O outro día xa falamos do meizu m8 e agora nos chegan novas de meizu sobre o modelo m7, como podemos observar na imaxe, outra réplica do ipod touch. A continuación as súas características principais:
Estará dispoñible a finais de 2008. Visto en: Xataka
En Trebellos falamos fai tempo desta boa aposta ultraportátil, con pantalla de 7″, conectividade WiFi, un peso de 890 gramos e con 3 horas de batería. Hoxe en Xataka lemos que vai saír un pouco máis caro, comentamos os prezos:
Pese a subida de prezos, este Asus segue a ser unha boa alternativa para ter un ordenador a man, con completísima movilidade. En Trebellos: Asus Eee PC, o ultraportable e ultraeconómico
A finesa Nokia ven de presentar hoxe o novo Nokia E51, que por tanto está destinado a esas persoas que precisan ler o correo electrónico e estar conectados alá onde queira que estean, como todos os da serie E de Nokia. Destaca por ter WiFi e HSDPA (o da WiFi xa está en case tódolos os da serie E, e é algo de agradecer), nun terminal a primeiras fino e estilizado, borrando ese estereotipo de que os terminais pra negocios e demais non son agradábeis á vista. No apartado de correo electrónico, tentando arrebatar algo de espazo ás Blackberry, Nokia ven de incluir unha pequena luz que se ilumina coa chegada de novos correos electrónicos. As diferenzas do novo E51 é o seu deseño, que é semellante ao do Nokia E65, pois emprega materiais como o acero inoxidábel, e incorpora un pad e teclas de acceso directo ao igual que o terminal dito, perdendo o joystick que existía no E50 e que cada vez usa menos Nokia. Destacar como características, ademais das ditas, Bluetooth 2.0, porto miniUSB pra conectalo directamente ao ordenador, infravermellos, pantalla de 2″ con 240×320 píxels e 16 millóns de colores, memoria interna de 130Mb ampliábel mediante microSD, radio FM, cámara de 2 megapíxeis con zoom dixital 4x e reproductor de audio e vídeo. A autonomía da batería é de 4,4 horas en conversa e 13 días en espera. Pesa 100 gramos e sairá ao mercado a final de ano a 350 euros libre, un bo prezo, e en dúas cores, negro e marrón. Máis información: Nota de prensa de Nokia
15 Sep
Escrito por Juan Milleiro en Fotografía, Sen fíos
De vez en cando un atopa cousas polos blogues que o deixan abraiado, e este caso é un deles: cómo sacar unha foto cunha Canon EOS1 DS Mark III a distancia cunha Playstation Portable. Sí, líchedes ben.
A Ds Mark III é unha cámara de fotos réflex, para profesionais, con 21 MPx, 45 puntos de enfoque…pero nelas destaca un sistema de control sen fíos da cámara. Serve, entre outras cousas, pra enviar as fotos a calqueira parte do mundo dende a cámara, só tendo unha rede WiFi.
Pero, ademais, o módulo tamén permite controlar tódalas funcións da cámara de modo remoto dende calqueira dispositivo sen fíos, ben sexa un portátil, ben unha PSP como neste caso, que resulta abraiante.
No blogue comentan que na mesma exposición, coa PSP se axustaban os parámetros e se tiraron varias fotos, pra logo subila a Flickr, sen tocar para a nada a cámara, todo dende a PSP. Como é de agardar, non podemos mover a cámara a distancia (polo dagora), mais é un exemplo ideal pra ter a cámara enfocada para capturar un intre que vai suceder e a distancia cun destes trebellos e cicais en mellor posición ir vendo o que sucede e poder manexar a cámara. Tremendo.
Máis información: Clipset
Outro rumor que se converte en realidade. Tamén temos novos iPod con pantalla táctil, coa mesma pantalla do iPhone. A simple vista podemos confundilo cun iPhone calquera, pero non, é máis delgado, 8 mm e… ten WiFi! Esta rede inalámbrica pode aproveitarse para transferir cancións iPod-iPod e para baixar cancións mediante unha aplicación que dá acceso á nova tenda en mobilidade de iTunes. A diferenza do iPhone, o iPod Touch ten conexión para auriculares, pero non leva altofalantes
integrados. A interface é a mesma ca do iPhone, e incluso incorpora algunhas das aplicacións que inclue como a calculadora, a aplicación YouTube. Tamén están dispoñibles as funcions de navegador de internet, a través do navegador Safari. Dispoñible en dúas capacidades: 8Gb a 300 dólares e 16Gb a 400 dólares. Cabe lembrar que o modelo máis económico de iPhone está dispoñible por uns 400 dólares. A duración da batería é realmente excepcional: 22 horas reproducindo música e 5 horas se reproduces video.
Segundo algunhas webs, HP xa ten preparados dous novos modelos de iPaq, o seu modelo de PDA-teléfono máis exitoso. Trátase das HP iPaq 914c e HP iPaq 614c, das que só se saben algunhas das súas supostas características. Os dous modelos comparten a maioría de características: pantallas táctiles de 2,46 e 2,8 polgadas respectivamente, conectividade WiFi e HSDPA, GPS integrado, cámara de 3 megapíxeles e o sistema operativo Windows Mobile 6 Professional. A única diferenza é o teclado, a 914c ten teclado QWERTY de 12 teclas máis unha roda de control similar á do iPod. Non están aínda dispoñibles nin os prezos nin as datas de saída ó mercado. Vía: MSmobiles.com
HP presenta a C8180, unha impresora multifunción que chama a atención pola súa gravadora de CD e DVD, que incorpora a tecnoloxía LightScribe e que nos serve para
gravar e etiquetar, por exemplo, un DVD coas fotos destas vacacións que temos almacenadas en tarxetas de memoria e que pode ler grazas ao lector de tarxetas integrado. A través da súa pantalla táctil de 3,5 polgadas, podemos acceder
aos menús de configuración
e de visualización de imaxes. Se por casualidade temos as fotos no noso móbil, tamén llas podemos transferir por Bluetooth ou por WiFi, xa que o trebello tamén é compatible con estas dúas tecnoloxías. A conectividade inarámica tamén pode servir para conectar a multifunción ó ordenador, aínda que tamén se pode facer mediante cable USB. Esta impresora sairá á venda durante este mes a un prezo aproximado de 399
dólares. Vía: Imaging-Resource
Os rumores dos que falabamos en Trebellos se confirmaron. Nokia ven de presentar o N95 con 8GB de capacidade, en negro. O resto segue igual que o N95: pantalla de 2.8 pulgadas, cámara de 5 megapíxeis, WiFi, GPS e capacidade pra tarxetas MicroSD.
Sairá en Europa en Outubro, a un prezo de 560 euros.
En Trebellos: Rumor dun Nokia N95 con 8Gb
En Trebellos: Seguen os rumores dun Nokia N95 de 8Gb
25 Aug
Escrito por Juan Milleiro en Novas, Ordenadores
A compañía especializada en barebones Shuttle acaba de anunciar a saida dun novo trebello. O barebone SN68PTG6 Deluxe e un mini ordenador (ordenador compacto mais ben) que soporta procesadores AMD e ata 4 Gb de RAM. O trebello ven equipado con moitos extras: Bluetooth, wifi, e mesmo lector de pegadas dixitais.
Pero a característica principal deste ordenador, e a saida HDMI para conectar a televisores con esa entrada. A interfaz HDMI é de alta velocidade axeitada para
visualizar contidos HD ou Full HD nos novos televisores que o soporten. Tamén ven equipado con saidas Dolby HD de oito canales. Esta conectividade avanzada faino candidato para un mediacenter de alta resolución.
O barebone estará dispoñible nas tendas a partires da proxima semana por un prezo de 365 € na versión Deluxe e 278 € para a basica.
Mais información : Shuttle anuncia os seus novos barebones
Relacionado : HD Ready e Full HD en trebellos
Os rapaces de Asus veñen de presentar o F9S-2P006C, un modelo de ordenador ultraportátil que pode dar que falar, pois está bastante ben. Moitas veces ao reducir o tamaño e o monitor se reducen tamén as características e por tanto a potencia do ordenador, mais non neste caso, pois nos ofrece un tremendo portátil cunhas prestacións que fan del un auténtico todoterreo. Algunhas das
súas características máis destacadas son:
2 Duo T7300 de 2Ghz.
Este ordenador xa está á venda por un prezo de 1199 euros, polo tanto cunha boa relación calidade/prezo. Vía: Gizmología