Hoxe en Trebellos : Tódalas novas dos trebellos máis interesantes do mercado

Memorias SanDisk en púrpura contra o Alzheimer

Memorias SanDisk en púrpura

Seguro que case todos coñecedes algún PRODUCT(RED), como os iPod nano ou os Shuffle, que se caracterizan pola súa cor vermella e porque unha certa parte do diñeiro que se recada coa súa venda é destinado á loita contra o SIDA en África.

Pois agora, aos produtos “vermellos” únenselles os produtos “púrpuras”, que é a cor escollida pola Asociación Estadounidense contra o Alzheimer para os produtos que colaboran coa entidade.

SanDisk, fabricante recoñecido mundialmente de memorias extraíbles e reprodutores multimeda, aportará un dólar por cada unidade das edicións especiais en púrpura do SanDisk Cruzer Micro de 2Gb e da tarxeta SD SanDisk Ultra II, tamén de 2Gb ata chegar ao millón de dólares.

Estas unidades están á venda nos Estados Unidos ao mesmo prezo que as unidades habituais.

Máis información: SanDisk


Sony α700, aposta interesante de Sony polas DSLR

Sony a700

Sony ven de presentar unha nova cámara DSLR, a α700, unha cámara bastante interesante para quen queira profundizar nas réflex.
A cámara da que falamos ten un sensor CMOS Exmor™ de 12.24 megapíxeis, un corpo de magnesio e aleación de aluminio refozado, unha pantalla LCD de 3″”, AF de 11 puntos, posibilidade de tirar fotos a 5FPs, e posibilidade de almacear fotos tanto en Compact Flash como en Memory Stick.

Ademais, como soe ser normal en Sony, ten unha saída HDMI de Alta Definición, pra poder ver as fotos nun ordenador ou televisor compatíbel.Outra das cousas polas que destaca este trebello é por ter un sensor Exmor™, que grazas ao motor de procesamento BIONZ de gran velocidade permite reducir o ruido nas fotos sen procesar antes da codificación.

Esta cámara se venderá a partir de Outubro a aproximadamente 1200 dólares (só o corpo), en sonystyle.com e en distribuidores autorizados.


Sanyo Xacti DMX-HD1000

Sanyo ven de presentar este modelo de Xacti, que destaca por ser a cámara máis pequena do mundo que pode grabar en 1080p, unha gran aposta.

Como dicía, graba en 1080p, con resolución de 1920×1080 grazas ao códec HD/MPEG 4 AVC. Ademáis, saca fotos de 8 megapíxeis e con zoom óptico de 10x, unha pantalla LCD de 2.7 pulgadas, saída HDMI e a posibilidade de grabar directamente en tarxetas SD ou SDHC.

Sairá en Xapón este Setembro por perto de 1000 dólares. Como é de supor, en Europa sairá nuns meses, a un prezo algo inferior. Seguiremos informando do que pode ser un dos trebellos do ano.

Máis información: Sanyo


Keynote WWDC´07, que ben o pasan os rapaces de Apple

keynotePois hoxe houbo keynote dentro da conferencia mundial de desenvolvedores de Apple. Logo da gran expectativa creada oredor desta presentación (que si macultraportatiles, que si novos imac) non houbo ningunha presentación de trebellos. Como era de esperar nunha conferencia de desenvolvedores, presentaronse novidades técnicas que veremos nos nosos macs a medio prazo.

  • Presentación de novas características de Leopard: novo iChat, novo dock, widgets, spaces, quick look todo baseado en Core Animation… ! A de Dios!. Leopard a partires de Outubro por 129 $.
  • Terceiros desenrolaran aplicacións para o iPhone (a traves de Safari).
  • Novo Safari 3 con !Beta para Windows!!
  • Xogos no Mac. EA e ID software presentan os seus xogos para Mac. En Xullo, Command & Conquer, Need for Speed e Battlefield.

    O que demostra que nesto dos Macs, as apostas non son doadas de gañar .


  • Novos MacBook Pro con tecnoloxía LED e Santa Rosa

    mbp
    Apple ven de presentar o seu tope de gama en ordenadores portatiles:os novos MacBook Pro con mais RAM e novas pantallas e procesadores. Todolos modelos poden montar agora ata 4 Gb de RAM e levan os novos procesadores de Intel, Santa Rosa, que son mais rápidos e consumen menos. Ademais agora levan tarxetas gráficas Nvidia en lugar de ATI.

    Os modelos coa pantalla pequena traerán as tan esperadas pantallas de retroiluminación por LED que consumen menos e o modelo de 17″ estrea resolución ata 1920×1200(opcional) o que significa un tremendo pantallón. Estas melloras suponse que alongará a vida da batería ata as 5 horas e media.

    Un bo repaso ó buque insignia dos portátiles de Apple que supón tamén unha rebaixa de prezo, dende os 1849 € do modelo básico, 2299 € do potente e 2599 € do de 17″.

    Mais información : MacBook Pro na Apple Store


    Sanyo Xacti E1, grava videos cando chove

    Sanyo Xacti E1Sanyo acaba de lanzar a que, segundo eles, é a primeira videocámara sumerxible para uso doméstico. Esta é a Xacti E1.

    Esta videocámara é perfecta para gravar videos cos teus amigos un día de choiva, xa que aínda que se molle non lle vai pasar nada. Resiste a choiva (tan común por estes lares) grazas a que resiste 1 metro e medio baixo a auga durante 1 hora aproximadamente. O que fai que poidas usar a cámara un día de choiva ou un día de calor na praia ou na piscina.

    Permite gravar video en diferentes resolucións e modos como o TV-SHQ a 30 fotogramas por segundo ou o modo WEB-HQ a 15 fotogramas por segundo. A cámara garda os videos en formato MPEG4 co codec AVC/H.264 que é un 25% máis eficiente que o codec que usan as outras cámaras do modelo Xacti.

    A Xacti E1 tamén permite sacar fotos cunha resolución de 10 Megapíxeles, incluso mentres estamos a gravar video, en formato .JPG. E grazas a que é compatible con tarxetas SD e SDHC pode gardar 10 horas de vídeo nunha tarxeta de 8 Gb.

    Visto en Ounae.
    Máis información: Nota de prensa de Sanyo.


    Apple renova o iPhone e o iPod Touch

    iPhone, iPod nano rosa e iPod Touch

    Mentres que aquí agardamos a que o iPhone se anuncie dentro duns días, supostamente da man de Movistar e en Barcelona, Apple vén de anunciar a saída ao mercado dunha nova versión con 16GB, dispoñible xunto á de 8GB nos países que xa dispoñen de iPhone.
    Dende hai uns días xa se especulaba na rede sobre a existencia dun iPhone destas características, e mesmo chegaron a aparecer imaxes mostrando a capacidade de almacenamento. O novo modelo está á venda a un prezo de 499 dólares nos Estados Unidos.

    Por outra banda, o iPod Touch tamén se actualiza. Agora tamén está dispoñible un modelo que ten 32GB de almacenamento, o dobre da súa capacidade máxima anterior. O seu prezo é de 449 euros.

    E por último, sinalar a dispoñibilidade do iPod nano en cor rosa, que se ben xa hai uns días que se anunciou, aínda non vos falaramos del en Trebellos. O seu prezo, ao ter 8GB, é de 189 euros.

    Apple reforza a súa gama de produtos de cara ao San Valentín. Tedes xa os agasallos mercados?

    Vía | Applesfera


    Nunca máis te queimarás a boca con esta taza

    Esta taza ten grande utilidade, sirve nada máis e nada menos para evitar que nos queimemos a boca ao beber un café moi quente, por exemplo.

    On Off mug

    Grazas a uns pigmentos que ten a taza, cando vertemos dentro un líquido quente a taza pónse de cor branca e lése a palabra ON, cando vai enfriando vai cambiando de cor cara o negro e leráse a palabra OFF.

    Así de sinxelo e útil por 16 euros, aínda que é posible que atopes tazas deste estilo por 3 euros nalgúns todoacien de toda a vida.

    Visto en Gizmodo.
    Máis información Charles & Marie.


    Jetflash T3, o minipendrive de Trascend

    jetflash t3
    Transcend acaba de sacar ó mercado un dos pendrives máis pequenos do mercado cunhas dimensións de 0.3mm x 12.3mm x 2.4mm e 2 gramos de peso.

    Ten un ratio de transferencia de 10 MB/s de lectura e 3MB/s de escritura.

    Está feito extra resistente para que non se doble ou rompa como soe pasar coas minimemorias usb. Utiliza un chip especial (COB, chip on board) que se ensambla na carcasa de policarbonato irrompible así como os seus circuitos e fai que sexa irrompible.

    Inclúe un pack de software coas seguintes características:

  • Función de bloqueo do ordenador: Fai que o pendrive sexa coma unha chave para restrinxir o acceso.
  • Función de encriptación ou seguridade: comprime e/ou protexe con contrasinal os archivos gardados usando a encriptacion AES.
  • Función de email: Pode usarse para enviar, recibir e gardar de modo seguros os correos eléctronicos.
  • Función de autologueo: Garda os teus contrasinais das webs e automáticamente loguearase en elas.
  • Non necesita drivers agás en windows 98.

    Polo momento está dispoñible en versións de 1gb e de 2gb con prezos de 10€ e 18€ respectivamente. Tamén se vende en packs de 5 unidades. A garantía é de por vida.

    Máis información: Trascend


    Amosa os teus trebellos

    PS3

    Queremos comezar a facer cousas en Trebellos ligadas contigo e hoxe presentamos a primeira.

    Queremos que nos ensines teus trebellos. Pode ser unha cámara, un iPod, calqueira cousa que vexas interesante, ou un iPhone se o tes. De vez en cando iremos publicando as máis interesantes.

    ¿Cómo facer que saia túa foto? Tes primeiro que ter unha conta en Flickr. Logo, debes subir a foto en cuestión e asignarlle a etiqueta trebellos.

    Anímate, e se todo vai ben, dentro de pouco publicaremos as primeiras imaxes por aquí…


    Posteriores entradas »