Unha das pegas que lle poñen algúns usuarios ó iPod é que non é capaz de reproducir diferentes formatos de video. Para o ZEN, o novo reprodutor multimedia de Creative, isto non é un problema e mesmo pode ser unha das súas grandes virtudes. Na súa pantalla de TFT de 2,5 polgadas e resolución 320×240 pixeles podemos ver videos en formato DivX, XviD, WMV ou MPEG. Ademáis, serve como perfecto visualizador de fotografías, non só polo lector de tarxetas SD que integra, se non pola variedade de formatos que o trebello é capaz de ler: JPEG, PNG, GIF e BMP.
Ademáis de reproducir video e
fotografías, como non, tamén reproduce ficheiros de audio. Non podería faltar a compatibilidade para arquivos MP3, WMA e WAV, pero ademáis tamén é capaz de reproducir arquivos de iTunes Plus (AAC sen DRM). Por se isto fose pouco, o ZEN tamén ten radio FM e un micrófono integrado.
Estará dispoñible en tres diferentes capacidades: 4GB, 8GB e 16GB.
Máis información: Creative
Toshiba ven de presentar o Toshiba Gigabeat T401, un Centro Multimedia Portable pero que ademáis ten conexión sen fíos, pra poder así compartir arquivos. Ten bastante boa pinta de cara ao mercado multimedia, mais teremos que agardar pra ver cómo funciona exactamente súa capacidade sen fíos, e se non está limitada dalgún xeito.
O reproductor ten unha pantalla de 2.4 pulgadas e resolución de 320×240 píxeles, con soporte pra reproducir vídeo WMV, MP3 e outros ficheiros como WMA nos seus 4GB de memoria flash e unha batería que segundo a marca dura 16 horas
de reproducción de audio ou 5 de vídeo.
Este pequeno reproductor, de só 9.9 milímetros de delgadez sairá no país nipón en Outubro a un prezo de saída de 250 dólares aproximadamente, e de chegar a Europa o faría sobre o Nadal ou a comezos do vindeiro ano.
Máis información: Toshiba
Andrés Milleiro nos comentaba que os discos duros de 2’5 polgadas, os máis pequenos, só chegaban a ter unha capacidade de 120 Gb aproximadamente. Iso era antes. Este mes sairon novos discos duros (ou discos ríxidos, como prefirades) de 2’5 polgadas e cunha capacidade de 300 Gb.
Este tipo de discos duros como xa diciamos en Trebellos.org teñen o tamaño físico da palma dunha man pero o seu tamaño virtual era tan só de 120 ou 200 Gb aproximadamente. O que os convertía na mellor opción á hora de mercar un disco duro para levar dun lugar a outro, pero non na mellor opción á hora de mercar un disco duro portátil para almacenar ficheiros. Este tipo de discos duros so precisan dunha conexión USB, xa que dende o cable USB transfiren tanto datos coma electricidade.
Por 170 € temos o disco duro de Fujitsu, unha boa marca que ademáis de ofrecernos 300 Gb nos ofrece tamén unha velocidade de 4.200 rpm e un sistema anti-golpes. í‰ o da primeira imaxe.
Os dous díscos duros da última imaxe son os da compañía Buffalo (de Xapón) que se venden por 230 €. Algo máis caros que os de Fujitsu pero que teñen a mesa funcionalidade e capacidade.
Os discos duros de 2’5 polgadas son máis pequenos que os normais (de 3’5 polgadas), agora teñen a mesma capacidade virtual o que, nun principio, fai pensar que son mellores os de 2’5 pero a gran diferenza entre os dous tipos de discos duros é o seu prezo, os de 2’5 son moito máis caros que os de 3’5, polo que á hora de mercar un disco duro hai que ter moi claro para que o queremos e que caracteristicas (tamaño?) precisamos que teña.
Visto en Engadget e en Akiahabara News.
Acaba de sair ao mercado a nova BlackBerry 8820. Como principal novidade incorpora algo que se lle viña pedindo dende fai moito tempo a este tipo de trebellos: a conectividade Wi-Fi. Ademais diso, esta Blackberry conta con GPS, ao igual que tódolos modelos da serie 8800 e tamén con BlackBerry Maps. Polo demais ten as características ás que xa estamos acostumados: é un teléfono cuatribanda soportando GSM,
GPRS e EDGE, así como o soporte para o “push-mail” tradicional das BlackBerry. Tamén ten un lector de tarxetas incluído que lle permiten almacear ata 32GB de ficheiros almaceados en tarxetas microSD e microSDHC.
Máis información: Sitio oficial Máis información: Revisión no blogue de Enrique Dans
03 Jun
Escrito por Il en Linux, Periféricos, Son, Vídeo
O TurboLinux Wizpy é unha moi boa opción á hora de mercar un reprodutor multimedia, vamos, o que se coñece como mp4. Este trebello é un mp4 normal salvo que leva no seu interior unha distribución GNU/Linux, que o fai especial.
Como mp4 reproduce case todo: MP3, OGG (cousa boa xa que moitos reprodutores non o fan), WMA, AAC, XviD, MPEG4 e JPG. Amosa texto, é dicir, podes levar e-books e tamén reproduce radio FM. Co seu micrófono grava a voz en formato MP3. Ten unha pantalla LCD de 1’7 pulgadas e unha memoria interna de 4GB ou 2GB dependendo do modelo, pero estase a traballar nun modelo con ranura para tarxetas SD. A pega é que 1’5GB están destinadas para a distribución GNU/Linux.
O que fai especial a este mp4 é que podes crear programas para él. A empresa que o fabrica lanzou un kit de desarrollo (SDK), é dicir, programa para facer programas de xeito sinxelo para o trebello. Así calquera que se descargue o SDK poderá crear programas que funcionen no seu mp4, podendo ter o teu programa á medida.
Outro tema interesante deste reprodutor multimedia é que, como xa dixen, ten unha distribución GNU/Linux no seu interior. Isto que quere dicir?
Pois que se enchufas o mp4 a un ordenador (con arranque USB) poderás ter o teu propio sistema operativo, cos teus ficheiros, os teus programas favoritos e coa configuración do teu escritorio xa que estarás traballar dende a distribución GNU/Linux do mp4.
Un mp4 con moitas posibilidades para fedellar nel. Xa está a venda en xapón e sairá este mes nos paises anglófonos por 280 dólares aproximadamente. Para que saia por estes lares teremos que esperar a finais deste ano ou principios do que ven.
Visto en Xataka.
Máis información: Páxina do produto.
29 May
Escrito por Il en Fotografía, Periféricos
O Epson P-3000 é un máis Reprodutor de Medios Portátil (PMP polas súas siglas en inglés) especializado en fotografía. Os PMP en xeral son excelentes compañeiros dunha cámara dixital cando vas de viaxe, xa que ademáis de servir como disco ríxido adicional tamén permite ver as fotografías e videos con maior calidade. Este trebello en concreto ten unha capacidade de 40 Gb, unha pantalla LCD
de 4 pulgadas (e unha resolución de 640í—480 pixeles) e unha autonomía de 4 horas seguidas reproducindo vídeo. Conta tamén con ranuras para ler varios modelos de tarxetas de memoria (SD, SDHC, Compact Flash, etc.) e así poder
transferir os ficheiros da cámara ao PMP.
Aínda que permite reproducir video e son (reproducindo moitos formatos), este PMP está especializado en imaxe, xa que perimte ler os formatos .JPG e .RAW e funciona excelentemente coma almacenamento adicional. O seu prezo ronda os 400 dólares. Visto en Ounae. Máis información: Epson.
No mundo dos ordenadores é importantísimo ter copias de seguridade dos teus datos, sobre todo se traballas con ordenadores xa sexa programando ou escribindo cun editor de texto. Non é raro que por unha causa ou outra teñas que formatear o sistema operativo e con el tes que borrar todos os teus datos importantes. Hai unha solución para isto: Facer copias de seguridade (back-ups) noutro entorno que non sexa o teu ordenador. Pero para iso hai que mercar moitos CDs (ou DVDs) para gravar os datos, ou hai que adicarlle un certo tempo cada X tempo para gravar. Polo que pode que haxa veces que te olvides de facer a copia de seguridade ou mesmo que non teñas tempo de facela. Agora grazas a Rebit, facer copias de seguridade é moi doado. Simplemente tes que enchufar o trebello ao ordenador por USB e xa está. Incluso podes programar para que o back-up se faga cada X tempo sen que ti teñas que intervir para nada. Podes copiar todo o sistema operativo ou só os ficheiros e cartafoles que lle indiques. O malo é que só funciona en Windows e só podes facer copia de seguridade dos ficheiros que teñas en C:. O de 60 Xb custa 169 €, o de 80 Xb custa 189 € e o de 120 Xb custa 219 €. Vía: Gizmodo ES. Máis información: Rebit.
Xa existen moitos marcos dixitais de diferentes marcas e con varias funcións (son, conexión a internet…) pero a particularidade deste trebello é o seu tamaño. Cando a maioria dos marcos dixitais rondan os 7, 8, 10 pulgadas, este marco dixitial ten 15 pulgadas.
Un marco dixital ten a utilidade dun marco de fotos normal e corrente pero as fotos, evidentemente, son dixitais coa posibilidade de que cada X tempo cambie a fotografía ou mesmo reproducir video (con ou sen son). Este trebello, o PAN-150 de Pandigital, concretamente ten un tamaño de 15 pulgadas para mostrar fotografías con resolución de 1.024í—768, ten unha memoria interna 256 MB que podemos ampliar grazas ao porto USB e o lector de tarxetas de memoria (SD, MMC, etc.). Pode reproducir video e tamén reproducir ficheiros MP3 polo que podemos ter un fio musical mentres se mostran as nosas fotografías.
Custo 300 dólares (é barato para este tipo de trebellos) e é ideal para esas fotos grandes da comunión ou da voda ou simplemente para fotografías de paisaxes e atardeceres preciosos.
Máis información: PanDigital
