Non hai nada peor que un día caluroso de verán diante do ordenador, por iso recomendo hoxe este trebello, aínda que non sexa unha novidade.
Agora que chega a calor non hai nada mellor que un ventilador conectado ao ordenador por USB. Pequeno, cómodo e refrescante.
Aínda que Galicia non é un país caluroso, si que se nota, e moito, a calor cando chega, e sobre todo agora con isto que lle chaman cambio climático.
Os ventiladores quizais foron dos primeiros trebellos por USB que apareceron, por iso hainos de moitos tamaños, de moitas formas e de moitas cores. Son fáciles de atopar nas tendas de informática ou mesmo nos bazares chinos. Por iso, esta entrada serve de recordatorio para que os que teñan que pasar o verán diante do ordenador saiban que poden calma-la calor,
e non só con auga.
Máis información: Google.
Este venres 20 de Abril inaugurouse na Coruña unha nova tenda na que mercar productos da marca da mazá. Playstore, que é como se chama a tenda está situada na rúa Federico Tapia, 43 e abastecerá o mercado dos maqueiros coruñeses e doutros puntos de Galiza.
A apertura da tenda foi amenizada con musica Jazz da man de Marcelino Galán. Esperemos que a andanza desta nova tenda coruñesa sexa por moito tempo.
Via Código Cero
Contan en Arroutadanoticias.com que por fin xa está rematada a tradución de Gmail ao galego. Grazas ao esforzo dos internautas que respaldaron a última convocatoria para a súa traducción, o servizo de correio de google xa se topa totalmente traducido. Pero para podelo usar gmail na nosa lingua, teremos que agardar a que os rapaces de Mountain View a revisen e den a súa conformidade.
Pero si queredes, podedes seguir colaborando na tradución doutros servizos de google coma Orkut, Picasa ou Google Groups, que pola súa
escasa difusión as traducións topanse mais atrasadas. Para consultar o estado das mesmas, ou colaborar con elas tedes que ter conta nalgun dos servizos de google, e consultar o servizo de traducción onde ven o porcentaxe de cada servizo que está traducido.
!Animadevos, que xa falta menos!
Mais información : Servizo de tradución de Google.
Comezamos a primeira das guías pra mercar que faremos en Trebellos. Neste intre vou falar dunha das miñas maiores pasións, os auriculares. Moitos dos reproductores MP3 que mercamos teñen unha boa acústica pero que se ve moi mermada pola baixa calidade dos auriculares a través do cal escoitamos a música, polo cal os auriculares e a conexión que teñan vai ser un elemento fundamental cara a ter unha boa calidade de son e non está de máis gastar un pouco máis de cartos nuns bos auriculares. Nesta primeira entrega comezarei falando do tipo de auriculares que eu uso, os auriculares portátiles, os “de toda a vida”, que tan de moda se voltaron a pór dun tempo a esta parte e que, na miña opinión, mellor calidade de son ofrecen pese a ter o inconvinte do seu tamaño. Continúa lendo »