Se es un apaixoado de Linux, do código aberto e demais, seguro que esta nova vaite encantar. Dun tempo a esta parte se ven desenrolando o proxecto OpenMoko que, bromas aparte co nome, tenta desenrolar un sistema operativo de código aberto pra teléfonos móbiles.
O primeiro teléfono que disfrutará deste SO será o Neo 1973 que, polo que podemos apreciar, será de pantalla táctil como ven sendo moda últimamente, e será sacado á venda en varias configuracións, que van dende o máis básico ata o modelo máis complexo, que trae:
Según din na páxina o teléfono será sacado á venda dende OpenMoko con prezos que irán dende os 450 dólares ata os 600 pra o modelo máis avanzado.
Máis información: Neo 1973
04 Jul
Escrito por Juan Milleiro en Linux, Ordenadores, Trebellos Verdes
Despois do HP RP5700, o proximo setembro sairá ó mercado o primeiro “ordenador ecolóxico ” da marca Zombu. O trebello ven listo pra usar co sistema operativo Gentoo Linux preinstalado e unhas características modestas pero suficientes: procesador intel compatible de 1,2 GHz (un VIA??) 512 MB de RAM e disco duro de 4 GB baseado en flash con ethernet incorporada e 6 portos USB para conectarlle os teus periféricos e todo nun tamaño moi reducido.
O sistema operativo está baseado en Gentoo e trae de serie aplicacions ofimáticas, xogos e utilidades para internet e redes de tal forma que ven preparado para enchufar e listo (ó mais puro estilo mac).
Os seus creadores afirman que Zonbu consume unha decima parte do que consumen outros ordenadores de sobremesa. Unha boa alternativa para quen non necesite mais potencia, a un custo realmente tentador : 249$.
Visto en Greengadgets
Mais información : Páxina do produto
Maxina por un intre do que estamos a falar de esta nova e do que son 30 kilómetros. Como é de agardar neste tipo de instalacións sen fíos, os 30 kilómetros teóricos serían cunha instalación 100% correcta e cos componentes ideais. Pero, pese a todo, instalando nós este trebello poderemos disfrutar dunha cobertura xenial dependendo da antena que usemos, pois hai no mercado varias que se lle poden instalar. Cunha de 9dBi teríamos
alcance de 2Km, e con outra, co doble de potencia teríamos cobertura de 10km, unha cifra nada despreciábel pra unha transferenza de datos. O Aircable é, como era de agardar, compatíbel 100% con Windows, Mac e Linux, e ven cunha antena de serie con alcance dun kilómetro, suficiente pra moitos de nós, a un prezo de 129$. Vía: Gizmología Máis información: AirCable
Chumby é un trebello que sirve para o que ti queiras. í‰ altamente programable polo que podes descargar, ou incluso facer ti, un widget que faga calquera cousa. Así podes usar o teu Chumby como espertador, para ler as noticias, para ver os últimos videos de youtube, para ler os teus RSS, para xogar… todo isto grazas a que esta basado nunha distribución GNU/Linux e os seus deseñadores pensaron en Chumby como ese trebello diferente que sirve para o que ti queiras.
Ten conexión wi-fi, procesador ARM a 350 MHz, 32 MB de SDRAM, 64 MB de ROM e unha pantalla de 3’5 polgadas (a 320×240 píxeles), cun tamaño similar ao dunha taza.
Este gran trebello estará dispoñible por 180 dólares.
30 May
Escrito por Juan Milleiro en Linux, Novas, PDA, Periféricos, Telefonía
Palm acaba de presentar o seu novo trebello Palm Foleo que funciona como accesorio dun Palm Treo. O Palm Foleo semella un portatil de 10″ e podese conectar ao noso telefono por bluetooth ou a redes wifi, pero non ten disco duro e parece que só vai funcionar cos telefonos da casa. A maior vantaxe que presenta e o seu prendido e apagado instantaneo. Parece que leva un linux con aplicacións de ofimática e para a comunicación , ¿Terá algo que ver con ACCESS?
Venderase no verán por 499
$ e logo o seu prezo subirá os 599 $.
Visto en Xataka
Mais información : Páxina do produto
O trebello por excelencia para os nenos de moitos paises do Terceiro Mundo vai ser, se non
pasa nada, o OLPC (“One Laptop Per Child”, “un portatil para cada cativo”). O proxecto xa pasou polas etapas de deseño, promoción e financiamento, e esta a piques de comezar a súa distribución. A mellor proba do éxito é que xa lle sairon competidores, coma o Classmate que hai ben pouco presentou Intel. A “guerra de fondo” pódese seguir nos dous frentes posibles: o procesador e o sistema operativo. O OLPC leva AMD e GNU/Linux, e o Classmate Intel e Windows. Os consumidores, polo común, somos os beneficiarios das loitas comerciais. Pero neste caso, sera posible que os nenos do mundo adiante queden sen trebello polos enfrontamentos nas “alturas”? Máis información: Gizmodo.
O Origami, o Ultra-Mobile PC, o dispositivo que cambiaría para sempre o mundo dos trebellos portátiles. O ultra-gadget. O… ¿que non sabedes do que falo? Pois hai pouco máis dun ano era un dos dispositivos “estrela”. Unha mistura entre PDA e portátil con pantalla táctil (Tablet PC), funcionando coa mesma versión de Windows que calquera PC (aínda que tamén houbo versións linuxeiras) , e cunhas especificacións propias dun equipo de escritorio de gama baixa. Pretendía converterse na navalla suiza dos gadgets, e Microsoft, Samsung e Intel (entre outras compañías), lanzáronse de cabeza na súa promoción e desenvolvemento. Continúa lendo »
Era algo que xa se sabía pero que non era oficial. Que Dell ía vender ordenadores e portátiles con Ubuntu pre-instalado era un ruxe-ruxe que corría dun blog a outro dende que a propia Dell abriu o IdeaStorm, unha especie de Chuza! pero de ideas para Dell.
No IdeaStorm o que máis se votou foi que os ordenadores e portátiles viñeran con Linux instalado. Uns meses despois, Dell confirma, por medio do seu blog, que nas próximas semanas os ordenadores e portátiles Dell terán a opción de vir con Ubuntu 7.04. Isto é grazas a un acordo de Dell e Canonical. Demomento só estará dispoñible para os estadounidenses, pero agardase que pronto esta opción estará operativa para o resto do mundo.
Unha boa nova para os amantes de Linux que xa están fartos de pagar a licenza do Windows que nunca utilizarán.
Máis información: Direct2Dell.
Máis información: Ubuntu.
Chegou xa ás nosas mans un trebello que está revolucionando o mundo das conexións a internet sen fíos: estamos falando de La Fonera, saída directamente da factoría de Fon, o proxecto no que actualmente está máis involucrado Martín Varsavsky.
La Fonera é un router con acceso sen fíos a través dos protocolos 802.11b/g, cun firware OpenWRT, baseado en Linux 2.4 (2.4 GHz), pero modificado pra esta ocasión. Ao instalalo proporcionará dúas redes sen fíos (dous SSID), co que teremos unha rede pública FON e a nosa propia con contrasinal encriptada. Deste xeito as persoas que accedan á rede pública Fon só terán acceso completo a internet se se identifican co enderezo de correo electrónico e contrasinal que usaron ao rexistrarse en Fon.
Se somos alguén que se despraza frecuentemente e precisa de Internet alá donde vai pode ser un bo trebello ou, simplemente por cuestión de solidaridade. Certo é que pode ser algo bó pra sacarse cartos se escollemos unha elección de usuario e temos unha boa situazón onde exista moita xente pra conectarse, todo dependerá de con que óptica miremos ao que moitos xa chamaron a revolución das redes sen fíos.
Máis información: Fon