Como vos comentamos hai uns días en Trebellos, hoxe celebrouse unha rolda de prensa de Apple no Reino Unido. Nela anunciouse que o iPhone estará dispoñible alí a partir do 9 de novembro coa compañía de telefonía móbil O2. A versión de 8GB costará £269 (400 euros apróximadamente).

A versión do iPhone que se poñerá á venda é a mesma ca dos Estados Unidos. A compañía estivo actualizando a súa infraestrutura para que fose compatible con EDGE, o sistema de comunicación de datos que emprega o teléfono de Apple no continente americano. Segundo Steve Jobs, que o iPhone non dispoña de 3G é cuestión de aproximadamente un ano, xa que se se lle implementara esta tecnoloxía o teléfono vería disminuida a duración da batería e non tería unha capacidade adecuada para realizar chamadas e empregar tódalas súas prestacións.

O2 anunciou que o trebello tamén terá dispoñible o buzón de voz visual, ó igual que con AT&T. As tarifas coas que sairá á venda son de £35, 45 e 55 cun contrato de 18 meses coa compañía e a posibilidade de cargar ata 1400 páxinas web ao día. A compañía tamén firmou un acordo para que se poida acceder á rede mediante 7000 hotspots. A activación do iPhone farase coma nos Estados Unidos, por iTunes e escollendo o plan de prezos.

Non se sabe se cerá certo ou non, xa que Apple aínda non adiantou nada sobre o lanzamento do seu teléfono móbil no continente europeo, pero segundo un anuncio de T-Mobile, a compañía de telefonía móbil que probablemente se fixo cos dereitos de venda do iPhone en Alemaña, o trebello sairía á venda nese país o 12 de novembro con mellores características ca versión actual.

De seren certas as características publicadas, o iPhone tería unha capacidade de 16Gb (o dobre da versión actual) e o soporte de redes 3G/HSDPA e non EDGE. As tarifas, tamén dispoñibles no anuncio, serían bastante parecidas ás dispoñibles nos Estados Unidos, con diferenzas de 10, 20 e 30 euros respectivamente nos tres plans.

De ser isto certo, para cando teremos confirmación ou anuncio dunha suposta nova versión por parte dos de Cupertino?

Vía: CrunchGear

Dende Trebellos queremos informar da saída xa no catálogo de puntos dun teléfono-pda bastante interesante, o HTC Touch. Con Movistar xa se pode conseguir dende Agosto, mais a oferta de Vodafone é bastante boa pois é prácticamente pola metade de prezo (con Vodafone e 250 puntos xa a temos por 219 euros).

A HTC Touch destaca polo TouchFlo, unha tecnoloxía que permite empregar os dedos ou o lápiz na pantalla táctil, semellante ao que se fai no iPhone. O teléfono é GSM Tribanda con GPRS/EDGE (non ten 3G), cun sistema operativo Windows Mobile 6 Professional, a pantalla táctil xa dita de 2.8″, procesador OMAP a 201 Mhz, 64Mb de RAM, 128Mb de ROM e unha cámara cun sensor CMOS de 2 Megapíxeis.

Tamén ten Bluetooth estéreo 2.0,conectividade Wi-Fi e slot pra tarxetas de memoria microSD. A batería ten unha capacidade de 1100 mAh que nos da 200 horas en espera e 5 en conversa.

Ten unhas dimensións de 99,9×58x13,9 mm e un peso de 112 gramos. Sinceramente, non é o iPhone pero é unha alternativa a ter moi en conta, e máis ao prezo que ofrece Vodafone.

Máis información: Vodafone

Sony Ericsson ven de presentar o Sony Ericsson K770, con cámara de 3.2 MPx, autofocus e con tecnoloxía para evitar as fotos borrosas. Só pesa 95 gramos e mide 105 x 47 x 14.55 mm.

A pantalla é de prácticamente 2 pulgadas, con resolución de 240×320, con opcións ideais pra a fotografía, como menús pra editar as fotos directamente dende o teléfono ou melloralas se foron sacadas baixo pobres condicións de luz. Ademais, as fotos se poden compartir usando o cable USB ao noso PC ou mandándoas a unha impresora compatíbel con PictBridge.

Como era de agardar, ten soporte pra tarxetas Memory Stick Micro e trae de serie unha tarxeta de 256Mb, que ofrece espazo pra 200 fotos á máxima calidade. Ademais, o K770 ten reproductor de música integrado e conta con soporte pra enviar audio a través de Bluetooth a uns altofalantes por estéreo.

Navegando, o K770 ten navegador web integrado pra usar a conexión 3G, mais non trae EDGE, polo que non é un terminal especialmente destacado no aspecto das comunicacións, senón que moito máis enfocado no multimedia.

O K770 estará en Europa no derradeiro cuarto do 2007, a un prezo sen subvencionar de $300.

En Trebellos: Sony Ericsson Cybershot K850, cámara de fotos con teléfono

Hai novos rumores de que HTC vai sacar en breve seu novo modelo Kaiser en América. Segundo comentan, un dependente de AT&T comentou que están a piques de recibir estes novos terminais sobre finais de Agosto ou comezos de Setembro.

Segundo os rumores, este potente smartphone traerá unha pantalla de 2.8 pulgadas, un teclado slider QWERTY, WiFi, Bluetooth, AGPS, unha cámara de dous megapíxeles, e soporte pra tarxetas microSD, redes EDGE, GSM, GPRS, HSDPA e WCDMA.

Vía: Gizmología

Acaba de sair ao mercado a nova BlackBerry 8820.

Como principal novidade incorpora algo que se lle viña pedindo dende fai moito tempo a este tipo de trebellos: a conectividade Wi-Fi.

Ademais diso, esta Blackberry conta con GPS, ao igual que tódolos modelos da serie 8800 e tamén con BlackBerry Maps.

Polo demais ten as características ás que xa estamos acostumados: é un teléfono cuatribanda soportando GSM, GPRS e EDGE, así como o soporte para o “push-mail” tradicional das BlackBerry.

Tamén ten un lector de tarxetas incluído que lle permiten almacear ata 32GB de ficheiros almaceados en tarxetas microSD e microSDHC.

Máis información: Sitio oficial
Máis información: Revisión no blogue de Enrique Dans

Sony Ericsson ven de lanzar o que, na miña opinión comeza a ser xa unha cámara de fotos con funcionalidades de teléfono. ¿Por que o digo? Porque este trebello ven cunha cámara con autoenfoque de 5 megapíxeles e flash de xenon, o suficiente pra non ter que levar unha cámara dixital enriba.

Ademais, como soe ser frecuente nos teléfonos de esta marca, tamén trae as tecnoloxías BestPic (pra sacar múltiples disparos pulsando unha soa vez o botón) e PhotoFix (pra axustar sinxelamente os niveis de brillo dunha foto). Tamén temos a oportunidade de grabar vídeo con el, en resolución QVGA a 30 cuadros por segundo.

No referente a comunicacións, ten soporte cuatribanda GSM/EDGE/HSDPA, con reproducción de MP3, 40Mb de memoria interna e soporte pra tarxetas M2 e microSD.

O K850 será lanzado no último cuarto do 2007.

Máis información: Sony Ericsson

Motorola ven de apresentar novos teléfonos móbiles, entre eles o Motorola RIZR Z8 Media Monster, que está pensando para a reprodución de películas. As películas son o único que aínda non triunfa nos móbiles por iso as compañías cada vez se esforzan en facer pantallas máis grandes e de maior calidade para achegar o 7º arte aos móbiles.

Este novo móbil apresentado onte ten unha memoria de 80MB ampliable a 32Gb con tarxetas microSD, reproduce 30 frames por segundo, permitirá ver a televisión por móbil (en xuño saberemos en que paises), e terá o último en conexións: HSDPA.

As súas especificacións técnicas son:

• Bandas: HSDPA / GSM 900 / GSM 1800 / GSM 1900
• Dimensións: 109 x 50 x 15 mm - Peso: 112 g
• Pantalla a cor TFT 16 Millóns de cores (240 x 320 pixeles)
• Cámara de 2 MP (1600 x 1200 pixeles) con video (30fps) e flash
• Cámara secundaria VGA para videochamadas
• Reprodutor de música MP3, AAC e AAC+
• Xogos java, tonos mp3, fondos de pantalla
• GPRS, Wap, EDGE, 3G, Bluetooth, USB V2.0
• Sistema operativo Symbian OS 9.2
• Mensajes multimedia MMS, Email, SMS y EMS
• Memoria interna de 80 MB ampliable con microSD TransFlash

Visto en Gizmología.
Máis información | Apresentación de Motorola.

Hoxe en día moitas persoas precisan internet no seu portátil en calquera parte, para iso as compañías de telefonía móbil ofrecen un modem USB para que te poidas conectar. O malo disto é que se dentro dun tempo queres cambiar de compañía non podes ou terás que mercar o modem USB da nova compañía.

Grazas á Nova Media a cousa xa non ten porque ser así. O GlobeSurfer ICON 7.2 é un modem USB que permite conectarse ás redes GPRS, EDGE, UMTS e HSDPA. O que esta ben xa que estas redes de última xeración coma a HSDPA alcanzan as velocidades do ADSL. Pero o mellor de todo é que non esta ligado a ningunha compañía telefónica polo que podes usar calquera, e se decides cambiar de compañía o modem vaiche servir igual.

Este tipo de dispositivos permite que o teu ordenador se conecte ás redes que usan os telefonos móbiles e así poder estar conectado a Internet. Estes dispositivos traen unha ranura onde meter a nosa tarxeta SIM, a que temos no móbil, polo que o prezo de conexión dependerá da compañía e da tarifa que teñamos contratada.

É compatible con Windows e con Mac OS X. Unha boa solución para os que precisen internet en calquera parte do mundo e dispoña de tarxetas SIM de diferentes compañías, aínda que custe uns 300 euros.

Vía: Código Cero.
Máis información: Nova Media.

Como era de agardar, despois da confirmación da investigación pra sacar ao mercado un teléfono móbil de Google surxen de vez en cando novos rumores sobre o trebello en cuestión.

En Engadget comentan que o fabricante do teléfono, HTC, confirma os primeiros envíos a finais do 2007 e avanzan, ademais, que o teléfono será 3G e Edge, mais non vai traer GPS integrado, o que é unha mágoa ao ter o propio teléfono Google Maps, que sería a perfecta combinación cun GPS (ademais de outras aplicacións que traerá, como unha pra ler correo de Gmail).

Máis información: Ounae >> Engadget