O novo reproductor de iriver conta cunha pantalla de 3 polgadas táctil e resolución de 480 x 272 pixeles.
Como bó reproductor multimedia reproduce os formatos MP3, WMA, OGG de audio e en video MPEG-4, WMV9.
Pero isto non é só o comezo, o reproductor conta con wifi, VoIP (permite facer chamadas a través de internet), radio FM (que se bota en falla a integración nos ipod), lector de tarxetas miniSD para aumentar a súa capacidade inicial de 4 e 8gbs, reproduce radio en streaming, e ademáis inclúe GPS con mapas de Navteq.
A data de saída é novembro, pero non se di nada do precio. Estaremos atentos a inminente saída.
Visto en: Gadgetometro
16 Aug
Escrito por Juan Milleiro en Linux, Ordenadores, Vídeo
Cicais nalgún intre queramos conectar o noso ordenador á televisión e usalo como centro multimedia, tendo bastante coidado co hardware a usar, pois podemos ter incompatibilidades. Unha opción a ter moi en conta é este dispositivo, un media center feito 100% en Linux, que non deixa de ser un ordenador, de
feito ven composto por un procesador AMD Athlon 4200 con 1Gb de RAM, 160Gb de disco duro e unha tarxeta gráfica Nvidia 6200. Ademais, inclúe saídas DVI, VGA por componentes e S-Vídeo. Unha posibilidade interesante pra este trebello é o de conectalo a outros televisores da casa, que poderán acceder aos contidos que teña, usándoo como un servidor. Ademais, podemos mercar o FiireChief, o mando a distancia pra controlar tódalas súas funcións. O prezo depende do hardware seleccionado; o anterior modelo comentado costa 799 dólares e en xeral nos movemos entre
os 499 e os 899, e se queremos mercar o FiireChief o temos á venda por 149 dólares. Vía: Engadget. Máis información: Fiire.
16 Aug
Escrito por Juan Milleiro en Linux
Sony Ericsson ven de presentar o Sony Ericsson K770, con cámara de 3.2 MPx, autofocus e con tecnoloxía para evitar as fotos borrosas. Só pesa 95 gramos e mide 105 x 47 x 14.55 mm.
A pantalla é de prácticamente 2 pulgadas, con resolución de 240×320, con opcións ideais pra a fotografía, como menús pra editar as fotos directamente dende o teléfono ou melloralas se foron sacadas baixo pobres condicións de luz. Ademais, as fotos se poden compartir usando o cable USB ao noso PC ou mandándoas a unha impresora compatíbel con PictBridge.
Como era de agardar, ten soporte pra tarxetas Memory Stick Micro e trae de serie unha tarxeta de 256Mb, que ofrece espazo pra 200 fotos á máxima calidade. Ademais, o K770 ten reproductor de música integrado e conta con soporte pra enviar audio a través de Bluetooth a uns altofalantes por estéreo.
Navegando, o K770 ten navegador web integrado pra usar a conexión 3G, mais non trae EDGE, polo que non é un terminal especialmente destacado no aspecto das comunicacións, senón que moito máis enfocado no multimedia.
O K770 estará en Europa no derradeiro cuarto do 2007, a un prezo sen subvencionar de $300.
En Trebellos: Sony Ericsson Cybershot K850, cámara de fotos con teléfono
03 Jun
Escrito por Il en Linux, Periféricos, Son, Vídeo
O TurboLinux Wizpy é unha moi boa opción á hora de mercar un reprodutor multimedia, vamos, o que se coñece como mp4. Este trebello é un mp4 normal salvo que leva no seu interior unha distribución GNU/Linux, que o fai especial.
Como mp4 reproduce case todo: MP3, OGG (cousa boa xa que moitos reprodutores non o fan), WMA, AAC, XviD, MPEG4 e JPG. Amosa texto, é dicir, podes levar e-books e tamén reproduce radio FM. Co seu micrófono grava a voz en formato MP3. Ten unha pantalla LCD de 1’7 pulgadas e unha memoria interna de 4GB ou 2GB dependendo do modelo, pero estase a traballar nun modelo con ranura para tarxetas SD. A pega é que 1’5GB están destinadas para a distribución GNU/Linux.
O que fai especial a este mp4 é que podes crear programas para él. A empresa que o fabrica lanzou un kit de desarrollo (SDK), é dicir, programa para facer programas de xeito sinxelo para o trebello. Así calquera que se descargue o SDK poderá crear programas que funcionen no seu mp4, podendo ter o teu programa á medida.
Outro tema interesante deste reprodutor multimedia é que, como xa dixen, ten unha distribución GNU/Linux no seu interior. Isto que quere dicir?
Pois que se enchufas o mp4 a un ordenador (con arranque USB) poderás ter o teu propio sistema operativo, cos teus ficheiros, os teus programas favoritos e coa configuración do teu escritorio xa que estarás traballar dende a distribución GNU/Linux do mp4.
Un mp4 con moitas posibilidades para fedellar nel. Xa está a venda en xapón e sairá este mes nos paises anglófonos por 280 dólares aproximadamente. Para que saia por estes lares teremos que esperar a finais deste ano ou principios do que ven.
Visto en Xataka.
Máis información: Páxina do produto.
Outro dos produtos presentados hoxe foi o redeseño do Apple TV, que aínda que non se modifica o seu hardware, sufriu unha serie de modificacións na súa interface, motivadas polas novas estratexias da compañía. Con motivo do anuncio da posibilidade de alugar películas na iTunes Store, Apple introduce a posibilidade de mercar e alugar películas directamente dende o Apple TV, así como de descargar directamente os podcasts do seu directorio. í posibilidade de ver videos de YouTube, que xa tiña integrada, únenselle novas funcións de visor multimedia, xa que se permite visualizar directamente galerías de flickr e .mac. Todo isto integrado nunha interface mellorada visualmente respecto á versión anterior. Non é un novo modelo, e polo tanto haberá unha actualización de software que estará dispoñible tamén para os usuarios dun Apple
TV anterior de forma gratuíta. Os que se vendan a partir de agora xa traerán o software de serie. Dispoñible en dúas capacidades, 40GB a 289€ e 160GB a 379€. Máis información: Apple TV
Seica pronto teremos unha nova versión do sistema operativo máis famoso para os móbiles, o Symbian. Será a Symbian S60 3rd Edition Feature Pack 2 para os móbiles Nokia, e segundo os rumores sairá en xuño do 2008. Entre as novidades podemos atopar novos efectos (visuais) e transicións ao abrir, pechar e cambiar de aplicacións, novas opcións de configuración como poder pór unha imaxe a pantalla completa cada vez que nos chaman ou pór varias imaxes de fondo de pantalla que se cambiaran secuencialmente. Tamén mellorarán a usabilidade podendo ter un móbil multi-tarea (varias aplicacións abertas á vez), na guía poderemos ver os contactos do teléfono e da tarxeta SIM coas mesmas opcións, e ademáis se escribiumos un SMS e engadimos un contido multimedia pasará automáticamente a ser MMS. Tamén seica optimizaron parte do código para gañar maior rendemento. A ver se por fin o que seguramente sexa o mellor sistema operativo para móbiles é rápido, xa que o único que falla nos móbiles Symbian é a súa velocidade. Visto en Xátaka Móvil. Máis información: S60.
Nokia amplía a súa gama NSeries co N82, un teléfono móbil de características semellantes ás doutros modelos como o N95. O trebello está enfocado á navegación pola Internet e ás opcións multimedia. Conta cunha cámara de 5 megapíxeles con óptica Carl Zeiss para sacar fotos ou gravar videos con resolución VGA e realizar videochamadas. A conectividade está asegurada, xa que incorpora tecnoloxía HSDPA, bluetooth e soporte WiFi. Tamén dispón da tecnoloxía GPS, aprobeitable grazas á aplicación Nokia Maps, integrada de serie no seu sistema operativo, Symbian OS 3ª edición. Para almacenar tódolos arquivos conta cunha memoria interna de 100MB e lector de tarxetas MicroSD. O seu prezo ronda os 450 euros. Máis información: Nokia
Aínda que non está enfocada ao uso doméstico, a HP TJ8300 destaca polas súas impresionantes proporcións. O seu deseño é semellante ao de calquera impresora de inxección de tinta compacta, pero este modelo ten perto de dous metros de alto e pesa unhas tres toneladas. Está deseñada para a impresión de todo tipo de publicidade
en diferentes soportes flexibles como o PVC ou o vinilo, e é capaz de imprimir 400 m2 nunha hora. Como curiosidade, dicir que os cartaces do festival de Cannes foron impresos en impresoras coma estas. Máis información: HP
Dende hai algún tempo os navegadores GPS convertéronse nun trebello imprescindible na vida de moitos usuarios. Os últimos modelos non só serven para seguir indicacións para ir a un lugar determinado, se non que tamén integran opcións multimedia como reprodución de música ou video. Da man de Acer chegan a nós uns modelos que non sobresaen polas súas características, pero que poden ser unha boa solución para persoas que non desexen desembolsar unha gran cantidade nun aparello deste tipo. Os navegadores GPS P710 e P730 dispoñen dunha pantalla panorámica táctil de 4,3 polgadas e resolución de 480 x 272 píxeles. Levan incorporado lector de tarxetas SD, para almacenar mapas, xa que os 64Mb de RAM dos que dispoñen quedan bastante escasos. O sistema operativo que empregan é Windows CE 5.0, adaptado pola mesma compañía, que integra un visor de fotografías. Os dous modelos estarán dispoñibles en novembro. O modelo P710 venderase cunha tarxeta de 512Mb cos mapas rexionais preinstalados a 199
euros e o P730 cunha de 2Gb cos mapas de Europa a 249 euros.
Debido a que Apple mudou a
forma de acceder á base de datos de cancións e listas de reprodución nas últimas versións dos iPod, presentadas hai unhas semanas, as aplicacións de terceiros para sincronizar a música co reprodutor de Apple non funcionan. As aplicacións de terceiros eran, ata o de agora, a única forma de sincronizar o iPod baixo Linux. Mentras non apareza algún tipo de actualización do software dispoñible, os usuarios deste sistema operativo terán que empregar un ordenador con Windows
ou Mac OS para disfrutar de contidos multimedia no seu reprodutor. Vía: Gizmodo ACTUALIZACIí“N: Resolta a incompatibilidade dos novos iPod en Linux
E seguindo coas novidades presentadas onte por HP, agora tócalle o turno ó novo navegador GPS da compañía, o HP iPaq 310 Travel Companion, o primeiro que incorpora unha interface exclusiva de HP, xa que en anteriores ocasións os seus dispositivos levaban sistemas operativos de terceiros.
Ten pantalla panorámica táctil de 4,3 polgadas e 800 x 480 píxeles de resolución. Dispón de 128Mb de memoria SDRAM e dependendo do modelo pode chegar ata os 2Gb de ROM. Se a capacidade do navegador non é suficiente, pódese ampliar mediante tarxetas SD de alta capacidade.
Ademáis das funcións de navegador GPS, tamén se pode empregar como reprodutor multimedia. Tamén incorpora Bluetooth para conectar teléfonos móbiles e outros dispositivos.
O prezo estimado é duns 450 dólares.
Máis información: HP
