Guí­a pra mercar auriculares (I)

Comezamos a primeira das guí­as pra mercar que faremos en Trebellos. Neste intre vou falar dunha das miñas maiores pasións, os auriculares. Moitos dos reproductores MP3 que mercamos teñen unha boa acústica pero que se ve moi mermada pola baixa calidade dos auriculares a través do cal escoitamos a música, polo cal os auriculares e a conexión que teñan vai ser un elemento fundamental cara a ter unha boa calidade de son e non está de máis gastar un pouco máis de cartos nuns bos auriculares. Nesta primeira entrega comezarei falando do tipo de auriculares que eu uso, os auriculares portátiles, os “de toda a vida”, que tan de moda se voltaron a pór dun tempo a esta parte e que, na miña opinión, mellor calidade de son ofrecen pese a ter o inconvinte do seu tamaño. Sennheiser PX-100.Pra moitos amantes dos auriculares son os mellores auriculares que se poden atopar agora no mercado dos auriculares pra reproductores de MP3. Son os auriculares que uso eu case sempre e se poden plegar dun xeito semellante a unhas gafas, o

que fai que non ocupen demasiado espazo. A calidade de son que ofrecen é incrí­bel, cun son algo potenciado nas frecuenzas baixas. Sennheiser é unha marca moi coñecida polos profesionais do son, e que se dedica sobre todo aos micrófonos e aos auriculares, polo que é unha marca con ampla tradición e ampla aceptación entre os profesionais do son, algo que tamén se pode notar no prezo, mais non é excesivo e, na miña opinión, teñen unha moi boa relación calidade-prezo. Os Koss Portapro eran posí­belmente os mellores ata que chegou o anterior modelo (estes Koss foron creados nos anos 80), o Sennheiser PX-100. Neste modelo eu destacarí­a cómo destacan incrí­belmente os graves, penso que algo fóra do común nos auriculares, e que cicais desagrade aos amantes do son por non ser un son demasiado neutral. Eu persoalmente xa non os uso tanto, pois son algo aparatosos para transportar, e non se plegan tan ben coma os Sennheiser PX-100. Dirí­a tamén que en Europa é un modelo algo difí­cil de localizar, mais se pode atopar perfectamente por Internet. De feito, eu os merquei en Amazon, onde están por 40$. Máis información: Lista de correo en Google sobre auriculares Máis información: Distribuidor de Sennheiser en España