E tranquilos, que non foi aquí. No Reuno Unido concretamente retiraron os anuncios da Nintendo Wii debido a que nas tendas non teñen case stock e é probábel que non teñan máis ata despois de Ano
novo. Por tanto, éxito completo da Wii. ¿E por estes lares? Pois en principio España é o unico mercado do mundo xunto a Xapón onde a Playstation se vende máis que a Wii, pese a que a consola de Nintendo está a medrar moito en ventas. ¿E ti, mercaches algunha consola para este Nadal? ¿Cal?
14 Oct
Escrito por Il en Linux
O Pro Evolution Soccer é un dos mellores videoxogos de fútbol que hai hoxe en día no mercado, triunfa grazas ao seu fácil manexo e á súa boa simulación dun partido real. Como non podería ser doutra forma, a consola Wii de Nintendo contará coa nova versión deste xogo. O que vos queremos contar hoxe é a forma de manexar este xogo na Wii. í‰ moi novidosa. Por primeira vez poderemos controlar a todos os xogadores á vez en tempo real. Co joistick do nunchuk manexaremos ao xogador que leva o balón e co Wiimote poderemos seleccionar a outra xogador e mandalo a onde queramos para que, por exemplo, se desmarque. O limite das nosas xogadas só será a nosa imaxinación. Ao principio pode ser algo caótico e complexo pero para valorar se será un bo sistema ou non o que hai que facer é probalo. Namentres aqui vos deixo cun video explicación:
O videoxogo sairá para o resto de consolas este mes, pero para poder xogalo na Wii teremos que esperar ata o primeiro trimestre do ano que ven. Visto en VidaExtra.
Está algo revolucionada estes días a comunidade de xugóns da Nintendo Wii (que non é pouca, entre eles Iago), pois o chipset D2C na Nintendo Wii foi pirateado. Un novo producto chamado o “Wii D2C Modchip Actel” semella que vai usar esa vulnerabilidade atopada, e que vai ser lanzado en breve en Europa.
Mais, non está perfeccionado totalmente. Primeiro, só funcionan sen ningún problema o 80% dos xogos de rexión protexida. O 20% restante funciona, mais hai que soldar 30 patillas para xuntar ben o chip coa consola, o que inutilizaría a garantía.
O 8 de Outubro sae á venda o chip por 37 euros. Certamente, aínda podedes ver que non é algo perfeccionado, mais debería ser considerado un paso de xigante máis ata o intre no que se poida facer sen moito problema.
Iso si, nós só informamos, se queres tocar as entrañas da túa consola e non funciona, non é cousa nosa…
Vía: MaxConsole
Se es un posuidor da Nintendo Wii, terás que ter coidado, como con calqueira outro trebello nestes días a raíz da excesiva calor e de que unha excesiva temperatura pode facer que non funcione de todo ben.
Porén, acaba se sair á venda un pequeno ventilador pra a consola de Nintendo no país nipón pra, precisamente, protexer á consola de que se quente demasiado.
Funciona de tal xeito que, aproveitando un dos portos USB (tranquilo, colle un pero ofrece dous, así que saes gañando) se alimenta e así refrixera a consola dun xeito bastante silencioso (-25 dBA).
Sentímolo mais, polo dagora só está á venda en Xapón, así que só nos queda agardar que chegue por estes lares cedo.
Vía: Akihabara News
05 Jun
Escrito por Juan Milleiro en Linux, Novas, Periféricos, Rumores
Berran forte os rumores que apuntan a que este mes sairá un disco duro para a Consola de Nintendo. E a verdade e que faralle falla para aloxar os titulos da mítica consola dos 90, Neo Geo, que se non recordo mal pesaban un quintal (uns 300 MB sin compresión). O disco duro viría a mellorar a Wii no caso do almacenamento, xa que tan só conta con 512 Mb unha cantidade que se fai un pouco escasa para unha consola de última xeración.
Nintendo non confirma o rumor, pero está claro que cando hai tantos comentarios ó respecto é porque os usuarios botano en falta.
Mais información : Wii en Technorati
Vía Ubergizmo nos enteramos de que a Nintendo Wii podería ter un teclado nun futuro.
Todos os posuidores desta consola poden navegar actualmente por internet grazas ao navegador que trae integrado, polo que un teclado sería un complemento ideal para unha navegación máis que cómoda no noso televisor.
Pese a todo, a Nintendo Wii non sería a primeira consola en ter un teclado, pois xa outros experimentos como a Sega Dreamcast tiveron a oportunidade de ter teclado pra navegar pola rede, ou mesmo a actual PlayStation 3 ten algúns teclados (como este sen fíos, de Logitech), mais sería un bo púlo pra, na miña opinión, unha fantástica consola.
Máis información: UberGizmo
Nunha recente entrevista, Sony-Ericsson ven de afirmar que están na búsqueda dun “teléfono PlayStation”, o que disparou todo tipo de rumores estes días. Os rumores apuntan en boa dirección, pois no vindeiro Febreiro, no Mobile World Congress a empresa pode presentar un teléfono orientado claramente ao xogo. Segundo a empresa, non ten por qué levar a marca PSP mais posíbelmente inclúa algún sensor como o que ten a Nintendo Wii. Vía: TechDigest
Moitas veces vemos pola rede modificacións de consolas bastante impresionantes, mais penso que poucas como esta, unha SuperNintendo Nintendo Nes co seu control orixinal e unha pantalla, polo cal se pode transportar.
Pouco máis se sabe a imaxe, se ben está dando a volta por moitos blogues de gadgets (Engadget, Techdigest, WiiWii, Infendo…); en fin, xa pode ir tremendo o iPod Touch…
09 Aug
Escrito por Il en Apple, Linux, Periféricos, Son, Telefonía, Vídeo
O portal de novas tecnoloxías CNET ven de publicar unha listaxe cos 10 trebellos que deberias ter.
O iPod non podía faltar nesta lista. Se cadra o iPod é o trebello por antonomasia, quen non coñece o que é un iPod? Seguro que a xente que non sabe nada de ordenadores, de mp3 nin de nada de novas tecnoloxías algunha vez oiu falar do iPod. Desta vez o iPod Nano chegou ao terceiro posto e Apple consigue meter 2 trebellos seus nos 3 primeiros lugares, se cadra porque son bos ou se cadra porque teñen o mellor marketing.
Estos son os 3 primeiros da lista pero hai máis.
No 4º lugar está o SanDisk Sansa Connect, outro mp3 con moitas funcións: Wi-Fi, radio web stream, 4GB internos e ranura para unha tarxeta microSD, etc. No 5º están os MacBook, os ordenadores portátiles de Apple desexados por moitas persoas grazas ao seu deseño e á súa calidade. No posto número 6 está o Sling Media Slingbox A/V, un trebello que permite conectar a túa TV ao ordenador ou a calquera dispositivo móbil (con Windows Mobile) para así poder ver a TV dende o teu ordenador (por exemplo). No 7º lugar do ranking está a Nintendo DS Lite, a consola portátil que xa gañou a guerra desta xeración de consolas portátiles, a súa calidade, os seus xogos, as dúas pantallas e o modo de xogo (pantalla táctil) fan desta consola a mellor consola portátil. No 8º lugar está a Samsung LN-T4665F, unha TV LCD de 46 polgadas e 1080p HDTV, a mellor calidade nunha televisión LCD. No 9º posto está a Sony Handycam HDR-HC7, unha cámara de video (non profesional) de moita calidade que fai imposible gravar cousas malas. No derradeiro posto da lista están os V-Moda Bass Freq headphones, uns cascos de música para escoitar a un bo prezo e a unha mellor calidade a música do noso mp3.
Como vedes é moi discutible esta lista, pero por iso non deixa de ser unha lista con moi bos trebellos.
Se tes moitos dos trebellos que hai nesta lista és moi geek.
Visto en Código Cero.
Máis información: CNET – Top 10 must-haves.
17 Jul
Escrito por Juan Milleiro en Periféricos, Sen fíos
Logitech presentou o seu novo modelo de rato MX Air Mouse que ven de revolucionar o concepto de perifericos para
os ordenadores. O novo rato, que estará dispoñible a partires do próximo mes usa unha novia tecnoloxía de seguimento por laser que lle permite manexalo no aire, ó mais puro estilo do mando da Wii de Nintendo. Ademais, tamén funciona como rato normal sen fíos. Estas novas funcionalidades supoñense moi comodas para as presentacions multimedia e porque non, para os media center onde non existe unha postura axeitada para mover o rato sobre da mesa. Parece que os movementos conseguidos son bastante realistas e que usara “gestures” ó mais puro estilo dos navegadores modernos. O rato terá un prezo de saida de 150 $. Mais información : Logitech