Despois dun longo tempo sen publicar, Trebellos quere voltar á carga, retomando a actividade de escribir novas sobre gadgets en galego.
Porén, buscamos editores para Trebellos, xente xove disposta a meterse nun proxecto novidoso na rede en galego, para escribir novas pola semana sobre trebellos en galego.
¿Con ganas?
Escríbenos a contacto@trebellos.org contándonos o teu nome, o teu blogue e escribindo unha entrada a modo de exemplo como se estiveses no blogue. Graciñas!
Somos conscentes do tempo que leva Trebellos sen actualizarse, e ese tempo non foi en balde, pensamos que merecedes unha explicación e aí tentaremos ofrecela.
O actual equipo redactor de Trebellos non somos capaces de afrontar o ritmo de publicación diario ou case diario que tiña o blogue ata o momento. Cuestións persoais afastábannos da tarefa principal no blogue, e porén a partir dagora Trebellos terá por un tempo resumos semanais cos novos trebellos que vaian saíndo ao mercado. Decidimos esta situación antes que pechar o blogue pola mágoa que nos daría executar esa acción.
Porén, seguimos a recalcar a necesidade de máis blogueiros para Trebellos, estamos abertos a calqueira participación se é con ganas de formar parte deste proxecto.
Atentamente,
O Equipo Redactor de Trebellos.org
15 Oct
Escrito por Juan Milleiro en Amosa os teus trebellos
Este Micro Computer Game (tal que dí nunha esquina) merqueino nunha tenda de segunda mán en Angel, no norte de Londres por £15, e lembro que habia outro igual, no que habia que controlar un home cavernario que lle tinha que roubar ovos a un dinosaurio, mais ese dia non tinha máis cartos no peto, ou sexa que non o levei. Eu penso que é de mediados dos 80, seica porque foi cando mirei por primeira vez estes comecocos con leds luminosos, cunha transición máis rápida que resultaba máis animada. O control da esquerda sube ou baixa a tua nave, que permanece sempre na banda da esquerda. O botón da dereita é o disparo e tamén sirve para iniciar o xogo, hai dous interruptores no centro: o de Ama (amateur) ou Pro (professional) é un control de dificultade que o único que fai e aumentar a velocidade cando se selecciona Pro; o outro interruptor é o On/Off do trebello. A pantalla móvese en scroll de dereita a esquerda para dar a sensación de que a nave avanza. Dalgun xeito os display led do resto da pantalla apáñanse para mostrar distintos elementos cada ún, chegando a amosar 3 figuras distintas (misil, tanque de combustible, os pequenos ufos) aparte do punto branco que é o disparo, e tamén un cuadrado como obstáculo contra o que podes chocar. Cada ún dos display led pode amosar todo o anterior. En total unha pantalla de 7 displays de ancho por 4 de alto (8 de ancho si contamos a columna reservada para a nave do xogador). Hai 4 fases distintas, sendo a última a típica do gran bicho-monstruo, e unha vez superada enlaza coa primeira aumentando a velocidade. O sonido beep mono non se pode aturar, está altísimo e non penso que se poda baixar, especialmente o soniquete do inicio de xogo, de cando nos vendian esto como exemplo de futuro. Funciona con 4 baterias tipo C (R14) de 1.5 V, e duran ben. Estouno a mirar agora e non atopo etiqueta, agás os nomes de Tomy (o fabricante de xoguetes) moldeado no frente, e o copyright de Konami. Debaixo tén a inscripción moldeada “Made in Singapore”. Este maquinillo tén a actitude de moi para rapaces, non para rapazas, típica.
Fotos: 1, 2. Amosa os teus trebellos!
Queremos comezar a facer cousas en Trebellos ligadas contigo e hoxe presentamos a primeira. Queremos que nos ensines teus trebellos. Pode ser unha cámara, un iPod, calqueira cousa que vexas interesante, ou un iPhone se o tes. De vez en cando iremos publicando as máis interesantes. ¿Cómo facer que saia túa foto? Tes primeiro que ter unha conta en Flickr. Logo, debes subir a foto en cuestión e asignarlle a etiqueta trebellos. Anímate, e se todo vai ben, dentro de pouco publicaremos
pharmacy
as primeiras imaxes por aquí…
17 Aug
Escrito por Juan Milleiro en Linux, Periféricos, Telefonía
Si eres dos que estás farto de cargar con tantos cargadores como trebellos uses, para ti foi creado este dispositivo definitivo. Tratase dun cargador que se adapta a calquer tipo de dispositivo como mobiles, mp3´s, GPS, consolas, PDA´s, etc… Idapt e un cargador universal que nos permitirá non ter que cargar co cargador específico de cada trebello. Funciona cun método de clavixas intercambiables por marcas, e permite cargar ata dous dispositivos a un tempo na súa base. Pesa pouco mais de 200 grs, sen dubida unha opción interesante para cargar menos a nosa equipaxe.
Vendeno na súa web por un prezo de algo menos de 50 €, con gastos de envío incluidos e cinco clavixas de regalo.
Mais información : Idapt
09 Aug
Escrito por Il en Apple, Linux, Periféricos, Son, Telefonía, Vídeo
O portal de novas tecnoloxías CNET ven de publicar unha listaxe cos 10 trebellos que deberias ter.
O iPod non podía faltar nesta lista. Se cadra o iPod é o trebello por antonomasia, quen non coñece o que é un iPod? Seguro que a xente que non sabe nada de ordenadores, de mp3 nin de nada de novas tecnoloxías algunha vez oiu falar do iPod. Desta vez o iPod Nano chegou ao terceiro posto e Apple consigue meter 2 trebellos seus nos 3 primeiros lugares, se cadra porque son bos ou se cadra porque teñen o mellor marketing.
Estos son os 3 primeiros da lista pero hai máis.
No 4º lugar está o SanDisk Sansa Connect, outro mp3 con moitas funcións: Wi-Fi, radio web stream, 4GB internos e ranura para unha tarxeta microSD, etc. No 5º están os MacBook, os ordenadores portátiles de Apple desexados por moitas persoas grazas ao seu deseño e á súa calidade. No posto número 6 está o Sling Media Slingbox A/V, un trebello que permite conectar a túa TV ao ordenador ou a calquera dispositivo móbil (con Windows Mobile) para así poder ver a TV dende o teu ordenador (por exemplo). No 7º lugar do ranking está a Nintendo DS Lite, a consola portátil que xa gañou a guerra desta xeración de consolas portátiles, a súa calidade, os seus xogos, as dúas pantallas e o modo de xogo (pantalla táctil) fan desta consola a mellor consola portátil. No 8º lugar está a Samsung LN-T4665F, unha TV LCD de 46 polgadas e 1080p HDTV, a mellor calidade nunha televisión LCD. No 9º posto está a Sony Handycam HDR-HC7, unha cámara de video (non profesional) de moita calidade que fai imposible gravar cousas malas. No derradeiro posto da lista están os V-Moda Bass Freq headphones, uns cascos de música para escoitar a un bo prezo e a unha mellor calidade a música do noso mp3.
Como vedes é moi discutible esta lista, pero por iso non deixa de ser unha lista con moi bos trebellos.
Se tes moitos dos trebellos que hai nesta lista és moi geek.
Visto en Código Cero.
Máis información: CNET – Top 10 must-haves.
Aproveitando o 25 de Xullo, Día de Galicia, dende Trebellos.org
lanzamos unha nova imaxe do noso weblog.
Queremos dárlle un novo pulo e unha nova imaxe ao proxecto e que mellor que elexir este día para a presentación do novo deseño. O deseño de cores laranxas, suaves e claras quere mellorar a lectura das novas que publicamos.
Andrés Milleiro ademáis de ser editor e propulsor da idea de Trebellos.org, é tamén o responsable do novo deseño.
Sen máis, agardamos que vos guste este novo deseño e que continuedes atentos a este weblog.
Lembramos que tódolos Luns, sobre as 12:20 da mañá en RadioVoz Andrés Milleiro, de Trebellos.org falará sobre as novidades desa semana.
Se non liches demasiado o blogue esa semana, pode ser un intre ideal pra poñer a radio e escoitar as novidades de trebellos no mercado. Agardámoste!
21 Jun
Escrito por Juan Milleiro en Novas
Hai intres nos que asistimos a reunións, a congresos, ou simplemente queremos ir a algures cos nosos trebellos: que se a cámara dixital, que se o portátil; en ocasións con problemas no seu transporte. Logitech acaba de anunciar a futura saída ao mercado dunha mochila na que poderemos transportar os trebellos dun xeito cómodo. A mochila en cuestión vai saír á venda de dous xeitos: como mochila propiamente ou como carteira/maletín, non podendo transportar en ningún caso un portátil de máis de 15.4 pulgadas, como soe ser frecuente neste tipo de accesorios. Ademais, os dous modelos teñen bolsillos pra outros trebellos como o iPod, a cámara de foto, algúns cargadores, cables…e todo aquilo que necesariamente temos que transportar. Estes dous accesorios comezarán a venderse dende Logitech.com en Setembro e a partir de 99 dólares. Vía: Gizmología
Unha das cousas máis molestas de ter moitos trebellos é que á hora de carga-los electricamente só consigues ter moitos cables enredados. Ademáis de que seguramente teñamos máis de un enchufe ocupado por ter que estar cargando varios trebellos á vez.
O Chargepod é un cargador que permite cargar ata 6 trebellos á vez. Ademáis trebellos con diferentes conectores, como mp3, PDAs, telefonos móbiles, etc. Todos agás (e esta é a única pega) os ordenadores portátiles. Trae múltiples adaptadores e ten unha tecnoloxía para regular a voltaxe que fai que cada trebello obteña o seu voltaxe óptimo.
Agora xa podemos cargar nun só enchufe ata 6 trebellos sen necesidade de ladróns, regletas e enredos de cables. Cun único aparello poderemos cargar
rápida e ordenadamente todos os nosos trebellos, por un prezo de 50 dólares.
Visto en: Coolest Gadgets.
Máis información: Chargepod.
