Se es dos que sempre vai co portátil (ou agora xa, teléfono móbil) buscando conexións wifis sen protección este é o teu trebello. O Wi-Fi Detector Watch ademáis de ser un reloxo que dá a hora, ten cronómetro, calendario e alarmas tamén é capaz de detectar as redes wifi. Ademáis amosa o nivel de intensidade do sinal.

Xa non haberá que acender o portátil para buscar redes wifis, con pulsar un botón no noso reloxo xa basta. Se precisas con urxencia dun ponto de acceso wifi sen contrasinal e sen ningunha medida de seguridade para poder ler o correo electrónico que agardabas ou enviar un

importante e-mail, con este reloxo non terás que gastar baterí­a acendendoo e buscando redes por aqui e por acolá. Pulsas un botón e ves todas as redes wifi… moveste un pouco e volves a pulsar. Así­ ata que atopas unha rede wifi libre e acendes o portátil.

Este pode ser o teu agasallo de nadal por algo máis de 20 euros.

Visto en Gadgetizer.
Máis información: ThinkGeek.

• 0 Comentarios

Agardando a que chegue a MacWorld 2008 onde Apple nos amosará un novo trebello ou ordenador revolucionario podemos xogar coa Apple Store, do mesmo xeito que fixeron os microsiervos. Imos calcular o ordenador máis caro que podemos mercar na Apple Store española:

Todo isto por 22.222 eurazos (IVE incluido). Só apto para os geek maqueiros que lles tocou a lotarí­a no sorteo de nadal. Visto en Microsiervos. Máis información: Apple Store España.

• 6 Comentarios

Aqui vos traemos dous trebellos moi diferentes pero moi útiles para algúns. O primeiro e o USB Media Remote que non é outra cousa que un mando a distancia para o ordenador, que xa trae incluido un adaptador USB. Si, é feo, pero é útil xa que podes controlar as túas pelí­culas, a música, as presentacións de PowerPoint, etc. Ademáis ten esa forma porque pódese gardar na ranura da PCMCIA ideal para levar dunha forma

cómoda nun portátil.

O outro trebello é moi grande e o trebello ideal para os amantes dos coches e dos xogos de carreiras. Trátase do

Play Seat Evolution de Logitech, un sillón con volante e pedais para xogar comodamente e realisticamente aos videoxogos de carreiras. Teredes que dárvos presa para mercar este accesorio para videoxogos de algo menos de 500 euros, xa que só poñen á venda 100 unidades.

Visto en Gizmodo | Xátaka. Máis información: USB Geek | Akihabara News.

• 0 Comentarios

Logitech sacou fai un tempo unha liña de soportes pra ordenadores portátis chamada Alto se ben agora con este lanzamento quere facer aí­nda máis cómoda a tarefa que algúns temos ao pasar moito tempo escribindo diante dun portátil, e iso é o que pretende o novo Alto Cordless.

Porén, a maior novidade é que inclúe un tegrado sen fí­os, que funcionará enchufando o noso ordenador a un dos tres portos USB que trae a base. Pese a todo, se queres usar tamén o ratón, poderás enchufalo a un dos tres portos anteriormente ditos.

O Alto Cordless pode elevar teu portátil pra unha mellor visión, se ben non é recomendado seu uso con portátis de máis de 15.4 pulgdas. Sairá o vindeiro mes a un prezo de 100 dólares, con un adaptador de corrente pra máis potencia nos USB por 20 dólares.

Ví­a: HardwareGeeks

• 0 Comentarios

O portal de novas tecnoloxí­as CNET ven de publicar unha listaxe cos 10 trebellos que deberias ter.

1. iPhone
Como non podí­a ser doutro xeito, no primeiro lugar está o trebello que revolucionou o mundo dos trebellos. O iPhone coa súa pantalla multi-táctil e o gran investimento en marketing por parte de Apple conseguiu chegar ao number one desta lista. Para moitos o trebello do ano para outros non tanto, sen dúbida merécese estar nesta lista, polo menos polo rebumbio que fai. Alí­ onde esteas sempre se fala do iPhone.



2. Wii
A Wii de Nintendo está a gañar a guerra da next gen de consolas. Recentemente chegou aos 10 millóns de dispositivos vendidos, está a poucos millóns xa da XBox360 (que saiu un ano antes) e a moitisimos millóns da PlayStation 3 (que parece a gran perdedora). Este si que foi un trebello revolucionario. A súa forma de xogar, movendo o mando, asegúranos moita diversión.



3. iPod Nano

O iPod non podí­a faltar nesta lista. Se cadra o iPod é o trebello por antonomasia, quen non coñece o que é un iPod? Seguro que a xente que non sabe nada de ordenadores, de mp3 nin de nada de novas tecnoloxí­as algunha vez oiu falar do iPod. Desta vez o iPod Nano chegou ao terceiro posto e Apple consigue meter 2 trebellos seus nos 3 primeiros lugares, se cadra porque son bos ou se cadra porque teñen o mellor marketing.

Estos son os 3 primeiros da lista pero hai máis.

No 4º lugar está o SanDisk Sansa Connect, outro mp3 con moitas funcións: Wi-Fi, radio web stream, 4GB internos e ranura para unha tarxeta microSD, etc. No 5º están os MacBook, os ordenadores portátiles de Apple desexados por moitas persoas grazas ao seu deseño e á súa calidade. No posto número 6 está o Sling Media Slingbox A/V, un trebello que permite conectar a túa TV ao ordenador ou a calquera dispositivo móbil (con Windows Mobile) para así­ poder ver a TV dende o teu ordenador (por exemplo). No 7º lugar do ranking está a Nintendo DS Lite, a consola portátil que xa gañou a guerra desta xeración de consolas portátiles, a súa calidade, os seus xogos, as dúas pantallas e o modo de xogo (pantalla táctil) fan desta consola a mellor consola portátil. No 8º lugar está a Samsung LN-T4665F, unha TV LCD de 46 polgadas e 1080p HDTV, a mellor calidade nunha televisión LCD. No 9º posto está a Sony Handycam HDR-HC7, unha cámara de video (non profesional) de moita calidade que fai imposible gravar cousas malas. No derradeiro posto da lista están os V-Moda Bass Freq headphones, uns cascos de música para escoitar a un bo prezo e a unha mellor calidade a música do noso mp3.

Como vedes é moi discutible esta lista, pero por iso non deixa de ser unha lista con moi bos trebellos.

Se tes moitos dos trebellos que hai nesta lista és moi geek.

Visto en Código Cero.
Máis información: CNET – Top 10 must-haves.

• 0 Comentarios

Se hai algo do que nunca ouvira falar no mundo dos USB é dos aromas. Agora grazas a este novo trebello podemos cheirar aromas agradables cando estemos diante do ordenador.

O USB Fragance Oil Dirive é un trebello USB que ao conectalo ao ordenador emite unha fragancia. Con só botar unhas pingas do aroma no trebello comezará a emitilo, con 4 ou 5 veces que se bote arome xa chega para todo o dí­a. Ven con fragancia a rosas ou a herbaboa, aí­nda que supoñemos que servirá calquera fragancia que ti lle queras poñer.

Por 7 dólares, é dicir, 5 euros aproximadamente, este pode ser un bo trebello para as persoas que queiran cheirar ben cando traballan diante do ordenador. Eu penso que este trebello deberí­a ser obrigatorio para todas os participantes das partys, polo menos para disimular…

Visto en Gizmologia.
Máis información: USB Geek.

• 1 Comentario

Que é o que máis desexamos os que temos que estar moito tempo diante dun ordenador? Unha masaxe!

Agora, grazas ao USB Massage Ball de USB Geek temos este tema solucionado, ou polo menos en parte, xa que a calidade das masaxes non será tan boa coma as dunha persoa, pero algo é algo. Agradécese.

Este trebello conéctase por USB ao ordenador e comeza

a vibrar e grazas a súa forma permite facer masaxes nos pes, nas mans, nos xeonllos, no pescozo, nos codos, etc. Ten unha velocidade de vibración de 3.600 r.p.m., unha dimensión de 85×43 milí­metros e un cable de case dous metros. Custa 14 dólares e se o queremos mercar cun adaptador para o coche teremos que pagar 22 dólares.

Pode dárnos a vida!

Visto en Gizmologí­a.
Máis información: USBGeek.com.

• 2 Comentarios

Hai intres nos que asistimos a reunións, a congresos, ou simplemente queremos ir a algures cos nosos trebellos: que se a cámara dixital, que se o portátil; en ocasións con problemas no seu transporte. Logitech acaba de anunciar a futura saí­da ao mercado dunha mochila na que poderemos transportar os trebellos dun xeito cómodo. A mochila en cuestión vai saí­r á venda de dous xeitos: como mochila propiamente ou como carteira/maletí­n, non podendo transportar en ningún caso un portátil de máis de 15.4 pulgadas, como soe ser frecuente neste tipo de accesorios. Ademais, os dous modelos teñen bolsillos pra outros trebellos como o iPod, a cámara de foto, algúns cargadores, cables…e todo aquilo que necesariamente temos que transportar. Estes dous accesorios comezarán a venderse dende Logitech.com en Setembro e a partir de 99 dólares. Ví­a: Gizmologí­a

• 3 Comentarios

Dun tempo a

esta parte se veu falando

da seguridade nos sistemas informáticos, nos que xa só o contrasinal non era sinónimo de protección ao cen por cen, e se buscaron outros sistemas, como pode ser a lectura da pegada dos nosos dedos. Como soe pasar coa tecnoloxí­a, os prezos soen ir diminuindo a medida que as vendas aumentan, polo que, como neste caso, chegan a prezos asequí­beis pra o mercado, tendo este lector de pegadas dactilares ví­a USB por tan só 25 dólares. O Hyundai USB Fingerprint permite autentificar ao usuario en Windows,

a servizos web ou acceder a determinadas zoas. Mide 49×38,5×10 milí­metros, o que o fai tremendamente portábel cos portátis. Máis información: USBGeek Ví­a: Xataka

• 0 Comentarios

Achegando a nanotecnoloxí­a aos entornos onde non chega a rede eléctrica, unha solucion

para a iluminación nocturna fai uso de varias novidades interesantes. En primeiro lugar o material fotosensible: chamado Thin-Film CIGS (Copper Indium Gallium diSelenide), podese aplicar como “pelí­cula” sobre outras superficies, o que da lugar a paneles solares flexibles. Tamén o emprego de diodos luminosos de moi baixo consumo, o que lle permite manter ata 10 horas de luz despois de tan só 3 de carga. E cunha intensidade dabondo como para ler. Por último, o prezo: a compañia que o deseñou anunciao por só 50 dólares. Haberá que agardar moito a que o sector solar das nosas latitudes sexa unha realidade? Mentres tanto, o “Portable Light” superou as probas nas paisaxes extremas para as que foi deseñado, coma as terras dos Huichol de Mexico, unha poboación semi-nómada que percorre moi longas distancias ao longo do ano. A fonte: Discovery Channel

• 0 Comentarios