A Trebellos chegáronnos informacións de que R andivo en conversas con Apple para tentar ter o iPhone entre os seus clientes.

O día dos inocentes xa pasou e a fonte de onde obtivemos este rumor pode ser considerada como bastante fiábel. De feito Apple podería ter enviado algúns terminais de proba a técnicos de R para que probasen as súas capacidades dentro da rede da operadora galega.

Por razóns obvias non temos fotos que testifiquen o evento, mais que unha operadora como R consiga entablar conversas con Apple, ao menos para min é un orgullo e unha demostración do ben que están a facer as cousas dende a dirección da cableira galega.

¿Haberá iPhone con R? Como é de agardar, hai moitas operadoras interesadas, mais o feito de que o iPhone se distribúa cun operador en exclusividade e ao non ter R cobertura propia no territorio español maxino que bota para atrás esta posibilidade… mais quen sabe.

Como xa se falou en trebellos polo mes de abril, Blusens estaba a traballar nun gps revolucionario no que as imaxes en 3d son reais, sacadas dende un avión por toda europa.

As novidades son a saída do video que comentabamos xa neste post e a información de que ven cun disco de 40gbs integrado.

Prevese a súa saída á venda antes do nadal.

Para máis información: Blusens

Vía Código Cero coñecemos a Hipoqih, un servizo web que está dando bastante que falar, pois foi nomeado en varios certames da Web 2.0, e mesmo foi obxeto de conferencias en Silicon Valley. Todo feito dende A Coruña, imos explicar de que vai a cousa.

Maxina que es posuidor dun trebello portátil con acceso á rede e que ademáis teña GPS: pode ser un simple portátil (pois tamén permite introducir coordenadas manualmente), unha PDA, unha Blackberry ou unha Smartphone. Pois ben, se baixas o seu pequeno software e o instalas, na web poderás transmitir exactamente onde estás, a través de Google Maps.

Bótase bastante en falla unha versión en galego do servizo, que agardemos que saia cedo. Moi recomendábel a entrevista, e sorte ao equipo de Hipoqih.

Máis información: Entrevista en Código Cero

Fai un tempo falabamos de que a Xunta probaba Internet sen fíos na praia de Samil, se ben agora tamén están a probar en Aguete namentras dure o periodo estival.

Ao intentar a conexión dende calquera dispositivo con conectividade WiFi, aparecerá unha pantalla de presentación na que haberá que introducir o nome de usuario retegal, e a contrasinal marin39.

Independentemente da xenial noticia que ao menos a min me parece, destacaría o xeito algo complicado pra conectarse (¿quen vai saber o usuario e o contrasinal?) e que cicais xa sexa algo tarde, pois xa non queda moito de verán, mais agardemos que continúen o vindeiro ano.

Máis información: Web da Xunta
En Trebellos: A Xunta proba Internet sen fíos en dúas praias de Vigo

Hoxe imos cunha desas novas que, ao menos a min sácanme un sorriso, que é difícil nun Luns. Ben, a Xunta de Galicia, Retegal e a Alcaldía de Vigo veñen de presentar un proxecto polo cal se vai abastecer de balde ás praias de Samil e O Vao en Vigo de Internet sen fíos de balde. Soa ben, ¿verdade?

Según comentan, é unha experiencia piloto con vistas a tentar sacar unha rede de praias con cobertura de Internet sen fíos de balde, algo que penso que podería ser xenial nun futuro, pois todos temos algún tipo de trebello (ben algún móbil, a PDA e algún ata o portátil na praia) que por exemplo nos permitiría ler o correo electrónico entre cada baño.

Ao tentar acceder a algunha web dende o navegador de internet, se preguntará polo usuario e contrasinal, que serán respectivamente retegal e samil27, e a partir de aí xa quedaremos autorizados pra a web, algo que semella un tanto complicado, mais maxino que se informará dalgún xeito na praia.

Realmente, unha boa nova pra o avance das novas tecnoloxías e da Sociedade da Información en Galicia.
Vía: CódigoCero

Mancomun.org e a Consellería de Innovación e Industria ven de publicar o primeiro corrector gramátical de galego para OpenOffice, chamado golfiño. O corrector foi desenvolvido pola empresa galega imaxin, e permitelle ó procesador de textos desta suite ofimática detectar erros de sintaxe, estilo e concordancia, entre outras funcionalidades.

O corrector está en fase Beta pública e dispoñible para a suite ofimática OpenOffice de todolos sistema operativos.

Visto en Barrapunto
Mais Información : Golfiño

Mancomun.org, a iniciativa galega polo software libre ven de publicar un glosario de termos informáticos inglés – galego. Ata onde sabemos, é o primeiro creado no mundo da informática e axudaranos a usar menos neoloxismos e homoxeneizalo uso da nosa lingua. O glosario é bastante completo, ainda que lle falta o termo “gadget” en galego, agardamos que sexa traducido por trebello .

Mancomún é unha iniciativa da Dirección Xeral de Promoción e Sociedade da Información que pretende ser un punto de encontro para os proxectos de software libre en Galiza. Aproveitamos para felicitar o primeiro aniversario desta plataforma, e esperamos que siga a promover o uso da nosa lingua nas administracións e no software.

Mais información | Glosario informático inglés – galego

Nova en chuza.org

Vense de presentar neste mes de Xaneiro a version 1.0 do sistema operativo en galego Trisquel logo de dous anos e medio de desenvolvemento. Trisquel é unha distribución linux, baseada no proxecto Debian que conta con distintas versions, Trisguel (baseado en GNOME), Triskel (baseado en KDE) e Trisquel Peme (pensado para o seu uso nas Pequenas e medianas empresas). Este sistema operativo 100% libre e en galego trae de serie un conxunto de aplicacions pensadas para todo tipo de usos segundo da versión. Todas traen a suite ofimática OpenOffice 2.0, navegador web e un entorno completo en galego ademais de un instalador que fai automática a detección de hardware.
Segue lendo »

Contan en Arroutadanoticias.com que por fin xa está rematada a tradución de Gmail ao galego. Grazas ao esforzo dos internautas que respaldaron a última convocatoria para a súa traducción, o servizo de correio de google xa se topa totalmente traducido. Pero para podelo usar gmail na nosa lingua, teremos que agardar a que os rapaces de Mountain View a revisen e den a súa conformidade.

Pero si queredes, podedes seguir colaborando na tradución doutros servizos de google coma Orkut, Picasa ou Google Groups, que pola súa escasa difusión as traducións topanse mais atrasadas. Para consultar o estado das mesmas, ou colaborar con elas tedes que ter conta nalgun dos servizos de google, e consultar o servizo de traducción onde ven o porcentaxe de cada servizo que está traducido.
!Animadevos, que xa falta menos!

Mais información : Servizo de tradución de Google.

Para todolos usuarios de MacOSX que queiran dispoñer dun acceso directo a diccionario da Real Academia da Lingua Galega no seu dashboard, existe dende fai un tempo o widget Chintófano, creado pola empresa coruñesa da Costa da MorteGalinus. Coa instalación deste widget teremos o diccionario de galego no dashboard, a un click de rato.

A instalación deste widget é a habitual. Logo de descomprimir o arquivo, facemos click e preguntaranos si queremos instalar o widget. Si lle decimos que si, colocará chintófano no noso dashboard e xa poderemos usar o diccionario de galego.

Actualización: parece que o diccionario contra o que fai as procuras este widget está pouco actualizado. Agardamos a posta en liña do novo diccionario da Real Academia da Lingua Galega.

Mais información: Chintófano