Seguro que case todos coñecedes algún PRODUCT(RED), como os iPod nano ou os Shuffle, que se caracterizan pola súa cor vermella e porque unha certa parte do diñeiro que se recada coa súa venda é destinado á loita contra o SIDA en África.

Pois agora, aos produtos “vermellos” únenselles os produtos “púrpuras”, que é a cor escollida pola Asociación Estadounidense contra o Alzheimer para os produtos que colaboran coa entidade.

SanDisk, fabricante recoñecido mundialmente de memorias extraíbles e reprodutores multimeda, aportará un dólar por cada unidade das edicións especiais en púrpura do SanDisk Cruzer Micro de 2Gb e da tarxeta SD SanDisk Ultra II, tamén de 2Gb ata chegar ao millón de dólares.

Estas unidades están á venda nos Estados Unidos ao mesmo prezo que as unidades habituais.

Máis información: SanDisk

Case tódolos videoxogos teñen algún atallo de teclado para algunhas opcións ou funcións, que ás veces nos resultan imposibles de lembrar ou de realizar con rapidez nos momentos nos que o precisamos. Para solucionar este problema, Toshiba ten pensado lanzar ó mercado en breve un teclado para incondicionais dos videoxogos con forma ergonómica e que che permitirá maior axilidade á hora de premer xusto no momento adecuado. Esta idea non é nova, e mesmo outros fabricantes teñen teclados con módulos específicos para videoxogos coma o Quake ou o WOW.

O teclado de Toshiba ten 55 teclas, algunhas bastante grandes, ordenadas en forma circular para un mellor acceso. A conexión ó ordenador faise mediante un porto USB.

Prezo e data de saída ó mercado sen confirmar.

Vía: AVING

Estás farto de gardar os teus CDs e DVDs nas mesmas caixas de sempre? Sempre te esqueces do contido dun CD porque non te lembrache de poñerlle algo por fóra? Non hai problema. Coa nova caixa de CD de Pre.vu isto rematou. Grazas a que o trebello leva incorporado un micrófono e un pequeno altofalante, podemos gravar mensaxes de ata 60 segundos que podemos reproducir premendo un só botón.

Perfecta para gravar unha pequena descrición do contido, para lembrar o que hai dentro do CD, ou para gravar unha mensaxe a un amigo cando lle emprestes as túa última adquisición musical.

Non estaría mal que os CD de música actuais tivesen unha caixa parecida para escoitar un fragmento das cancións que inclúe…

Máis información: Pre.vu

HP presenta a C8180, unha impresora multifunción que chama a atención pola súa gravadora de CD e DVD, que incorpora a tecnoloxía LightScribe e que nos serve para gravar e etiquetar, por exemplo, un DVD coas fotos destas vacacións que temos almacenadas en tarxetas de memoria e que pode ler grazas ao lector de tarxetas integrado. A través da súa pantalla táctil de 3,5 polgadas, podemos acceder aos menús de configuración e de visualización de imaxes.

Se por casualidade temos as fotos no noso móbil, tamén llas podemos transferir por Bluetooth ou por WiFi, xa que o trebello tamén é compatible con estas dúas tecnoloxías. A conectividade inarámica tamén pode servir para conectar a multifunción ó ordenador, aínda que tamén se pode facer mediante cable USB.

Esta impresora sairá á venda durante este mes a un prezo aproximado de 399 dólares.

Vía: Imaging-Resource

A recoñecida marca de GPS TomTom ven de presentar un novo navegador, o GO 920, que destaca por innovacións como un mando a distancia, mais deixade que comentemos pouco a poco o que pode convertirse nunha referencia pra o futuro deste tipo de trebellos.

O TomTom GO 920 trae unha memoria interna de 4GB, onde veñen preinstalados mapas completos de Europa, USA e Canadá. Ademais, trae incorporada a Tecnoloxía Avanzada de Posicionamiento mediante a cal, cando unha sinal GPS non esté dispoñíbel se calcule a posición mediante sensores de movimiento e gravidade, todo un avance.

Como comentaba, o TomTom GO 920 trae un mando a distancia Bluetooth pra que o conductor ou outro pasaxeiro poida manexar o dispositivo con total seguridade sen ter que tocar a pantalla. Tamén ven con outras características xa incluídas en anteriores modelos, como o transmisor FM integrado pra escoitar música e instruccións de navegación polos altofalantes do coche.

Este modelo de GPS sairá ao mercado no Outono do 2007.

Máis información: TomTom

Xa empeza a ser coñecida a miña predilección polas cintas de cassete. Se fai uns días falabamos dunha memoria con este aspecto, hoxe tocalle o turno a un reproductor mp3 que semella unha antiga cinta de cassete. O trebello ten dúas funcións, por un lado serve coma un reproductor de mp3 convencional grazas ó uso de tarxetas Secure Dixital, e por outra banda serve para escoitar dende calquer reproductor de cassete como a o do coche ou unha vella cadea musical.

Como reproductor, ten unha interfaz de 7 botons e pode ser recargado con transformador ou vía USB. Como adaptador pra cassete, chega con introducilo e dalle ó play, claro que non poderas avanzar rapidamente polas cancións. O Cassete MP3 player estará dispoñible pronto.

Visto en Digital Drops

Mais información : Páxina do produto

Logitech sacou fai un tempo unha liña de soportes pra ordenadores portátis chamada Alto se ben agora con este lanzamento quere facer aínda máis cómoda a tarefa que algúns temos ao pasar moito tempo escribindo diante dun portátil, e iso é o que pretende o novo Alto Cordless.

Porén, a maior novidade é que inclúe un tegrado sen fíos, que funcionará enchufando o noso ordenador a un dos tres portos USB que trae a base. Pese a todo, se queres usar tamén o ratón, poderás enchufalo a un dos tres portos anteriormente ditos.

O Alto Cordless pode elevar teu portátil pra unha mellor visión, se ben non é recomendado seu uso con portátis de máis de 15.4 pulgdas. Sairá o vindeiro mes a un prezo de 100 dólares, con un adaptador de corrente pra máis potencia nos USB por 20 dólares.

Vía: HardwareGeeks

Canon presentou tamén hoxe esta PowerShot, pensada pra os usuarios avanzados pero que non queren transportar unha cámara grande e poder levala así a tódolos lados. Porén, esta sucesora da PowerShot G7 inclué unha das funcionalidades máis demandadas, que é a presenza do modo de captura RAW, un modo profesional que garda máis datos que o tradicional JPEG.

Ademais, ten sensor CMOS de 12 Megapíxeis, zoom óptico 6x con estabilizador, e o Procesador Digic II que traen tamén os anteriores modelos comentados, as novas profesionais EOS-1Ds Mark III e EOS 40D. Ademais, soporta entre outras as tarxetas SDHC.

Sairá en Outubro ao mercado a partir de 499 dólares.

Máis información: Canon

En Trebellos nos fixemos eco a comezos de Agosto dos rumores dunha Canon EOS 40D a finais do mes, como finalmente sucedeu.

Esta cámara ten un sensor CMOS de 10.1 Megapíxeis, saca fotografías tanto en JPEG como RAW, 9 puntos de enfoque, un rango ISO de 100 a 1600, velocidades de disparo de 1/8000 a 30 segundos e rangos de cor sRGB ou Adobe RGB.

Mide 145.5×107.8×73.5 milímetros e pesa 740 gramos, bastante lixeira e manexábel pra as cualidades que ten.

Máis información: Canon
En Trebellos: Canon EOS 40D, a finais de Agosto

Estos pendrives USB 2.0 que vedes na foro son do fabricante Transcend e incorporan un plus de seguridade, pois ao conectalo ao PC deberemos tocar no sensor dixital pra que nos recoñeza e teñamos acceso á información.

Inclúe ademais varias ferramentas con aplicacións interesantes pra usar co pendrive, como por exemplo a posibilidade de acceder aos nosos favoritos aínda estando noutra computadora, pois garda as preferencias na memoria, ou ingresar automáticamente nunha web sen necesidade de identificarnos, pois gardamos os datos no pendrive.

No punto negativo, pois algo malo tiña que ter un producto tan apetecíbel, dicir que só son compatíbeis con Windows 2000/XP/Vista e que a capacidade de gardar detalles da navegación só funciona con Internet Explorer.

Están xa á venda en tres cores/capacidades:

• Laranxa de 2Gb por 55 dólares.
• Azul de 4Gb por 68 dólares.
• Vermello de 8Gb por 139 dólares.

Máis información: Transcend