O Origami, o Ultra-Mobile PC, o dispositivo que cambiaría para sempre o mundo dos trebellos portátiles. O ultra-gadget. O… ¿que non sabedes do que falo? Pois hai pouco máis dun ano era un dos dispositivos “estrela”. Unha mistura entre PDA e portátil con pantalla táctil (Tablet PC), funcionando coa mesma versión de Windows que calquera PC (aínda que tamén houbo versións linuxeiras) , e cunhas especificacións propias dun equipo de escritorio de gama baixa. Pretendía converterse na navalla suiza dos gadgets, e Microsoft, Samsung e Intel (entre outras compañías), lanzáronse de cabeza na súa promoción e desenvolvemento. Pouco máis dun ano despois, o número de equipos finais que saíron ó mercado é realmente escaso e a súa incidencia no mesmo é inapreciable. Tanto é así, que xa se comeza a especular con que este proxecto vai camiño do abandono definitivo. Intel ten en mira un novo concepto, o MID (Mobile Internet Device), cunha maior conectividade á rede como eixo central; e pola súa banda Microsoft vive máis centrada en facer despegar Windows Vista e o Zune (que tampouco goza de boa saúde precisamente), e competir no mundo das consolas con Sony e unha renacida Nintendo. Só Samsung mantén dun xeito claro a súa aposta polo Origami, pero parece que a cada día maior indiferencia de actores clave da industria rematará facendo inviable o proxecto a medio prazo. E é que para origamis eu, persoalmente, quédome cós clásicos:
Un Comentario
Manuls
11 de May de 2007 ás 14:05
1A verdade é que xa non me lembraba del… ¿saiu algunha vez en España?
Semente RSS dos comentarios de esta entrada · TrackBack URI
Deixa un comentario