Como anunciabamos en Trebellos, hoxe tivo lugar unha nova Keynote de Apple, onde se presentaron novos produtos e actualizacións dalgúns xa existentes. Un dos novos trebellos anunciados foi a Time Capsule, unha unidade de almacenamento que garda no seu disco duro interno copias de seguridade dun mac. Grazas ao seu disco duro, que pode ser de 500GB ou 1TB e a compatibilidade co servizo de copias de seguridade Time Machine, integrado na última versión do sistema operativo da comapañía, asegúrase ter sempre unha copia de tódolos arquivos gardados no disco duro do ordenador con tan só un clic. A Time Capsule tamén pode funcionar como estación inarámica, dando servizo a tódolos trebellos inarámicos e mesmo aos ordenadores con Windows, grazas á
tecnoloxía 802.11n. A incorporación dun porto USB tamén lle permite funcionar como central para unha impresora en rede. Estará dispoñible en febreiro a 289€ a versión de 500GB e a 489€ a versión de 1TB. Máis información: Time Capsule
Seica pronto teremos unha nova versión do sistema operativo máis famoso para os móbiles, o Symbian. Será a Symbian S60 3rd Edition Feature Pack 2 para os móbiles Nokia, e segundo os rumores sairá en xuño do 2008. Entre as novidades podemos atopar novos efectos (visuais) e transicións ao abrir, pechar e cambiar de aplicacións, novas opcións de configuración como poder pór unha imaxe a pantalla completa cada vez que nos chaman ou pór varias imaxes de fondo de pantalla que se cambiaran secuencialmente. Tamén mellorarán a usabilidade podendo ter un móbil multi-tarea (varias aplicacións abertas á vez), na guía poderemos ver os contactos do teléfono e da tarxeta SIM coas mesmas opcións, e ademáis se escribiumos un SMS e engadimos un contido multimedia pasará automáticamente a ser MMS. Tamén seica optimizaron parte do código para gañar maior rendemento. A ver se por fin o que seguramente sexa o mellor sistema operativo para móbiles é rápido, xa que o único que falla nos móbiles Symbian é a súa velocidade. Visto en Xátaka Móvil. Máis información: S60.
Nokia amplía a súa gama NSeries co N82, un teléfono móbil de características semellantes ás doutros modelos como o N95. O trebello está enfocado á navegación pola Internet e ás opcións multimedia. Conta cunha cámara de 5 megapíxeles con óptica Carl Zeiss para sacar fotos ou gravar videos con resolución VGA e realizar videochamadas. A conectividade está asegurada, xa que incorpora tecnoloxía HSDPA, bluetooth e soporte WiFi. Tamén dispón da tecnoloxía GPS, aprobeitable grazas á aplicación Nokia Maps, integrada de serie no seu sistema operativo, Symbian OS 3ª edición. Para almacenar tódolos arquivos conta cunha memoria interna de 100MB e lector de tarxetas MicroSD. O seu prezo ronda os 450 euros. Máis información: Nokia
Aínda que non está enfocada ao uso doméstico, a HP TJ8300 destaca polas súas impresionantes proporcións. O seu deseño é semellante ao de calquera impresora de inxección de tinta compacta, pero este modelo ten perto de dous metros de alto e pesa unhas tres toneladas. Está deseñada para a impresión de todo tipo de publicidade
en diferentes soportes flexibles como o PVC ou o vinilo, e é capaz de imprimir 400 m2 nunha hora. Como curiosidade, dicir que os cartaces do festival de Cannes foron impresos en impresoras coma estas. Máis información: HP
14 Oct
Escrito por Il en Linux
O Pro Evolution Soccer é un dos mellores videoxogos de fútbol que hai hoxe en día no mercado, triunfa grazas ao seu fácil manexo e á súa boa simulación dun partido real. Como non podería ser doutra forma, a consola Wii de Nintendo contará coa nova versión deste xogo. O que vos queremos contar hoxe é a forma de manexar este xogo na Wii. í‰ moi novidosa. Por primeira vez poderemos controlar a todos os xogadores á vez en tempo real. Co joistick do nunchuk manexaremos ao xogador que leva o balón e co Wiimote poderemos seleccionar a outra xogador e mandalo a onde queramos para que, por exemplo, se desmarque. O limite das nosas xogadas só será a nosa imaxinación. Ao principio pode ser algo caótico e complexo pero para valorar se será un bo sistema ou non o que hai que facer é probalo. Namentres aqui vos deixo cun video explicación:
O videoxogo sairá para o resto de consolas este mes, pero para poder xogalo na Wii teremos que esperar ata o primeiro trimestre do ano que ven. Visto en VidaExtra.
Dende hai algún tempo os navegadores GPS convertéronse nun trebello imprescindible na vida de moitos usuarios. Os últimos modelos non só serven para seguir indicacións para ir a un lugar determinado, se non que tamén integran opcións multimedia como reprodución de música ou video. Da man de Acer chegan a nós uns modelos que non sobresaen polas súas características, pero que poden ser unha boa solución para persoas que non desexen desembolsar unha gran cantidade nun aparello deste tipo. Os navegadores GPS P710 e P730 dispoñen dunha pantalla panorámica táctil de 4,3 polgadas e resolución de 480 x 272 píxeles. Levan incorporado lector de tarxetas SD, para almacenar mapas, xa que os 64Mb de RAM dos que dispoñen quedan bastante escasos. O sistema operativo que empregan é Windows CE 5.0, adaptado pola mesma compañía, que integra un visor de fotografías. Os dous modelos estarán dispoñibles en novembro. O modelo P710 venderase cunha tarxeta de 512Mb cos mapas rexionais preinstalados a 199
euros e o P730 cunha de 2Gb cos mapas de Europa a 249 euros.
Este reproductor conta con uns acelerómetros que permiten movernos polos menús, seleccionar cancións, videos… simplemente axitándoo cara un lado ou cara o outro. Dende o meu punto de vista un sistema de navegación un tanto incómodo e máis complicado co sistema típico de botóns. Esperemos que teña un sistema de bloqueo de este sistema, senón resultará imposible levalo nun bolsillo ó sair a rúa. Ten unha pantalla QVGA de 2.8 pulgadas de 320í—240, 2gbs de memoria, reproducción dos archivos AVI, FLV, MP3, WMA, APE, FLAC, JPEG, GIF y BMP, radio fm, lector de e-books, función karaoke e tecnoloxía de son Microsoft PlayFX que consigue un son 3D a través dos auriculares. Ademáis de todo isto, gracias os seus acelerómetros conta coa función de podómetro. Ten unha autonomía de 10 horas de audio e 3 de video. Prevese a saída á venda en outubro. Visto en: Tecnoadeptos.
Recentemente desvelouse o novo smartphone de samsung, a
continuación detallamos as súas características principais.
Terminal con dimensións 115.9 x 61.3 x 13.3 mm, pantalla táctil de 2.55″ con resolución de 320 x 320 px e cursor de rato, teclado QWERTY, soporte UMTS/HSDPA 2,1 GHz, cámara principal de 2 megapixeles e secundaria para facer videochamadas con calidade vga, conectividade bluetooth, wifi b/g, soporte pushmail, navegador gps e ranura para tarxetas microSD. Utiliza o sistema operativo Windows Mobile 6 Profesional.
Aínda non se sabe a data de saída ó mercado nin o prezo, pero si se sabe que sairá en Europa.
Podedes ver un video do smartphone en acción clickeando aquí.
Visto en: Xatakamovil
Seguindo coa tradición de trebellos de facer tutoriais, hoxe imos explicar como liberar unha serie de terminais nokia de manera sinxela, segura e legal.
Liberar consiste en pór un terminal, que está anclado a unha comañía de telefonía móvil, aberto para que poda ser utilizado por tódalas compañías.
Os modelos en teoría soportados son os nokia 3110, 3250, 5200, 5300, 6085, 6110Navigator, 6136, 6270, 6300, 6630, 6680, 6681, 7370, E50, E60, E62, E65, E70, N70, N71, N72, N80, N90, N91, N93 e N93i. Polo momento só ha sido probado cos nokia 6630, 6680, n70 e n80 e funciona correctamente.
Para comezar necesitamos un cable dku-5 coma este. Conectámolo a un usb libre do ordenador, instalamos os drivers que o acompañen e acto seguido cambiamos a direccion do porto com a crear co cable. Para iso imos a panel de control, administrador de tarefas, sistema, administrador de dispositivos, seleccionamos o cable dentro do apartado com, imos a propiedades, avanzadas e poñemos o com entre 1 e 9, rangos superiores no son admitidos.
Acto seguidos baixamos o programa bb5 unlocker de dejan dende aquí e o descomprimimos. Antes de comezar abrimos o
arquivo bb5_unlocker.cfg co bloc de notas de windows e cambiamos o número do com polo que temos posto no noso ordenador para o cable.
Aquí comeza o proceso de liberación:
1- Apagamos o terminal, deixandoo coa batería e a tarxeta sim.
2- Prendemos o terminal (soamente encendelo, non introducir pin nin tocalo máis) e conectamos o cable dku-5.
3- Executamos o arquivo install.bat, e nos sairá unha pantalla coma esta:
4- Prememos o botón “read phone” e acougamos a que nos saia que finalizou (“done”).
5- Agora prememos o botón “make log” e tamén esperamos a que saia “done”.
6- Minimizamos o programa e dentro da carpeta que descomprimimos executamos BB5_calc.exe, nos sae que finalizou e aceptamos.
7- Retornamos o programa anterior (agora minimizado) e prememos SP Unlock e nun intre nos avisará de que o terminal xa está liberado.
Anotación: O teléfono reiniciase unha ou dúas veces durante o proceso.
Como vos comentamos hai uns días en Trebellos, hoxe celebrouse unha rolda de prensa de Apple no Reino Unido. Nela anunciouse que o iPhone estará dispoñible alí a partir do 9 de novembro coa compañía de telefonía móbil O2. A versión de 8GB costará £269 (400 euros apróximadamente). A versión do iPhone que se poñerá á venda é a mesma ca dos Estados Unidos. A compañía estivo actualizando a súa infraestrutura para que fose compatible con EDGE, o sistema de comunicación de datos que emprega o teléfono de Apple no continente americano. Segundo Steve Jobs, que o iPhone non dispoña de 3G é cuestión de aproximadamente un ano, xa que se se lle implementara esta tecnoloxía o teléfono vería disminuida a duración da batería e non tería unha capacidade adecuada para realizar chamadas e empregar tódalas súas prestacións. O2 anunciou que o trebello tamén terá dispoñible o buzón de voz visual, ó igual que con AT&T. As tarifas coas que sairá á venda son de £35, 45 e 55 cun contrato de 18 meses coa compañía e a posibilidade de cargar ata 1400 páxinas web ao día. A compañía tamén firmou un acordo para que se poida acceder á rede mediante 7000 hotspots. A activación do iPhone farase coma nos Estados Unidos, por iTunes e escollendo o plan de prezos.
Debido a que Apple mudou a
forma de acceder á base de datos de cancións e listas de reprodución nas últimas versións dos iPod, presentadas hai unhas semanas, as aplicacións de terceiros para sincronizar a música co reprodutor de Apple non funcionan. As aplicacións de terceiros eran, ata o de agora, a única forma de sincronizar o iPod baixo Linux. Mentras non apareza algún tipo de actualización do software dispoñible, os usuarios deste sistema operativo terán que empregar un ordenador con Windows
ou Mac OS para disfrutar de contidos multimedia no seu reprodutor. Vía: Gizmodo ACTUALIZACIí“N: Resolta a incompatibilidade dos novos iPod en Linux
