Non hai nada peor que un día caluroso de verán diante do ordenador, por iso recomendo hoxe este trebello, aínda que non sexa unha novidade.
Agora que chega a calor non hai nada mellor que un ventilador conectado ao ordenador por USB. Pequeno, cómodo e refrescante.
Aínda que Galicia non é un país caluroso, si que se nota, e moito, a calor cando chega, e sobre todo agora con isto que lle chaman cambio climático.
Os ventiladores quizais foron dos primeiros trebellos por USB que apareceron, por iso hainos de moitos tamaños, de moitas formas e de moitas cores. Son fáciles de atopar nas tendas de informática ou mesmo nos bazares chinos. Por iso, esta entrada serve de recordatorio para que os que teñan que pasar o verán diante do ordenador saiban que poden calma-la calor,
e non só con auga.
Máis información: Google.
A moda de enchufar cousas por USB non para, agora tócalle ás guitarras eléctricas. Se es un virtuoso do rock&roll ou un aficionado aos punteos, esta guitarra é á solución aos problemas de conectar (e gravar) a túa guitarra ao ordenador. Simplemente conectando a guitarra por un cable USB ao ordenador xa poderás gravar todo o que fagas para escoitalo logo e compararte
con Jimmy Hendrix.
A principal función da I-Axe é poder conecta-la ao ordenador por USB, pero ademáis ten unha saida jack para auriculares. O cable é de un metro e medio aproximadamente, pero pódese aumentar xa que no mercado existen alongadores de cable USB. O seu prezo ronda as 100 libras inglesas.
Grazas a esta guitarra poderás toca-la mentres soa música no teu ordenador, editala facilmente, grava-la, etc. Ideal para os músicos que non queren complicación á hora de gravarse.
Vía: Ounae.
Máis información: I Want One Of Those.
Hoxe falei de Trebellos na Radio Galega e en medio da conversa surxiu o tema dos trebellos inutis, que case sempre soen ser trebellos que se conectan ao USB e fan algo en concreto, non demasiado efectivo. Pois ben, existe xa un blogue sobre iso na rede e é Everything USB, onde unha visita servirá pra non abraiarnos nunha tempada. De feito, unha das derradeiras entradas é bastante curiosa: sae ao mercado unha máquina de vending de memorias USB. í‰ dicir, un agora na empresa pode ir a mercar gominolas ou calquer cousa de comer á maquina e, se non ten espazo no PC, unha memoria USB. Na miña opinión, non sei se catalogada de “xaponesada que nunca chegará eiquí” ou de “algo útil”, aínda que me inclino posíbelmente polo segundo, pois pode servir pra sair dun apuro… Máis información: Everything USB
Con tanto USB (útil ou inútil) xa non basta con ter 4 ou 8 portos, agora grazas a este trebello poderás conectar ata 16 portos a dous ordenadores (PCs ou Macs). O CHMP-16, que é así como se chama este hub, precisa dun adaptador á corrente e leva un conmutador para elexir a que ordenador están conectados os periféricos USB.
Extremadamente útil para esas persoas que en vez de mercar DVDs mercan discos duros extraíbles. Se andas escaso de portos USBs, este é o teu trebello.
Máis información: Páxina oficial do produto, en xaponés.
E ao fin chegou o tan rumoreado ultraportábel de Apple, o novo Macbook Air, que resulta ser o portátil máis fino do mundo. As características:
Páxina Oficial | Macbook Air
Como anunciabamos en Trebellos, hoxe tivo lugar unha nova Keynote de Apple, onde se presentaron novos produtos e actualizacións dalgúns xa existentes. Un dos novos trebellos anunciados foi a Time Capsule, unha unidade de almacenamento que garda no seu disco duro interno copias de seguridade dun mac. Grazas ao seu disco duro, que pode ser de 500GB ou 1TB e a compatibilidade co servizo de copias de seguridade Time Machine, integrado na última versión do sistema operativo da comapañía, asegúrase ter sempre unha copia de tódolos arquivos gardados no disco duro do ordenador con tan só un clic. A Time Capsule tamén pode funcionar como estación inarámica, dando servizo a tódolos trebellos inarámicos e mesmo aos ordenadores con Windows, grazas á
tecnoloxía 802.11n. A incorporación dun porto USB tamén lle permite funcionar como central para unha impresora en rede. Estará dispoñible en febreiro a 289€ a versión de 500GB e a 489€ a versión de 1TB. Máis información: Time Capsule
Agardando a que chegue a MacWorld 2008 onde Apple nos amosará un novo trebello ou ordenador revolucionario podemos xogar coa Apple Store, do mesmo xeito que fixeron os microsiervos. Imos calcular o ordenador máis caro que podemos mercar na Apple Store española:
Todo isto por 22.222 eurazos (IVE incluido). Só apto para os geek maqueiros que lles tocou a lotaría no sorteo de nadal. Visto en Microsiervos. Máis información: Apple Store España.
Transcend acaba de sacar ó mercado un dos pendrives máis pequenos do mercado cunhas dimensións de 0.3mm x 12.3mm x 2.4mm e 2 gramos de peso.
Ten un ratio de transferencia de 10 MB/s de lectura e 3MB/s de escritura.
Está feito extra resistente para que non se doble ou rompa como soe pasar coas minimemorias usb. Utiliza un chip especial (COB, chip on board) que se ensambla na carcasa de policarbonato irrompible así como os seus circuitos e fai que sexa irrompible.
Inclúe un pack de software coas seguintes características:
Non necesita drivers agás en windows 98.
Polo momento está dispoñible en versións de 1gb e de 2gb con prezos de 10€ e 18€ respectivamente. Tamén se vende en packs de 5 unidades. A garantía é de por vida.
Máis información: Trascend
En Galicia hai moitos adictos e adictas ao Windows Live Messenger, persoas que se pasan horas e horas chateando cos seus amigos. Para eles chega este curioso Trebello.
O i-Buddy é un boneco que se conecta por USB ao ordenador e cambia de cor ou se move dependendo das mensaxes que recibas polo Messenger. Así, se nunha conversación do Windows Live Messenger, un contacto mándanos a emoticona dun corazón, o i-Buddy moverá as súas ás e a súa cabeza volveráse amarela.
Só funciona en Microsoft Windows xa que este trebello é especial para o Windows Live Messenger e aínda non se
sabe cal será o seu prezo.
Visto en Gizmótika.
Máis información: Páxina do produto.
Os iMacs son coñecidos sobre todo polo seu deseño e no mundo dos PCs non hai nada que se lle asemelle. Nada? Pois ata agora non, pero vai sair á venda o PC Gateway One, que como vemos na imaxe non podemos
evitar comparalo cos iMacs.
Vai sair á venda en 3 modelos diferentes, pero todos eles teñen Windows Vista, webcam integrada de 1’3 megapíxeles, tecrado, rato, sintonizador de TV, bluetooth, wi-fi, 3 portos USB, 1 porto firewire e lectores de tarxetas. Logo, cada modelo ten estás características:
de 19″.
Aínda non se sabe a data de saída ao mercado pero o que si se sabe son os prezos, así, o modelo retail terá un prezo de 1300 dólares, o modelo online de 1500 dólares e o modelo de gama alta un prezo de 1800 dólares. Visto en Gizmotika. Máis información: Páxina do produto.