26
Aug
Escrito por Il na categoría Apple, Linux, Revisións
Dende CNET quixeron comparar os dous mellores móbiles que hai agora mesmo no mercado, o Nokia N95 e o Apple iPhone.
Finalmente, para os de CNET, gañou o Apple iPhone por 59 a 56 puntos, aínda que o resultado é moi subxetivo e podemos ter outra opinión. Para chegar a un resultado os de CNET compararon os dous teléfonos móbiles en 5 categorías (rondas): atractivo, navegación, características, calidade do vídeo e da música e calidade das chamadas.
O equipo de CNET que comparou os dous trebellos estaba formado por 3 persoas que puntuaban, cada un independentemente, do 1 ao 5.
- Na categoría de atractivo para CNET gaña o iPhone 15 a 10, algo que non sorprende xa que o iPhone ten un aspecto máis bonito que o N95, é unha característica de todos os productos Apple.
- Na categoría de navegación hai un empate 10 a 10, e é que aínda que o iPhone non teña teclado, pode ser que a pantalla táctil non sexa o mellor invento, o N95 ten botóns exclusivos para o reprodutor mp3 (por exemplo) e ademáis, parece que os botóns de toda a vida dan máis confianza que a pantalla táctil.
- Na categoría de características gaña o Nokia N95 13 a 9, o que me sorpende a min é que o N95 non gañe por máis goleada xa que este móbil esta completo (GPS, wi-fi, 3G, HSDPA, cámara de 5 Megapíxeles, etc.), en cambio ao iPhone fáltanlle cousas (gravar vídeo, MMS, etc.).
- Na categoría da calidade do vídeo e da música gaña o iPhone 14 a 11. Normal, aínda que poderíase esperar un empate, o iPhone está pensado para ser un iPod con chamadas e o N95 é un teléfono no que se pode escoitar música, aínda así parece que a calidade de video é mellor a do Nokia N95 pero a calidade de son é moito mellor a do Apple iPhone.
- Na categoría da calidade de chamada gaña o Nokia N95 12 a 11. Aquí tamén podería haber un empate xa que a calidade das chamadas parece ser boa nos dous teléfonos móbiles.
Como vedes para o equipo de CNET gaña o iPhone por un axustado 59 a 56 pero para min merece gañar o Nokia N95 porque considero que as caracteristicas que ten fan mellor móbil que o iPhone. Xa dixen que isto pode ser moi subxetivo.
Os de CNET tamén fixeron un vídeo coa comparación dos dous móbiles:
Visto en Marcus.es.
Máis información: CNET – Apple iPhone vs Nokia N95.
3 Comentarios
Marcus
26 de August de 2007 ás 16:28
1Xa tardades en facer unha comparativa entre os redactores de Trebellos 😉
Marcus
26 de August de 2007 ás 16:36
2Ah, e unha precisión: para min o iPhone non é un dos 2 mellores móbiles do mercado, pois coido que o mellor terminal que hai é o Toshiba Portégé G900 (só lle falta GPS para superar en todo ó N95).
¿Por qué o digo? Pois porque conta cunha pantalla de 800 x 480 pÃxeles, ou sexa, que permite ler páxinas webs de xeito doado sen ter que andar a facer scroll horizontal nos textos. Nos smartphones as pantallas WVGA son o futuro.
Seve
27 de August de 2007 ás 19:50
3Como todo é cuestión de gustos e necesidades Marcus. A min non me colle no peto un mobil con tamaño pantallón!
Nembargantes, estou dacordo contigo en que o iPhone non é (polo momento)o mellor terminal do mercado, pero sen dubida resulta moi atractivo para o publico en xeral (non hai mais que facer unha procura en google!)
E por certo, non temos problema en facer unha comparativa. Que Jobs e Mr Nokia nos envien un de cada e farémola con gusto 🙂
Semente RSS dos comentarios de esta entrada · TrackBack URI
Deixa un comentario
Seccións
Arquivos
Autores
Ligazóns
Trebellos
Empresas galegas
Consolas
Últimos comentarios