Se onte falábamos do GPS pra moteiros, hoxe en Trebellos imos falar dun accesorio que será bastante útil pra todos aqueles que
tamén fagan deporte ao aire libre, neste caso o ciclismo. Imos falar doiHome iH85B, que é un estoxo de policarbonato resistente onde poder gardar a botella de auga namentras andamos na bicicleta. Ata aí, normal. Pero,ademais, é un lugar onde poder meter o iPod e así escoitar a nosa música a través de este estoxo/soporte, pois incorpora dous pequenos altofalantes. Ademais, pode ser controlado por control remoto, polo que non é algo incómodo namentras andamos na bicicleta, pois este control remoto se pode enganchar no manillar da bicicleta. Pese a todo, algún verá a utilidade de ir coa bicicleta e uns altofalantes, sobre todo pola molestia que poida causar a todos aqueles polos que pase ao carón, pero iso non é cousa nosa. Este curioso trebello está á venda por 83 dólares en Amazon.com Vía: PopGadget
Entre os moitos trebellos que acumulamos ao noso redor, é raro que pensemos nunha bicicleta coma un deles. Pero esta que vos amosamos hoxe ten ese componente gadget que nos fai botarlle máis que un ollo. E non só por tecnolóxica, senon por ser unha opción a considerar para os que vivimos en cidades pequenas, e quixeramos deixar de tirar do coche en busca de aparcamento.
Trátase dunha gama de bicicletas eléctricas que incluen unha bateria extraible que se pode cargar na casa, en calquera enchufe normal, polo que non teremos que achegar a bicicleta ata o lugar de recarga.
Entre os puntos máis favorables, unha autonomía de case 100Km, e unha gama de deseños para tódolos gustos. Pola parte do negativo, sen dúbida o prezo: o modelo máis económico situase por riba dos 1000 euros. Haberá que pensar no moito que imos aforrar en coche…
Máis información: Schwinn Bikes.
