión 3G, mais non trae EDGE, polo que non é un terminal especialmente destacado no aspecto das comunicacións, senón que moito máis enfocado no multimedia.
O K770 estará en Europa no derradeiro cuarto do 2007, a un prezo sen subvencionar de $300.
En Trebellos: Sony Ericsson Cybershot K850, cámara de fotos con teléfono
08 Aug
Escrito por Juan Milleiro en Guías pra mercar, Vídeo
Neste novo capítulo da guía pra mercar televisor, imos falar das diferencias entre FullHD e HD Ready e das principais vantaxes (e problemas) do novo sistema de alta definición
Logo da popularización dos plasmas FullHD podemos escomenzar a falar dun empate tecnoloxico entre LCD e plasma en canto a resolución. í‰ bo momento para aclarar que se agacha tras esa morea de siglas: FullHD, HD ready
O logotipo HDReady distingue ós televisores que cumplen os estandares da EICTA e que teñen unha entrada analóxica, unha dixital (DVI ou HDMI) e que teñen a lo menos 720p de resolución, é dicir 720 liñas como mínimo ou 1080i (1080 liñas entrelazadas).
A tecnoloxía FullHD refirese a televisores que soporten resolucions mínimas de 1920 X 1080, é dicir 1080p. Son 1080 liñas de escaneado progresivo, ou abreviando 1080p.
E importante suliñar que ambas tecnoloxías son capacidades máximas do televisor, o que non quere dicir que vexamos a imaxe a esa resolución. Como xa indicamos noutros artigos, a calidade da imaxe ven condicionada pola calidade da fonte e dos conectores que usemos. Como a televisión (analóxica ou dixital) non consegue esa definición, para sacarlle o máximo partido ós nosos aparatos, debemos usar outro tipo de fonte de video dixital: lectores Blu-ray, ordenadores, PS3, etc… Non debemos esquecer o tipo de conectores axeitado para cada caso xa sexa DVI, HDMI 1.2 ou no caso de FullHD conexions HDMI 1.3 son as recomendadas.
Tamén cabe mencionar que as resolucions mais altas só pagan a pena en pantallas de mais de corenta pulgadas. En pantallas ata 40″, non poderemos distinguir se son 720p ou 1080p.
Por todas estas razons, pode ser un pouco precipitado mercar agora un televisor de estas características. Sobre todo, se non temos pensado mercar un reproductor BluRay ou unha consola de ultima xeración, xa que non lle sacaremos rendemento a estas tecnoloxías.
Relacionados : Guia pra mercar televisores planos : Plasma ou LCD
Mais información : HD Ready : FullHD
O Shanling MC-30 Music Center é un dock onde podemos facer soar o noso iPod mais coa funcionalidade extra de ter incluído un amplificador de válvulas. O amplificador ten unha carcasa de aluminio con luces LED que faino bastante atractivo, mais non é apto pra tódolos bolsillos, pois a grande calidade dos amplificadores deste tipo se paga ben, neste caso ao redor de 1.000 dólares. O Shanling MC-30 Music Center ademais ten un reproductor pra CD, radio AM/FM e 3 watts de potencia por canle. Visto en: Digital Drops Máis información: Sitio oficial
Dun tempo a esta parte se ven falando con máis forza dunhas novas memorias, a tecnoloxía SSD, coa que se están producindo memorias de entre 4 e 64GB que pretenden sustituir aos discos duros nos ordenadores portatis e na maioría de trebellos; de feito veñen soando fai tempo pra
unha futura renovación dos portátis Apple Macbook.
Porén, grazas a esta tecnoloxía que se poderá aplicar en cousas tan distintas como reproductores MP3, cámaras de vídeo, impresoras ou ordenadores portatis poderemos ter trebellos moitísimo máis lixeiros e con maior autonomía. Este tipo de memoria só ocupa 1,8 pulgadas, o que a fai bastante apetecíbel aos productores de trebellos, polo que xa se fala de que nun par de anos seu uso se multiplique por tres.
Máis información: AkiHabaraNews
Fontes da marca finesa de telefonía Nokia indicaron que en breve vai comezar a distribución do Nokia N77, un terminal presentado na feria 3GSM en Barcelona fai uns meses. Asemesmo, indicaron que a distribución comezará por Finlandia, continuando por Vietnam e India.
Pra quen nunca escoitase falar deste terminal, o Nokia N77 ten unha pantalla realmente grande, de 2,4 pulgadas, dous altofalantes estéreo de alta calidade xunto co xa case tradicional reproductor mp3, cámara de 2 megapíxeles e sobre todo a posibilidade de ver programas de televisión grazas á tecnoloxía DVB-H. Comentar respecto a esto último que esta tecnoloxía non ten demasiado que ver coa posibilidade que dan algúns operadores como Vodafone de ver a TV no teléfono, é unha televisión con máis calidade.
Na miña opinión, temos ante nós a un completo terminal multimedia, se ben na miña opinión fáltalle algo de conectividade pra ser un superterminal como por exemplo a conectividade sen fíos do Nokia N80.
Máis información: Páxina do producto
OhMiBod e un accesorio para o iPod que, efectivamente, fai o que semella que fai. Vibra ó ritmo da música que esté soando no iPod, e ven cunha cápsula para que poida ser usado sen o reproductor de apple. Tamén funciona con portatiles, televisores, e calquer fonte de audio que nos suxira a imaxinación. Existe tamén unha versión para moviles chamada Boditalk, que vibra coas chamadas. O prezo destes xoguetes sexuais e de 69$. Moi útiles para estimular a imaxinación e o que non é imaxinación. Mais información : Páxina do produto
