Esa oferta que vedes é de Imavisions, unha empresa de O Grove que actualmente vende ordenadores con Linux (Ubuntu, neste caso) preinstalado, polo que baixa o prezo dos ordenadores ao non ter que pagar licenza.

En Trebellos xa falamos fai tempos de outros proxectos de Linux feitos no país como o Proxecto Trisquel, mais semella que están tendo unha boa acollida este tipo de iniciativas. Parabéns aos defensores do Software Libre.

Vía: Chuza! | Asennadas

Sony ven de presentar os novos Vaio Type C especialmente feitos para a muller e dispoñíbeis en catro cores: rosa, vermello, azul e branco.

Estas máquinas incorporan un monitor WXGA de 14 pulgadas, posibilidade de escoller procesador entre un Celeron ou un Core 2 Duo T7250, tarxeta gráfica Radeon X2300. E, por favor, aparte do tema das cores, non nos preguntedes en que pensaba Sony pra dicir que estaba feito pra as donas.

Vía: Akibahara News

A compañía especializada en barebones Shuttle acaba de anunciar a saida dun novo trebello. O barebone SN68PTG6 Deluxe e un mini ordenador (ordenador compacto mais ben) que soporta procesadores AMD e ata 4 Gb de RAM. O trebello ven equipado con moitos extras: Bluetooth, wifi, e mesmo lector de pegadas dixitais.

Pero a característica principal deste ordenador, e a saida HDMI para conectar a televisores con esa entrada. A interfaz HDMI é de alta velocidade axeitada para visualizar contidos HD ou Full HD nos novos televisores que o soporten. Tamén ven equipado con saidas Dolby HD de oito canales. Esta conectividade avanzada faino candidato para un mediacenter de alta resolución.

O barebone estará dispoñible nas tendas a partires da proxima semana por un prezo de 365 € na versión Deluxe e 278 € para a basica.

Mais información : Shuttle anuncia os seus novos barebones

Relacionado : HD Ready e Full HD en trebellos

Xa falamos en trebellos do Asus eee e mais do OLPC como alternativas para usuarios con poucos recursos, e hoxe traemos unha nova opción. O decTOP foi desenrolado por AMD fai uns anosdentro do programa 50×15 pra levar a tecnoloxía ós que mais o necesitan, e agora é comercializado pola empresa de New Orleans Data Evolution ó increible prezo de 99$ con rato e teclado incluidos.

Non é un superordenador (a súa tecnoloxía e do 2004) pero pode cumplir ben con moitas funcions co seu procesador de 366 Mhz, 10 Gb de disco duro e 128 Mb de RAM. Podese usar para navegar por internet, como un servidor nunha pequena rede, ou mesmo como centro de ocio multimedia. O decTop ven sen sistema operativo, ainda que se lle pode instalar linux ou mesmo Windows CE para o seu uso. O decTOP tamén é unha alternativa para aqueles que buscades un ordenador sen monitor, controlable remotamente e que poida estar aceso as 24 h do día sen consumir moita enerxía. As súas características son ampliables para quen o necesite.

De seguro unha boa compra, dispoñible na web de Data Evolution.

Mais información : Páxina do produto : Tenda de Data Evolution: Galería de fotos

Cicais nalgún intre queramos conectar o noso ordenador á televisión e usalo como centro multimedia, tendo bastante coidado co hardware a usar, pois podemos ter incompatibilidades. Unha opción a ter moi en conta é este dispositivo, un media center feito 100% en Linux, que non deixa de ser un ordenador, de feito ven composto por un procesador AMD Athlon 4200 con 1Gb de RAM, 160Gb de disco duro e unha tarxeta gráfica Nvidia 6200. Ademais, inclúe saídas DVI, VGA por componentes e S-Vídeo.

Unha posibilidade interesante pra este trebello é o de conectalo a outros televisores da casa, que poderán acceder aos contidos que teña, usándoo como un servidor. Ademais, podemos mercar o FiireChief, o mando a distancia pra controlar tódalas súas funcións.

O prezo depende do hardware seleccionado; o anterior modelo comentado costa 799 dólares e en xeral nos movemos entre os 499 e os 899, e se queremos mercar o FiireChief o temos á venda por 149 dólares.

Vía: Engadget.
Máis información: Fiire.

Teño que recoñecer que son un apaixoado dos ordenadores portátis pequenos como este, pois sempre ofrecen unha autonomía fantástica aló onde estemos. HP Compaq veñen de presentar o Presario B1200, de 12.1 pulgadas e unha autonomía de 8 horas, algo realmente fantástico se finalmente é así.

O PC ven cos novos procesadores Centrino Duo pra portátis, con configuracións de ata 2GB de RAM, unha gráfica Intel GMA X3100 e con Windows Vista Business preinstalado.

Destacar tamén o disco duro de 160Gb, Bluetooth, un prezo de prácticamente 2.000 dólares e non, non había fotos sen a moza.

Vía: Xataka
Máis información: Páxina oficial

Pois tres días despois da saida do novo Imac, xa temos dispoñibles na rede toda a parafernalia que acompaña á presentación dos productos de Apple.

En primeiro lugar sairon fotos da desembalaxe. Nas fotos apreciase como agora incluen un pano pra limpalo ordenador (moi util) e os novos teclados cos que ven o novo trebello. Basicamente o ordenador e semellante, agás as cores e o novo é un pouco mais delgado e lixeiro. Non tardaron en sair analise en profundidade e algunha comparativa.

Pouco tradaron en aparecer as primeiras fotos de pornografia maquera (permitido menores de 18) que delatan que Jonathan Ive traballou por dentro o que non fixo por fora. Nesta remodelación aproveitaron para ordenar o interior como estaba no anterior Imac G5, e quedoulle moi ben

E por suposto os habituais sets en flickr de escritorios co novo ordenador, e demais instantaneas nos que poderemos apreciar en profundidade a estética do novo Imac.

Ainda así, sempre hai quen non quedou contento coa remodelación do buque insignia dos ordenadores pra consumo. Parece ser que o efecto glossy da pantalla, disminue o seu angulo de visión ata os 160º e produce uns brillos un pouco molestos. Realmente a pantalla non evolucionou moito, todo hai que dicilo.

E é que na presentación de onte non só se presentaron os novos iMac, senón que a gama dos Mac mini, os pequenos da gama de escritorio tamén sufriron unha pequena renovación por dentro.

Os novos mac Mini veñen con Intel Core 2 Duo e en duas configuracións posíbeis:

• 1,83 Ghz de procesador, 80 GB de disco duro, 1 GB de memoria RAM e unidade lectora de DVD e gravadora de CD.
• 2 Ghz de procesador, 120 GB de disco duro, 1 GB de memoria RAM e unidade gravadora e lectora de CD e DVD.

Os prezos son de 579€ pra o primeiro modelo e de 759€ pra o segundo.

Máis información: Apple Store

Hoxe falábamos do rumor e aí tedes na imaxe o novo iMac de Apple. O tegrado é o mesmo que presupoñíamos dende fai unha semana en Trebellos.

Polo tanto, xa non se van fabricar iMacs de 17 pulgadas, e só se venderán de 20 e 24. As salidas dispoñíbeis serán a de audio, 3 USB 2.0, 1 Firewire 400 e outro 800, 1 Gigabit Ethernet e unha saída de vídeo.

O modelo de 20 pulgadas sae hoxe mesmo ao mercado, con 1GB de memoria RAM e 250GB de disco duro, a un prezo de 1199 dólares; o módelo de 24 pulgadas por 1799 dólares.

Destacaría as posibilidades de aumentar o novo iMac, ata 4GB de RAM e 1TB de disco duro; namentras a velocidade máxima do procesador será de 2.4Ghz 2,8Ghz.

Agardemos que Steve Jobs presente algo máis esta tarde, pero é todo un pracer confirmar productos que en Trebellos comentamos e acertamos fai unhas horas.

Esto que vedes é o Celebrity, un pc portátil da empresa sueca Medison, que alí só custa $150.

De fábrica ven con Fedora Linux e un procesador Intel Celeron de 1.5 GHz, cunha pantalla de 14 pulgadas e resolución máxima de 1280×768 píxeles, ademais de ter tamén 256Mb de Ram e un disco duro de 40GB.

Destacaría tamén a conectividade Wi-Fi 802.11g, polo que pode ser unha boa alternativa pra levalo connosco e poder ler o correo ou navegar pola rede alí onde estemos.

Visto en: Digital Drops
Máis información: Web oficial do producto