Fai pouco nos facíamos eco da semellanza entre o Samsung F700 e o iPhone, e agora voltamos a falar deste terminal pois Vodafone confirma que complementará unha oferta de máis de 25 terminais antes de finais de ano. A verdade que o Samsung F700 supera ao iPhone nalgunhas cousas, pois soporta HSDPA, chegando a velocidades de 7,2 Mbps, ten un tegrado deslizante e cámara de 5Mp. Presentacións de este terminal fan que se descarte aínda que sexa un pouco a Vodafone como lanzadora do iPhone en España, cicais tamén en parte porque Vodafone se centra moito no 3G, cousa que non ten o iPhone, e as miradas volten a apuntar descaradamente a Movistar como a empresa que o sacará. Vía: MacWorld En Trebellos: Samsung Croix, parecidos razonábeis
Dende Trebellos queremos informar da saída xa no catálogo de puntos dun teléfono-pda bastante interesante, o HTC Touch. Con Movistar xa se pode conseguir dende Agosto, mais a oferta de Vodafone é bastante boa pois é prácticamente pola metade de prezo (con Vodafone e 250 puntos xa a temos por 219 euros).
A HTC Touch destaca polo TouchFlo, unha tecnoloxía que permite empregar os dedos ou o lápiz na pantalla táctil, semellante ao que se fai no iPhone. O teléfono é GSM Tribanda con GPRS/EDGE (non ten 3G), cun sistema operativo Windows Mobile 6 Professional, a pantalla táctil xa dita de 2.8″, procesador OMAP a
201 Mhz, 64Mb de RAM, 128Mb de ROM e unha cámara cun sensor CMOS de 2 Megapíxeis.
Tamén ten Bluetooth estéreo 2.0,conectividade Wi-Fi e slot pra tarxetas de memoria microSD. A batería ten unha capacidade de 1100 mAh que nos da 200 horas en espera e 5 en conversa.
Ten unhas dimensións de 99,9x58x13,9 mm e un peso de 112 gramos. Sinceramente, non é o iPhone pero é unha alternativa a ter moi en conta, e máis ao prezo que ofrece Vodafone.
Máis información: Vodafone
Palm ven de presentar o novo modelo Treo 500v, que destaca por levar Windows Mobile como Sistema Operativo, un cambio bastante brusco na marca, que desenrolaba seu SO Palm OS.
O terminal en sí ten conectividade 3G, a pantalla non é tactil e conta con aplicacións incluídas como Internet Explorer, visores de documentos de Office ou Windows Media Player, e ademáis, como sae con Vodafone o trebello, trae integrado Vodafone Live! e un sistema de correo push, como o das Blackberry.
Ten tamén unha cámara de fotos con resolución de 2 megapíxeis e unha memoria interna de 150Mb, ampliábeis mediante tarxetas de memoria microSD.
O terminal sairá a partir de Outubro con Vodafone, en branco e gris escuro. Fontes da compañía aclararon que será un terminal orientado ao público non empresarial, polo que agardamos que o prezo tamén sexa así.
Actualización: Wicho comenta que non é a primeira PDA de Palm con Windows Mobile, anteriormente xa saiu a Palm Treo 750v. Graciñas!
Rapaces e rapazas, hai algunha que outra novidade sobre o iPhone e a súa venda en Europa, que vai camiño de ser o culebrón do ano. Imos aló con elas:
Polo que, aí tedes, un rumor e unha nova confirmada, polo que podería ser unha pequena decepción pra todos aqueles que agardan o iPhone este nadal. Mais, quen sabe, cicais Vodafone se adiante e salga no Nadal. O culebrón non fai máis que continuar…
RIM ven de anunciar a nova Blackberry 8310, que básicamente é a anterior Blackberry Curve pero con GPS. Porén, o resto de características seguen sendo as mesmas:
O terminal sairá en exclusive con Vodafone en breve, e sairá con acceso directo a Google Maps e coa opción Vodafone GPS Navigator.
Vía: Xataka.com
Máis información: Web oficial
En Trebellos: Presentada a BlackBerry Curve
O iPhone aínda non desembarcou no continente europeo, pero cando o faga vai ter uns moi duros competidores. Outro dos móbiles que vén pisando forte para desbancar ó famosísimo trebello de Apple é o LG KU990, un móbil deseñado por LG que mellora en prestacións ó LG PRADA, dispoñible xa nalgúns países de Europa e Asia.
O novo modelo de LG ten unha pantalla panorámica táctil de 3 polgadas, cámara de 5 megapíxeles con auto focus e a posibilidade de gravación de video a 120 fps e soporte HSDPA.
O trebello estará dispoñible no Reino Unido no outono con Vodafone.
Vía: Engadget
Fontes da marca finesa de telefonía Nokia indicaron que en breve vai comezar a distribución do Nokia N77, un terminal presentado na feria 3GSM en Barcelona fai uns meses. Asemesmo, indicaron que a distribución comezará por Finlandia, continuando por Vietnam e India.
Pra quen nunca escoitase falar deste terminal, o Nokia N77 ten unha pantalla realmente grande, de 2,4 pulgadas, dous altofalantes estéreo de alta calidade xunto co xa case tradicional reproductor mp3, cámara de 2 megapíxeles e sobre todo a posibilidade de ver programas de televisión grazas á tecnoloxía DVB-H. Comentar respecto a esto último que esta tecnoloxía non ten demasiado que ver coa posibilidade que dan algúns operadores como Vodafone de ver a TV no teléfono, é unha televisión con máis calidade.
Na miña opinión, temos ante nós a un completo terminal multimedia, se ben na miña opinión fáltalle algo de conectividade pra ser un superterminal como por exemplo a conectividade sen fíos do Nokia N80.
Máis información: Páxina do producto
Dende fai uns poucos días o operador Yoigo xa ten no seu catálogo un dos últimos móbiles de Nokia, o E65.
Pra quen non coñeza este terminal destacaría, entre as súas características, a completa conectividade Wi-Fi, Bluetooth, Infravermellos e USB, polo que estou seguro que non teremos ningún tipo de problema alá onde queramos conectar noso terminal ou visitar algunha web.
Polo tanto, ademais por ser un terminal 3G, poderemos disfrutar de videochamadas cunha das súas cámaras (a cámara pra fotos e vídeo é de 2 megapíxeles, cicais algo escasos pra ser un novo terminal), ou por exemplo facer chamadas VoIp grazas á capacidade de Wlan (redes sen fíos) que o propio teléfono incorpora.
Como tódolos teléfonos da serie E de Nokia, este teléfono está especialmente indicado pra persoas de negocios, incluíndo aplicacións ideais pra a xestión de correo electrónico e de documentos de ofimática. Outras empresas, coma Vodafone, só deixan mercar este teléfono se se ten un plan de empresa, mais Yoigo permíteo mercar a calqueira persoa, eso si, por un prezo de 199 euros en contrato; un trebello que, ao meu parecer, ten unha boa relación calidade-precio neste operador.
Máis información: Tenda de Yoigo
Máis información: Nokia
Segundo nos contan en Vieiros, A Mesa solicitóulle á Consellería de Industria que asine un acordo cos principais fabricantes de teléfonos móbiles pra incluir o galego no seu firmware, nos seus menús. De facelo, non sería o primeiro ente autonómico en conseguilo, pois todo isto ven a raíz de que a Generalitat
de Catalunya asinara un convenio cos principais fabricantes pra que os menús dos móbiles estén en catalán antes do 2009. Agardamos dende Trebellos que a Consellería faga caso a esta petición e dentro de pouco non teñamos que estar pedindo pra ter menús de trebellos en galego, como xa fan empresas do sector, caso de Blusens. Máis información: Vieiros Máis informacion: A Mesa