09 Aug
Escrito por Il en Apple, Linux, Periféricos, Son, Telefonía, Vídeo
O portal de novas tecnoloxías CNET ven de publicar unha listaxe cos 10 trebellos que deberias ter.
O iPod non podía faltar nesta lista. Se cadra o iPod é o trebello por antonomasia, quen non coñece o que é un iPod? Seguro que a xente que non sabe nada de ordenadores, de mp3 nin de nada de novas tecnoloxías algunha vez oiu falar do iPod. Desta vez o iPod Nano chegou ao terceiro posto e Apple consigue meter 2 trebellos seus nos 3 primeiros lugares, se cadra porque son bos ou se cadra porque teñen o mellor marketing.
Estos son os 3 primeiros da lista pero hai máis.
No 4º lugar está o SanDisk Sansa Connect, outro mp3 con moitas funcións: Wi-Fi, radio web stream, 4GB internos e ranura para unha tarxeta microSD, etc. No 5º están os MacBook, os ordenadores portátiles de Apple desexados por moitas persoas grazas ao seu deseño e á súa calidade. No posto número 6 está o Sling Media Slingbox A/V, un trebello que permite conectar a túa TV ao ordenador ou a calquera dispositivo móbil (con Windows Mobile) para así poder ver a TV dende o teu ordenador (por exemplo). No 7º lugar do ranking está a Nintendo DS Lite, a consola portátil que xa gañou a guerra desta xeración de consolas portátiles, a súa calidade, os seus xogos, as dúas pantallas e o modo de xogo (pantalla táctil) fan desta consola a mellor consola portátil. No 8º lugar está a Samsung LN-T4665F, unha TV LCD de 46 polgadas e 1080p HDTV, a mellor calidade nunha televisión LCD. No 9º posto está a Sony Handycam HDR-HC7, unha cámara de video (non profesional) de moita calidade que fai imposible gravar cousas malas. No derradeiro posto da lista están os V-Moda Bass Freq headphones, uns cascos de música para escoitar a un bo prezo e a unha mellor calidade a música do noso mp3.
Como vedes é moi discutible esta lista, pero por iso non deixa de ser unha lista con moi bos trebellos.
Se tes moitos dos trebellos que hai nesta lista és moi geek.
Visto en Código Cero.
Máis información: CNET – Top 10 must-haves.
01 Jul
Escrito por Juan Milleiro en Guías pra mercar, Vídeo
Logo de falar do tamaño dos televisores para a casa, falaremos de dúas das tecnoloxías mais populares na actualidade. Cada vez son mais os modelos de televisores planos asequibles a un bolsillo medio. Pero á hora de mercar unha pantalla deste tipo son moitas as dudas que nos sacuden os miolos. Dende trebellos tentaremos resolver as mais problemáticas con esta guía de merca para que a elección sexa a mais axeitada. Continúa lendo »
27 Jun
Escrito por Juan Milleiro en Guías pra mercar
Imoslle dar un repaso ás distintas opcións que temos pra mercar televisores de calquer tamaño.
A elección do tamaño decidirá o tipo de tecnoloxía que empregará o televisor. Para espazos pequenos coma un cuarto ou unha cociña, os televisores CRT de 14″ adoitan ser unha boa opcion polo seu prezo axustado dende 90€ , xa que os televisores LCD de 15″ están sobre 240€.
Se o que buscamos e unha pantalla mais grande para colocar no salón debemos ter en conta a distancia dende donde visionamos. Podense suxerir 37″ dende 2.5 m e 42″ dende 3 m como referencias, pero a raiña do mercado e sin dubida a pantalla de 32″. Tendo en conta que os televisores de plasma comenzan en 40″, se escollemos tamaños menores xa sabemos a tecnoloxía que empregará a nosa tele: LCD.
Fai un tempo aquí en Trebellos falamos do iPhone, o primeiro móbil de Apple, que sairá ao mercado en Estados Unidos nunha semana.
Porén, a medida
que vai chegando a data de saída, na web oficial do iPhone a marca norteamericana vai sacando máis videos, máis datos e máis novidades sobre o que na miña opinión pode ser o trebello do ano.
Ademais dos anuncios do iPhone na TV americana podemos ver unha galería de imaxes ou unha vista rápida sobre tódalas funcións que ten, destacando a de teléfono , a de iPod ou a de trebello pra acceder a internet.
Máis información: Web oficial do iPhone
Fontes da marca finesa de telefonía Nokia indicaron que en breve vai comezar a distribución do Nokia N77, un terminal presentado na feria 3GSM en Barcelona fai uns meses. Asemesmo, indicaron que a distribución comezará por Finlandia, continuando por Vietnam e India.
Pra quen nunca escoitase falar deste terminal, o Nokia N77 ten unha pantalla realmente grande, de 2,4 pulgadas, dous altofalantes estéreo de alta calidade xunto co xa case tradicional reproductor mp3, cámara de 2 megapíxeles e sobre todo a posibilidade de ver programas de televisión grazas á tecnoloxía DVB-H. Comentar respecto a esto último que esta tecnoloxía non ten demasiado que ver coa posibilidade que dan algúns operadores como Vodafone de ver a TV no teléfono, é unha televisión con máis calidade.
Na miña opinión, temos ante nós a un completo terminal multimedia, se ben na miña opinión fáltalle algo de conectividade pra ser un superterminal como por exemplo a conectividade sen fíos do Nokia N80.
Máis información: Páxina do producto
Apple confirmou a data de saída do seu produto estrela desta temporada, o iPhone. Será o 29 de xuño nos Estados Unidos e custará 600 dólares con contrato de permanencia de dous anos. Teremos que agardar máis tempo a que saia en Europa xa que dende Apple aínda non dixeron nada.
Poucas cousas se saben deste móbil de última xeración pero dende Applen saben vender as cousas moi ben, como fan co iPod, e posiblemente terá moitas ventas a pesar do seu prezo, e das súas características.
Unha boa nova para os maqueiros é que o iPhone poderase sincronizar co iTunes e o iPhoto para organizar ben as túas cancións e fotografías.
Hai un rumor que sería moi interesante de ser certo, e é que seica Apple presentará un SDK para poder crear os teus propios programas para o iPhone, ou pasar os widgets de Mac OS X
ao iPhone.
Agardaremos, polo de agora, a que chegue a España.
Máis información: iPhone | Anuncios de TV.
Sanyo acaba de lanzar a que, segundo eles, é a primeira videocámara sumerxible para uso doméstico. Esta é a Xacti E1. Esta videocámara é perfecta para gravar videos cos teus amigos un día de choiva, xa que aínda que se molle non lle vai pasar nada. Resiste a choiva (tan común por estes lares) grazas a que resiste 1 metro e medio baixo a auga durante 1 hora aproximadamente. O que fai que poidas usar a cámara un día de choiva ou un día de calor na praia ou na piscina. Permite gravar video en diferentes resolucións e modos como o TV-SHQ a 30 fotogramas por segundo ou o modo WEB-HQ a 15 fotogramas por segundo. A cámara garda os videos en formato MPEG4 co codec AVC/H.264 que é un 25% máis eficiente que o codec que usan as outras cámaras do modelo Xacti. A Xacti E1 tamén permite sacar fotos cunha resolución de 10 Megapíxeles, incluso mentres estamos a gravar video, en formato .JPG. E grazas a que é compatible con tarxetas SD e SDHC pode gardar 10 horas de vídeo nunha tarxeta de 8 Gb. Visto en Ounae. Máis información: Nota de prensa de Sanyo.
14 May
Escrito por Jose Lourido en Apple, Periféricos, Vídeo
Por fin os maqueiros dispoñemos dunha alternativa asequible para desfrutar da televisión dixital terrestre. Equinux acaba de anunciar a dispoñibilidade en España do TubeStick, que por 39,95 € permite ver e grabar este tipo de emisións. Ademáis, inclúe o software The Tube, bastante prometedor, e que se integra perfectamente con iMovie e o novo Apple TV, sen esquencer a posibilidade que ofrece de
exportar de xeito directo a iTunes e ó iPod os programas que teñamos grabados. Non é dende logo un concepto novidoso, pero si o é na plataforma Mac, onde ata o de agora non dispoñíamos dunha gran oferta destes trebellos, e menos a un prezo coma éste. Benvidos sexan.
Achegando a nanotecnoloxía aos entornos onde non chega a rede eléctrica, unha solucion
para a iluminación nocturna fai uso de varias novidades interesantes. En primeiro lugar o material fotosensible: chamado Thin-Film CIGS (Copper Indium Gallium diSelenide), podese aplicar como “película” sobre outras superficies, o que da lugar a paneles solares flexibles. Tamén o emprego de diodos luminosos de moi baixo consumo, o que lle permite manter ata 10 horas de luz despois de tan só 3 de carga. E cunha intensidade dabondo como para ler. Por último, o prezo: a compañia que o deseñou anunciao por só 50 dólares. Haberá que agardar moito a que o sector solar das nosas latitudes sexa unha realidade? Mentres tanto, o “Portable Light” superou as probas nas paisaxes extremas para as que foi deseñado, coma as terras dos Huichol de Mexico, unha poboación semi-nómada que percorre moi longas distancias ao longo do ano. A fonte: Discovery Channel
Isto que vedes ao meu carón é o Meizu M8, o novo Meizu M8, rediseñado para tentar evitar unha posíbel demanda de Apple pola gran similitude que este tareco ten co Iphone. Meizu é unha empresa de trebellos chineses especialista en “copiar” deseños de productos, mais neste caso tódolos rumores apuntan a un pequeno aviso de parte da empresa de Steve Jobs, polo que eiquí tedes o deseño actual. Pra quen non o coñeza, este trebello é un PMP/teléfono con pantalla de 3,3 pulgadas e resolución de 720×480 píxeles, compatíbel con redes GSM, cámara de 3 megapíxeles e outra pequena VGA pra videochamadas e saída TV. A nivel interno ten un procesador ARM11 e un Sistema Operativo Windows CE 6, tendo todo o anteriormente dito en 105 x 57 x 11,5 milímetros, unha opción moi a ter en conta. Máis información: Redeseño
