Agora podes mercar uns filtros para que as túas fotografías saian con efectos curiosos. Son as Jelly lenses, unhas mini-lentes para cámaras compactas ou teléfonos móbiles. Hai un total de 3 lentes a aproximadamente 4 euros cada unha e tamén se pode mercar o pack das 3 por uns 12 euros.

Xa non hai excusa para non sacar fotos divertidas coa túa cámara.

Visto en Xátaka Foto.
Máis información: The Container Store.

Tags: fotografía, cámara, fotos, compacta, lentes, filtros, accesorios

A pesar de que a marca non atravesa polo seu mellor momento, seguen a presentar novos produtos. Neste caso trátase da cámara dixital C840, modelo sucesor da antiga C740i.

Destaca polo seu sensor de 8 megapíxeles, óptica PENTAX e polas funcións de gravación de video en formato panorámico a unha resolución de 720×400 píxeles e 30fps. Ademáis, tamén é capaz de tomar fotografías en formato panorámico, diferentes tamaños e pódense engadir efectos dende a propia máquina. Dispón de zoom óptico 3x, que tamén se pode empregar durante as gravacións de video.

É compatible coa tecnoloxía PictBridge e soporta tarxetas SD e SDHC de ata 4Gb. Aliméntase con dúas pilas AA.

Máis información: Nota de prensa

Tags: benq, pictbridge, panoramico

A Ds Mark III é unha cámara de fotos réflex, para profesionais, con 21 MPx, 45 puntos de enfoque…pero nelas destaca un sistema de control sen fíos da cámara. Serve, entre outras cousas, pra enviar as fotos a calqueira parte do mundo dende a cámara, só tendo unha rede WiFi.

Pero, ademais, o módulo tamén permite controlar tódalas funcións da cámara de modo remoto dende calqueira dispositivo sen fíos, ben sexa un portátil, ben unha PSP como neste caso, que resulta abraiante.

No blogue comentan que na mesma exposición, coa PSP se axustaban os parámetros e se tiraron varias fotos, pra logo subila a Flickr, sen tocar para a nada a cámara, todo dende a PSP. Como é de agardar, non podemos mover a cámara a distancia (polo dagora), mais é un exemplo ideal pra ter a cámara enfocada para capturar un intre que vai suceder e a distancia cun destes trebellos e cicais en mellor posición ir vendo o que sucede e poder manexar a cámara. Tremendo.

Máis información: Clipset

Tags: canon, eos, PSP, playstationportable, wifi

Sony ven de presentar unha nova cámara DSLR, a α700, unha cámara bastante interesante para quen queira profundizar nas réflex.
A cámara da que falamos ten un sensor CMOS Exmor™ de 12.24 megapíxeis, un corpo de magnesio e aleación de aluminio refozado, unha pantalla LCD de 3″”, AF de 11 puntos, posibilidade de tirar fotos a 5FPs, e posibilidade de almacear fotos tanto en Compact Flash como en Memory Stick.

Ademais, como soe ser normal en Sony, ten unha saída HDMI de Alta Definición, pra poder ver as fotos nun ordenador ou televisor compatíbel.Outra das cousas polas que destaca este trebello é por ter un sensor Exmor™, que grazas ao motor de procesamento BIONZ de gran velocidade permite reducir o ruido nas fotos sen procesar antes da codificación.

Esta cámara se venderá a partir de Outubro a aproximadamente 1200 dólares (só o corpo), en sonystyle.com e en distribuidores autorizados.

Tags: sony, DSLR

Casio ven de anunciar hoxe o que pode ser unha das cámaras do ano, vexamos.

Este prototipo (líchedes ben) de Exilim ten un sensor de 6 MPx que permite sacar vídeo a 60fps na máxima resolución ou a 300fps en resolución VGA. Vale que é modo VGA, pero 300fps é algo propio dunha cámara de vídeo…

Esta pequena xoia ten zoom óptico de 12x e unhas medidas de 27.5×79.5×130 mm, cun peso de 650 gramos. E ata aí podemos dar de datos, lembrade que é un prototipo aínda.

Vía: DPreview

Tags: casio, exilim, cámara

Sanyo ven de presentar este modelo de Xacti, que destaca por ser a cámara máis pequena do mundo que pode grabar en 1080p, unha gran aposta.

Como dicía, graba en 1080p, con resolución de 1920×1080 grazas ao códec HD/MPEG 4 AVC. Ademáis, saca fotos de 8 megapíxeis e con zoom óptico de 10x, unha pantalla LCD de 2.7 pulgadas, saída HDMI e a posibilidade de grabar directamente en tarxetas SD ou SDHC.

Sairá en Xapón este Setembro por perto de 1000 dólares. Como é de supor, en Europa sairá nuns meses, a un prezo algo inferior. Seguiremos informando do que pode ser un dos trebellos do ano.

Máis información: Sanyo

Tags: Sanyo, xacti

Casio acaba de sacar un par de cámaras con unha cousa que promete asombrar: o modo Youtube. ¿Qué é concretamente? Pois o modo de captura de vídeo é 640×480 co códec H.264 e ademáis prometen un acceso en dous pasos pra subir os vídeos dende a tarxeta de memoria á web directamente.

A EX-Z1080 ten 10 megapíxeis, que é como a EX-Z1050 mais co códec H.264 e a funcionalidade de Youtube. A EX-V8 ten un zoom óptico de 7x con 8.1 megapíxeis, e as posibilidades de vídeo anteriormente ditas.

As dúas cámaras saen este mes de Setembro por distintos prezos, a V8 por 330 dólares e a Z1080 por 280 dólares, un bo prezo realmente.

Máis información: Casio Exilim EX-V8
Máis información: Casio Exilim EX-Z1080

Tags: casio, exilim

Se ben estes días o mundo da fotografía anda revolucionado pola saída das novas cámaras de Canon, o xigante Sony non se queda atrás e saca algún modelo interesante pra o público.

A nova Cyber-Shot DSC-H3 trae un sensor de 8 Megapíxeles, un moi bo zoom óptico Carl Zeiss de 10x, unha sensibilidade ISO de ata 3200 e, como soe estar sucedendo cos últimos lanzamentos de esta marca, a posibilidade de sacar as fotos a un monitor de 1080p coa alta definición, mercando o cable da compañía, que custa sobre 30 euros.

Esta cámara ten un prezo de saída de 300 dólares, que non está moi mal pra a lente que trae e o bo zoom, á venda a partir de hoxe nos Estados Unidos.

Vía: Akihabara News

Tags: cámara, sony, cybershot

Onte tivemos o día con moitos lanzamentos fotográficos e hoxe comezamos igual o día, mais con outra marca. Sony ven de anunciar a saída ao mercado da DSC T200, que destaca por ter unha pantalla panorámica e completamente táctil. Persoalmente, eu teño unha cámara compacta con pantalla grande e se nota moito a diferenza á hora de visualizar ou editar as imaxes.

A T200 como dicía destaca pola pantalla de 3,5 pulgadas sen controis físicos, pois usamos nosos dedos pra visualizar ou editar fotos. Ademais, ten sensor de 8 megapíxeis, lente Carl Zeiss de 5x (como é normal en Sony), e posibilidade de enchufar un adaptador de alta definición pra ver a foto nunha televisión HDTV.

Máis información: Sony

Tags: sony, panorámica

Canon presentou tamén hoxe esta PowerShot, pensada pra os usuarios avanzados pero que non queren transportar unha cámara grande e poder levala así a tódolos lados. Porén, esta sucesora da PowerShot G7 inclué unha das funcionalidades máis demandadas, que é a presenza do modo de captura RAW, un modo profesional que garda máis datos que o tradicional JPEG.

Ademais, ten sensor CMOS de 12 Megapíxeis, zoom óptico 6x con estabilizador, e o Procesador Digic II que traen tamén os anteriores modelos comentados, as novas profesionais EOS-1Ds Mark III e EOS 40D. Ademais, soporta entre outras as tarxetas SDHC.

Sairá en Outubro ao mercado a partir de 499 dólares.

Máis información: Canon

Tags: canon, powershot, cámara, fotografía