Recentemente desvelouse o novo smartphone de samsung, a continuación detallamos as súas características principais.

Terminal con dimensións 115.9 x 61.3 x 13.3 mm, pantalla táctil de 2.55” con resolución de 320 x 320 px e cursor de rato, teclado QWERTY, soporte UMTS/HSDPA 2,1 GHz, cámara principal de 2 megapixeles e secundaria para facer videochamadas con calidade vga, conectividade bluetooth, wifi b/g, soporte pushmail, navegador gps e ranura para tarxetas microSD. Utiliza o sistema operativo Windows Mobile 6 Profesional.

Aínda non se sabe a data de saída ó mercado nin o prezo, pero si se sabe que sairá en Europa.

Podedes ver un video do smartphone en acción clickeando aquí.

Visto en: Xatakamovil

Palm ven de presentar o novo modelo Treo 500v, que destaca por levar Windows Mobile como Sistema Operativo, un cambio bastante brusco na marca, que desenrolaba seu SO Palm OS.

O terminal en sí ten conectividade 3G, a pantalla non é tactil e conta con aplicacións incluídas como Internet Explorer, visores de documentos de Office ou Windows Media Player, e ademáis, como sae con Vodafone o trebello, trae integrado Vodafone Live! e un sistema de correo push, como o das Blackberry.

Ten tamén unha cámara de fotos con resolución de 2 megapíxeis e unha memoria interna de 150Mb, ampliábeis mediante tarxetas de memoria microSD.

O terminal sairá a partir de Outubro con Vodafone, en branco e gris escuro. Fontes da compañía aclararon que será un terminal orientado ao público non empresarial, polo que agardamos que o prezo tamén sexa así.

Actualización: Wicho comenta que non é a primeira PDA de Palm con Windows Mobile, anteriormente xa saiu a Palm Treo 750v. Graciñas!

RIM ven de anunciar a nova Blackberry 8310, que básicamente é a anterior Blackberry Curve pero con GPS. Porén, o resto de características seguen sendo as mesmas:

• Teléfono cuatribanda
• Memoria flash interna de 64MB, ampliábel mediante tarxetas de memoria MiniSD.
• Bluetooth
• Cámara de 2 megapíxeis
• Reproductor de audio e vídeo, con altofalantes e saída para auriculares estándar
• Batería de ata 17 días en espera ou 4 horas en conversa

O terminal sairá en exclusive con Vodafone en breve, e sairá con acceso directo a Google Maps e coa opción Vodafone GPS Navigator.

Vía: Xataka.com
Máis información: Web oficial
En Trebellos: Presentada a BlackBerry Curve

Onte confirmaronse os rumores de novas PDA de HP que xa comentamos en Trebellos.org. Os seus nomes, oficialmente, son HP iPaq 910 e iPaq 610.

Os dous modelos teñen o sistema operativo Windows Mobile 6 e están ben comunicados xa que veñen con HSDPA, Wi-Fi, Bluetooth e A-GPS. Ademáis contan cunha cámara de 3 megapíxeles.

Segue lendo »

Segundo algunhas webs, HP xa ten preparados dous novos modelos de iPaq, o seu modelo de PDA-teléfono máis exitoso. Trátase das HP iPaq 914c e HP iPaq 614c, das que só se saben algunhas das súas supostas características.

Os dous modelos comparten a maioría de características: pantallas táctiles de 2,46 e 2,8 polgadas respectivamente, conectividade WiFi e HSDPA, GPS integrado, cámara de 3 megapíxeles e o sistema operativo Windows Mobile 6 Professional.

A única diferenza é o teclado, a 914c ten teclado QWERTY e a 614c ten un teclado de 12 teclas máis unha roda de control similar á do iPod.

Non están aínda dispoñibles nin os prezos nin as datas de saída ó mercado.

Vía: MSmobiles.com

Dun tempo a esta parte o mercado das PDA, entre Blackberry, nokias da serie E e as PDA con Windows Mobile certamente está bastante copado, mais Motorola acaba de sacar un sitio promocional con a seguinte foto:

O sitio promocional está feito pensando na futura saída de novos modelos da serie MotoQ, de tal xeito que se queremos enterarnos antes que ninguén dos novos modelos que saque deberemos proporcionar noso enderezo de correo electrónico. En canto saian estes novos modelos, ten por seguro que poderás lelos en Trebellos.

Máis información: Sitio promocional de Motorola

Palm acaba de presentar o seu novo trebello Palm Foleo que funciona como accesorio dun Palm Treo. O Palm Foleo semella un portatil de 10″ e podese conectar ao noso telefono por bluetooth ou a redes wifi, pero non ten disco duro e parece que só vai funcionar cos telefonos da casa. A maior vantaxe que presenta e o seu prendido e apagado instantaneo. Parece que leva un linux con aplicacións de ofimática e para a comunicación , ¿Terá algo que ver con ACCESS?

Venderase no verán por 499 $ e logo o seu prezo subirá os 599 $.

Visto en Xataka

Mais información : Páxina do produto

O Origami, o Ultra-Mobile PC, o dispositivo que cambiaría para sempre o mundo dos trebellos portátiles. O ultra-gadget. O… ¿que non sabedes do que falo? Pois hai pouco máis dun ano era un dos dispositivos “estrela”.

Unha mistura entre PDA e portátil con pantalla táctil (Tablet PC), funcionando coa mesma versión de Windows que calquera PC (aínda que tamén houbo versións linuxeiras) , e cunhas especificacións propias dun equipo de escritorio de gama baixa. Pretendía converterse na navalla suiza dos gadgets, e Microsoft, Samsung e Intel (entre outras compañías), lanzáronse de cabeza na súa promoción e desenvolvemento.
Segue lendo »

Xa foi presentada a BlackBerry Curve, outro modelo máis de Blackberry, pero orientada moitísimo máis ao mercado do multimedia e, na miña opinión, dos blogueiros, penso que é un modelo ideal para aqueles que facemos fotos e as subimos a Flickr nun intre ou gostamos de escribir no blogue dende calqueira lugar. As súas características principais son as seguintes:

• Mide 107x60x15,5 milímetros e pesa 110 gramos. É cuatribanda e ten conectividade Bluetooth.
• Ten teclado QWERTY, como ven sendo normal na maioría das Blackberry.
• Ten unha cámara de fotos de 2 megapíxeles con flash e zoom.
• Grandes posibilidades multimedia: códecs de vídeo (MPEG4 Part 2 Simple Profile, H.263, WMV) e de audio (MP3, MIDI, AMR-NB, AAC/AAC+/eAAC+, WMA, WAV).
• 64Mb de memoria ampliábeis ata 4XB.

Máis información: Blackberry

Vía Dorfun confirmo o rumor do que se viña falando dende fai uns días: Dell deixa de fabricar a súa liña de PDA, as Axim.

A razón de todo isto non se sabe mois ben, mais tamén se comenta que Dell poida mercar Palm, o que sería, segundo meu punto de vista, unha operación empresarial bastante importante e que metería a Dell de cheo no mundo PDA. En outros blogues, coma é o caso de Engadget non lle dan moito creto a que Dell volte ao terreo das PDA mais, nestas alturas, calqueira cousa pode pasar.

Maxino que en lugares coma eBay mudarán de prezos estas PDA, bastante interesantes de prestacións segundo meu punto de vista, con grandes comunidades de usuarios ao seu redor, coma o caso caso de Aximsite.

Máis información: Nota oficial de Dell