Se es dos que sempre vai co portátil (ou agora xa, teléfono móbil) buscando conexións wifis sen protección este é o teu trebello. O Wi-Fi Detector Watch ademáis de ser un reloxo que dá a hora, ten cronómetro, calendario e alarmas tamén é capaz de detectar as redes wifi. Ademáis amosa o nivel de intensidade do sinal.

Xa non haberá que acender o portátil para buscar redes wifis, con pulsar un botón no noso reloxo xa basta. Se precisas con urxencia dun ponto de acceso wifi sen contrasinal e sen ningunha medida de seguridade para poder ler o correo electrónico que agardabas ou enviar un importante e-mail, con este reloxo non terás que gastar batería acendendoo e buscando redes por aqui e por acolá. Pulsas un botón e ves todas as redes wifi… moveste un pouco e volves a pulsar. Así ata que atopas unha rede wifi libre e acendes o portátil.

Este pode ser o teu agasallo de nadal por algo máis de 20 euros.

Visto en Gadgetizer.
Máis información: ThinkGeek.

O novo reproductor de iriver conta cunha pantalla de 3 polgadas táctil e resolución de 480 x 272 pixeles.

Como bó reproductor multimedia reproduce os formatos MP3, WMA, OGG de audio e en video MPEG-4, WMV9.

Pero isto non é só o comezo, o reproductor conta con wifi, VoIP (permite facer chamadas a través de internet), radio FM (que se bota en falla a integración nos ipod), lector de tarxetas miniSD para aumentar a súa capacidade inicial de 4 e 8gbs, reproduce radio en streaming, e ademáis inclúe GPS con mapas de Navteq.

A data de saída é novembro, pero non se di nada do precio. Estaremos atentos a inminente saída.

Visto en: Gadgetometro

A finesa Nokia ven de presentar hoxe o novo Nokia E51, que por tanto está destinado a esas persoas que precisan ler o correo electrónico e estar conectados alá onde queira que estean, como todos os da serie E de Nokia.

Destaca por ter WiFi e HSDPA (o da WiFi xa está en case tódolos os da serie E, e é algo de agradecer), nun terminal a primeiras fino e estilizado, borrando ese estereotipo de que os terminais pra negocios e demais non son agradábeis á vista. No apartado de correo electrónico, tentando arrebatar algo de espazo ás Blackberry, Nokia ven de incluir unha pequena luz que se ilumina coa chegada de novos correos electrónicos.

As diferenzas do novo E51 é o seu deseño, que é semellante ao do Nokia E65, pois emprega materiais como o acero inoxidábel, e incorpora un pad e teclas de acceso directo ao igual que o terminal dito, perdendo o joystick que existía no E50 e que cada vez usa menos Nokia.

Destacar como características, ademais das ditas, Bluetooth 2.0, porto miniUSB pra conectalo directamente ao ordenador, infravermellos, pantalla de 2″ con 240×320 píxels e 16 millóns de colores, memoria interna de 130Mb ampliábel mediante microSD, radio FM, cámara de 2 megapíxeis con zoom dixital 4x e reproductor de audio e vídeo.

A autonomía da batería é de 4,4 horas en conversa e 13 días en espera. Pesa 100 gramos e sairá ao mercado a final de ano a 350 euros libre, un bo prezo, e en dúas cores, negro e marrón.

Máis información: Nota de prensa de Nokia

De vez en cando un atopa cousas polos blogues que o deixan abraiado, e este caso é un deles: cómo sacar unha foto cunha Canon EOS1 DS Mark III a distancia cunha Playstation Portable. Sí, líchedes ben.

A Ds Mark III é unha cámara de fotos réflex, para profesionais, con 21 MPx, 45 puntos de enfoque…pero nelas destaca un sistema de control sen fíos da cámara. Serve, entre outras cousas, pra enviar as fotos a calqueira parte do mundo dende a cámara, só tendo unha rede WiFi.

Pero, ademais, o módulo tamén permite controlar tódalas funcións da cámara de modo remoto dende calqueira dispositivo sen fíos, ben sexa un portátil, ben unha PSP como neste caso, que resulta abraiante.

No blogue comentan que na mesma exposición, coa PSP se axustaban os parámetros e se tiraron varias fotos, pra logo subila a Flickr, sen tocar para a nada a cámara, todo dende a PSP. Como é de agardar, non podemos mover a cámara a distancia (polo dagora), mais é un exemplo ideal pra ter a cámara enfocada para capturar un intre que vai suceder e a distancia cun destes trebellos e cicais en mellor posición ir vendo o que sucede e poder manexar a cámara. Tremendo.

Máis información: Clipset

Toshiba ven de presentar o Toshiba Gigabeat T401, un Centro Multimedia Portable pero que ademáis ten conexión sen fíos, pra poder así compartir arquivos. Ten bastante boa pinta de cara ao mercado multimedia, mais teremos que agardar pra ver cómo funciona exactamente súa capacidade sen fíos, e se non está limitada dalgún xeito.

O reproductor ten unha pantalla de 2.4 pulgadas e resolución de 320×240 píxeles, con soporte pra reproducir vídeo WMV, MP3 e outros ficheiros como WMA nos seus 4GB de memoria flash e unha batería que segundo a marca dura 16 horas de reproducción de audio ou 5 de vídeo.

Este pequeno reproductor, de só 9.9 milímetros de delgadez sairá no país nipón en Outubro a un prezo de saída de 250 dólares aproximadamente, e de chegar a Europa o faría sobre o Nadal ou a comezos do vindeiro ano.

Máis información: Toshiba

O principal problema que ata o dagora tiñan moitas empresas ou organismos públicos á hora de implantar tecnoloxía sen fíos é o de dispór enerxía eléctrica pra así conectar o punto WiFi. Mais, a empresa Solis Energy (de Orlando, nos Estados Unidos), vende xa no mercado algo que podería funcionar nestos casos.

O que patentaron e venden é un panel solar con baterías que alimentan aos equipos coa axuda da luz solar. Ademáis, se o día é nubrado ou é de noite, ten unhas baterías incorporadas pra que non haxa interrupcións. Polo tanto, aínda que haxa un apagón ou se caian as comunicacións tradicionais, teríamos Wi-Fi pra poder contactar.

Vía: Xataka >> Cnet

Máis información:Solis Energy

Eu, que son posuidor dun dos chamados dock con altofalantes pra o iPod, teño o problema sempre que teño que estar ao carón se quero modificar de canción. Isto se soluciona co iMirror, un dock pra o iPod con control remoto sen fíos, que ten unha pantalla LCD cunha interfaz pra seleccionar o que queramos escoitar a distancia.

O límite de distancia pra comunicarnos co mando é de 150 pies de distancia, e ten unha batería de litio que podemos recargar ao poñela no dock. Ademais, a base inclúe conexións S-Vídeo, RCA, audio 3.5mm e mini USB pra sincronizar.

O iMirror funciona cos iPod nano (1G e 2G), iPod (4G e 5G) e ao Mini tamén. O prezo de venta é de 150 dólares e sairá a venda no vindeiro mes de Septembro.

Máis información: iMirror
Vía: iPodTotal

Fai un tempo falabamos de que a Xunta probaba Internet sen fíos na praia de Samil, se ben agora tamén están a probar en Aguete namentras dure o periodo estival.

Ao intentar a conexión dende calquera dispositivo con conectividade WiFi, aparecerá unha pantalla de presentación na que haberá que introducir o nome de usuario retegal, e a contrasinal marin39.

Independentemente da xenial noticia que ao menos a min me parece, destacaría o xeito algo complicado pra conectarse (¿quen vai saber o usuario e o contrasinal?) e que cicais xa sexa algo tarde, pois xa non queda moito de verán, mais agardemos que continúen o vindeiro ano.

Máis información: Web da Xunta
En Trebellos: A Xunta proba Internet sen fíos en dúas praias de Vigo

Hoxe imos cunha desas novas que, ao menos a min sácanme un sorriso, que é difícil nun Luns. Ben, a Xunta de Galicia, Retegal e a Alcaldía de Vigo veñen de presentar un proxecto polo cal se vai abastecer de balde ás praias de Samil e O Vao en Vigo de Internet sen fíos de balde. Soa ben, ¿verdade?

Según comentan, é unha experiencia piloto con vistas a tentar sacar unha rede de praias con cobertura de Internet sen fíos de balde, algo que penso que podería ser xenial nun futuro, pois todos temos algún tipo de trebello (ben algún móbil, a PDA e algún ata o portátil na praia) que por exemplo nos permitiría ler o correo electrónico entre cada baño.

Ao tentar acceder a algunha web dende o navegador de internet, se preguntará polo usuario e contrasinal, que serán respectivamente retegal e samil27, e a partir de aí xa quedaremos autorizados pra a web, algo que semella un tanto complicado, mais maxino que se informará dalgún xeito na praia.

Realmente, unha boa nova pra o avance das novas tecnoloxías e da Sociedade da Información en Galicia.
Vía: CódigoCero

Acaba de sair ao mercado a nova BlackBerry 8820.

Como principal novidade incorpora algo que se lle viña pedindo dende fai moito tempo a este tipo de trebellos: a conectividade Wi-Fi.

Ademais diso, esta Blackberry conta con GPS, ao igual que tódolos modelos da serie 8800 e tamén con BlackBerry Maps.

Polo demais ten as características ás que xa estamos acostumados: é un teléfono cuatribanda soportando GSM, GPRS e EDGE, así como o soporte para o “push-mail” tradicional das BlackBerry.

Tamén ten un lector de tarxetas incluído que lle permiten almacear ata 32GB de ficheiros almaceados en tarxetas microSD e microSDHC.

Máis información: Sitio oficial
Máis información: Revisión no blogue de Enrique Dans