14 Oct
Escrito por Il en Linux
O Pro Evolution Soccer é un dos mellores videoxogos de fútbol que hai hoxe en día no mercado, triunfa grazas ao seu fácil manexo e á súa boa simulación dun partido real. Como non podería ser doutra forma, a consola Wii de Nintendo contará coa nova versión deste xogo. O que vos queremos contar hoxe é a forma de manexar este xogo na Wii. í‰ moi novidosa. Por primeira vez poderemos controlar a todos os xogadores á vez en tempo real. Co joistick do nunchuk manexaremos ao xogador que leva o balón e co Wiimote poderemos seleccionar a outra xogador e mandalo a onde queramos para que, por exemplo, se desmarque. O limite das nosas xogadas só será a nosa imaxinación. Ao principio pode ser algo caótico e complexo pero para valorar se será un bo sistema ou non o que hai que facer é probalo. Namentres aqui vos deixo cun video explicación:
O videoxogo sairá para o resto de consolas este mes, pero para poder xogalo na Wii teremos que esperar ata o primeiro trimestre do ano que ven. Visto en VidaExtra.
Moitas veces vemos pola rede modificacións de consolas bastante impresionantes, mais penso que poucas como esta, unha SuperNintendo Nintendo Nes co seu control orixinal e unha pantalla, polo cal se pode transportar.
Pouco máis se sabe a imaxe, se ben está dando a volta por moitos blogues de gadgets (Engadget, Techdigest, WiiWii, Infendo…); en fin, xa pode ir tremendo o iPod Touch…
Curioso este trebello cando menos. Se ben aínda é un rumor a partir dunha entrevista, o cofundador da marca de accesorios pra consolas e videoxogos RedOctane suxeriu que o Guitar Hero III pra a Nintendo DS debería levar un control que fose unha guitarra pra facelo funcionar á perfección. Ademais, Charles Huang suxeriu que están vendo o xeito de meter periféricos pra a Nintendo DS, o que sería algo fantástico á vez que algo extraño, pois nós ao menos non nos maxinamos un control de guitarra tan pequeno, ¿sería cómodo? Vía: Engadget Máis información: RedOctane
17 Aug
Escrito por Juan Milleiro en Linux, Periféricos, Telefonía
Si eres dos que estás farto de cargar con tantos cargadores como trebellos uses, para ti foi creado este dispositivo definitivo. Tratase dun cargador que se adapta a calquer tipo de dispositivo como mobiles, mp3´s, GPS, consolas, PDA´s, etc… Idapt e un cargador universal que nos permitirá non ter que cargar co cargador específico de cada trebello. Funciona cun método de clavixas intercambiables por marcas, e permite cargar ata dous dispositivos a un tempo na súa base. Pesa pouco mais de 200 grs, sen dubida unha opción interesante para cargar menos a nosa equipaxe.
Vendeno na súa web por un prezo de algo menos de 50 €, con gastos de envío incluidos e cinco clavixas de regalo.
Mais información : Idapt
Estes días se di na rede que a recente rebaixa de prezo da Xbox 360 se debe a que se queren desfacer das unidades existentes pra así presentar unhas novas consolas, con mellores prestacións. Se facemos caso ao rumor, a renovación é nas versións Premium e Core e incluirían o seguinte:
Todas istas novidades sairían en Setembro
como máis tardar, en breve xa, e segundo din, a renovación só sería interior, no senso de que ao mercar esta hipotética nova Xbox 360, algo no exterior nos indique de que estamos mercando a nova versión, pois por fora sería prácticamente idéntica. Lembrar tamén que a rebaixa de prezo da Xbox 360 foi só en EEUU, e aínda non en Europa, polo que esta nova pode que tampouco nos afecte moito, agardamos que aquí suceda tamén. Vía: VidaExtra
09 Aug
Escrito por Il en Apple, Linux, Periféricos, Son, Telefonía, Vídeo
O portal de novas tecnoloxías CNET ven de publicar unha listaxe cos 10 trebellos que deberias ter.
O iPod non podía faltar nesta lista. Se cadra o iPod é o trebello por antonomasia, quen non coñece o que é un iPod? Seguro que a xente que non sabe nada de ordenadores, de mp3 nin de nada de novas tecnoloxías algunha vez oiu falar do iPod. Desta vez o iPod Nano chegou ao terceiro posto e Apple consigue meter 2 trebellos seus nos 3 primeiros lugares, se cadra porque son bos ou se cadra porque teñen o mellor marketing.
Estos son os 3 primeiros da lista pero hai máis.
No 4º lugar está o SanDisk Sansa Connect, outro mp3 con moitas funcións: Wi-Fi, radio web stream, 4GB internos e ranura para unha tarxeta microSD, etc. No 5º están os MacBook, os ordenadores portátiles de Apple desexados por moitas persoas grazas ao seu deseño e á súa calidade. No posto número 6 está o Sling Media Slingbox A/V, un trebello que permite conectar a túa TV ao ordenador ou a calquera dispositivo móbil (con Windows Mobile) para así poder ver a TV dende o teu ordenador (por exemplo). No 7º lugar do ranking está a Nintendo DS Lite, a consola portátil que xa gañou a guerra desta xeración de consolas portátiles, a súa calidade, os seus xogos, as dúas pantallas e o modo de xogo (pantalla táctil) fan desta consola a mellor consola portátil. No 8º lugar está a Samsung LN-T4665F, unha TV LCD de 46 polgadas e 1080p HDTV, a mellor calidade nunha televisión LCD. No 9º posto está a Sony Handycam HDR-HC7, unha cámara de video (non profesional) de moita calidade que fai imposible gravar cousas malas. No derradeiro posto da lista están os V-Moda Bass Freq headphones, uns cascos de música para escoitar a un bo prezo e a unha mellor calidade a música do noso mp3.
Como vedes é moi discutible esta lista, pero por iso non deixa de ser unha lista con moi bos trebellos.
Se tes moitos dos trebellos que hai nesta lista és moi geek.
Visto en Código Cero.
Máis información: CNET – Top 10 must-haves.
23 Jun
Escrito por Il en Apple, Linux, Rumores, Telefonía
Cada día chegan novos rumores sobre o iPhone (do que xa falamos moito en Trebellos.org) pero este é especial, xa que lle abre ao iPhone un novo mercado, os videoxogos.
Seica (aínda son rumores) Nintendo e Apple pensan sacar videoxogos para o iPhone. O que convertiría ao iPhone nun posible competidor da PSP e Nintendo DS, pero como o que fabricaría os xogos sería a compañía Nintendo supoñemos que estes non serán comparables á calidade dos videoxogos das consolas portátiles por iso de non botarse pedras contra o seu propio tellado. pero iso si, os xogos para o iPhone supostamente serán exclusivos.
Os rumores que relacionan a Apple e a Nintendo non son nada novos, pero pode que coa chegada do iPhone convírtanse en realidade. Quén sabe?
Visto en Meristation.
Cada vez máis os móbiles estánse a convertir en consolas portátiles xa que o número de videoxogos para móbiles é cada vez maior. Agora parece que as consolas portátiles estánse a achegar aos móbiles.
Grazas a DSiP, os posuidores ou futuros posuidores dunha Nintendo DS, a consola portátil que triunfa no mercado, poderán disfrutar das vantaxes que a VoIP brinda podendo chamar a calquera teléfono se estamos conectados a unha rede wifi. Ademáis a Nintendo DS xa conta con micrófono, altavoces e conexión wifi polo que non fai falla ningún trebello adicional, tan só o software de VoIP que se preve que será gratuito.
O programa usará o protocolo SIP que é o máis usado nas redes abertas de VoIP, polo que para usalo teremos que ter unha conta SIP que nola dará o noso ISP. A primeira versión beta do programa sairá o próximo mes de xuño e aínda non se saben os prezos das chamadas, pero prevese que serán baratas (como xa fan os outros programas VoIP existentes) se chamas a un número nacional e gratuitas se chamas a outro programa de VoIP.
Visto en Xataka.
Máis información: Blog oficial DSiP.
O Origami, o Ultra-Mobile PC, o dispositivo que cambiaría para sempre o mundo dos trebellos portátiles. O ultra-gadget. O… ¿que non sabedes do que falo? Pois hai pouco máis dun ano era un dos dispositivos “estrela”. Unha mistura entre PDA e portátil con pantalla táctil (Tablet PC), funcionando coa mesma versión de Windows que calquera PC (aínda que tamén houbo versións linuxeiras) , e cunhas especificacións propias dun equipo de escritorio de gama baixa. Pretendía converterse na navalla suiza dos gadgets, e Microsoft, Samsung e Intel (entre outras compañías), lanzáronse de cabeza na súa promoción e desenvolvemento. Continúa lendo »
A compañía SplitFish GameWare lanzará un novo periférico para a PlayStation 3, o FragFX, un rato para eses xogos de pistolas ou estratexia onde un rato de ordenador é mellor que o típico mando de PSX.
O FragFX consta dun rato que levará os 4 botóns típicos e irá sobre unha plataforma para poder xogar tumbado. O periférico tamén consta dun control para a man esquerda que é semellante ao Nunchuck de Wii, este control levará o pad analóxico e o díxital e tamén terá o sensor de movimento do SIXAXIS.
Será lanzado nos E.U.A. e en Europa a un prezo de $59 a versión con cable e $69 a versión sen cable. Co tempo veremos se é un perférico imprescindible para a PS3, ou se en cambio as consolas non son o futuro dos ratos.
Máis información: Nova en Meristation.
Máis información: Web oficial de SplitFish GameWare.