Aqui vos traemos dous trebellos moi diferentes pero moi útiles para algúns. O primeiro e o USB Media Remote que non é outra cousa que un mando a distancia para o ordenador, que xa trae incluido un adaptador USB. Si, é feo, pero é útil xa que podes controlar as túas películas, a música, as presentacións de PowerPoint, etc. Ademáis ten esa forma porque pódese gardar na ranura da PCMCIA ideal para levar dunha forma
cómoda nun portátil.
O outro trebello é moi grande e o trebello ideal para os amantes dos coches e dos xogos de carreiras. Trátase do
Play Seat Evolution de Logitech, un sillón con volante e pedais para xogar comodamente e realisticamente aos videoxogos de carreiras. Teredes que dárvos presa para mercar este accesorio para videoxogos de algo menos de 500 euros, xa que só poñen á venda 100 unidades.
Visto en Gizmodo | Xátaka. Máis información: USB Geek | Akihabara News.
Apple quere celebrar a chegada do Nadal, etapa propicia para a merca de trebellos e por iso mesmo acaban de sacar unha promoción
mediante a cal pódese mercar un Mac a 10 meses e con interés cero. A promoción está vixente dende o 20 de Novembro ata o 14 de Xaneiro. Lembrar tamén que esta promoción de Apple non ten nada que ver con mercar o ordenador
na Apple Store normal ou na Apple Store para estudantes, a única condición é que o prezo a financiar sexa superior a 700€. Máis información: Web da oferta Máis información: Apple Store
Transcend acaba de sacar ó mercado un dos pendrives máis pequenos do mercado cunhas dimensións de 0.3mm x 12.3mm x 2.4mm e 2 gramos de peso.
Ten un ratio de transferencia de 10 MB/s de lectura e 3MB/s de escritura.
Está feito extra resistente para que non se doble ou rompa como soe pasar coas minimemorias usb. Utiliza un chip especial (COB, chip on board) que se ensambla na carcasa de policarbonato irrompible así como os seus circuitos e fai que sexa irrompible.
Inclúe un pack de software coas seguintes características:
Non necesita drivers agás en windows 98.
Polo momento está dispoñible en versións de 1gb e de 2gb con prezos de 10€ e 18€ respectivamente. Tamén se vende en packs de 5 unidades. A garantía é de por vida.
Máis información: Trascend
En Galicia hai moitos adictos e adictas ao Windows Live Messenger, persoas que se pasan horas e horas chateando cos seus amigos. Para eles chega este curioso Trebello.
O i-Buddy é un boneco que se conecta por USB ao ordenador e cambia de cor ou se move dependendo das mensaxes que recibas polo Messenger. Así, se nunha conversación do Windows Live Messenger, un contacto mándanos a emoticona dun corazón, o i-Buddy moverá as súas ás e a súa cabeza volveráse amarela.
Só funciona en Microsoft Windows xa que este trebello é especial para o Windows Live Messenger e aínda non se
sabe cal será o seu prezo.
Visto en Gizmótika.
Máis información: Páxina do produto.
Seguindo coa tradición de trebellos de facer tutoriais, hoxe imos explicar como liberar unha serie de terminais nokia de manera sinxela, segura e legal.
Liberar consiste en pór un terminal, que está anclado a unha comañía de telefonía móvil, aberto para que poda ser utilizado por tódalas compañías.
Os modelos en teoría soportados son os nokia 3110, 3250, 5200, 5300, 6085, 6110Navigator, 6136, 6270, 6300, 6630, 6680, 6681, 7370, E50, E60, E62, E65, E70, N70, N71, N72, N80, N90, N91, N93 e N93i. Polo momento só ha sido probado cos nokia 6630, 6680, n70 e n80 e funciona correctamente.
Para comezar necesitamos un cable dku-5 coma este. Conectámolo a un usb libre do ordenador, instalamos os drivers que o acompañen e acto seguido cambiamos a direccion do porto com a crear co cable. Para iso imos a panel de control, administrador de tarefas, sistema, administrador de dispositivos, seleccionamos o cable dentro do apartado com, imos a propiedades, avanzadas e poñemos o com entre 1 e 9, rangos superiores no son admitidos.
Acto seguidos baixamos o programa bb5 unlocker de dejan dende aquí e o descomprimimos. Antes de comezar abrimos o
arquivo bb5_unlocker.cfg co bloc de notas de windows e cambiamos o número do com polo que temos posto no noso ordenador para o cable.
Aquí comeza o proceso de liberación:
1- Apagamos o terminal, deixandoo coa batería e a tarxeta sim.
2- Prendemos o terminal (soamente encendelo, non introducir pin nin tocalo máis) e conectamos o cable dku-5.
3- Executamos o arquivo install.bat, e nos sairá unha pantalla coma esta:
4- Prememos o botón “read phone” e acougamos a que nos saia que finalizou (“done”).
5- Agora prememos o botón “make log” e tamén esperamos a que saia “done”.
6- Minimizamos o programa e dentro da carpeta que descomprimimos executamos BB5_calc.exe, nos sae que finalizou e aceptamos.
7- Retornamos o programa anterior (agora minimizado) e prememos SP Unlock e nun intre nos avisará de que o terminal xa está liberado.
Anotación: O teléfono reiniciase unha ou dúas veces durante o proceso.
En Trebellos falamos fai tempo desta boa aposta ultraportátil, con pantalla de 7″, conectividade WiFi, un peso de 890 gramos e con 3 horas de batería. Hoxe en Xataka lemos que vai saír un pouco máis caro, comentamos os prezos:
Pese a subida de prezos, este Asus segue a ser unha boa alternativa para ter un ordenador a man, con completísima movilidade. En Trebellos: Asus Eee PC, o ultraportable e ultraeconómico
A finesa Nokia ven de presentar hoxe o novo Nokia E51, que por tanto está destinado a esas persoas que precisan ler o correo electrónico e estar conectados alá onde queira que estean, como todos os da serie E de Nokia. Destaca por ter WiFi e HSDPA (o da WiFi xa está en case tódolos os da serie E, e é algo de agradecer), nun terminal a primeiras fino e estilizado, borrando ese estereotipo de que os terminais pra negocios e demais non son agradábeis á vista. No apartado de correo electrónico, tentando arrebatar algo de espazo ás Blackberry, Nokia ven de incluir unha pequena luz que se ilumina coa chegada de novos correos electrónicos. As diferenzas do novo E51 é o seu deseño, que é semellante ao do Nokia E65, pois emprega materiais como o acero inoxidábel, e incorpora un pad e teclas de acceso directo ao igual que o terminal dito, perdendo o joystick que existía no E50 e que cada vez usa menos Nokia. Destacar como características, ademais das ditas, Bluetooth 2.0, porto miniUSB pra conectalo directamente ao ordenador, infravermellos, pantalla de 2″ con 240×320 píxels e 16 millóns de colores, memoria interna de 130Mb ampliábel mediante microSD, radio FM, cámara de 2 megapíxeis con zoom dixital 4x e reproductor de audio e vídeo. A autonomía da batería é de 4,4 horas en conversa e 13 días en espera. Pesa 100 gramos e sairá ao mercado a final de ano a 350 euros libre, un bo prezo, e en dúas cores, negro e marrón. Máis información: Nota de prensa de Nokia
Os xogadores de videoxogos por ordenador (chamados gamers) saben que non sirve calquera rato para xogar. Igual que non sirve calquera ordenador, por exemplo, os portátiles non son moi bos para xogar aos videoxogos. Aínda que, últimamente, saen portátiles especiais para xogar a videoxogos.
Pero… tampouco se pode xogar ben sen un bo rato. Por iso Razer, empresa especializada en ratos, acaba de lanzar un rato especial para gamers e para portátiles.
Trátase do Razer Pro|Click Mobile, un rato pequeno, óptico e inarámico (Bluetooth) e cunha resolución de 1200 dpi (a velocidade do rato).
Poderemos desfrutar del en outubro a un prezo de 36 euros aproximadamente.
Debido a que Apple mudou a
forma de acceder á base de datos de cancións e listas de reprodución nas últimas versións dos iPod, presentadas hai unhas semanas, as aplicacións de terceiros para sincronizar a música co reprodutor de Apple non funcionan. As aplicacións de terceiros eran, ata o de agora, a única forma de sincronizar o iPod baixo Linux. Mentras non apareza algún tipo de actualización do software dispoñible, os usuarios deste sistema operativo terán que empregar un ordenador con Windows
ou Mac OS para disfrutar de contidos multimedia no seu reprodutor. Vía: Gizmodo ACTUALIZACIí“N: Resolta a incompatibilidade dos novos iPod en Linux
Xa sabíamos da existencia do Sony Rolly dende hai algún tempo, pero ata o de agora non se coñecía ningunha das súas características. Agora sabemos que o aparello pode funcionar ben como reprodutor MP3 ou como sistema de altofalantes inarámicos.
Como reprodutor MP3 autónomo, dispón dunha memoria de 1Gb, na que se pode almacenar música que o trebello se encargará de reproducir aleatoriamente grazas ós seus altofalantes integrados. Para cambiar de canción ou subirlle o volume é necesario xirar unha parte do robot, porque carece de botóns.
Como comentaba, o Rolly tamén pode servir para ter uns altofalantes inarámicos, xa que grazas a que incorpora a tecnoloxía Bluetooth pódese conectar cun ordenador.
Cando reproduce música, móvese e pode facer coreografías, configurables dende o PC e tamén dispoñibles en internet.
O trebello poñerase á venda en Xapón o 29 deste mesmo mes a un prezo de 350 dólares.
Vía: Xataka