Como xa se falou en trebellos polo mes de abril, Blusens estaba a traballar nun gps revolucionario no que as imaxes en 3d son reais, sacadas dende un avión por toda europa. As novidades son a saída do video que comentabamos xa neste post e a información de que ven cun disco de 40gbs
integrado. Prevese a súa saída á venda antes do nadal. Para máis información: Blusens
02 Jun
Escrito por Juan Milleiro en Periféricos, Son
Blusens ven de presentar o seu novo trebello, un reproductor de video con pantalla panorámica. O Blusens P27 e un mp4 ultracompacto de tan só 51 gramos de peso e capaz de reproducir .avi e MPEG na súa pantalla de 2,4″ e ten microfono e altofalante ademais de sintonizador FM como extras. Traerá 1 Gb de memoria interna e poderase ampliar con tarxetas miniSD.
O reproductor porase á venda a un prezo de 89€.
Visto en Codigo Cero
Vai pouco falamos do novo e revolucionario GPS en 3 dimensións que a empresa galega Blusens vai sacar ao mercado. Como é costume en Blusens este trebello será o primeiro nas súas características a nivel mundial. Xa avanzamos no anterior post que este trebello sairá a finais de ano e que terá imaxes en 3D, agora dende Trebellos sabemos, grazas a unha charla que deu un responsable de Blusens na USC, que efectivamente sairá a finais de ano e que a encargada de facer o software é unha empresa finlandesa. Pero, o realmente novo e revolucionario é que as imaxes en 3D son imaxes reais, sacadas cun avión. Parece que a mesma empresa finlandesa é a encargada de fotografar toda a superficie europea dende un ángulo oblicuo para que os edificios teñan apariencia 3D. Na charla mostraron un video demostración do trebello, que eu mesmo puiden ver, e no que realmente podía apreciarse que as imaxes que saían eran fotos reais das rúas, con edificios reais e superposto o nome das rúas, a ruta que estamos a seguir, etc. Parece que esos erros nos mapas dos GPS que cando te din que xires á esquerda, pero na esquerda hai un edificio xa remataron.
16 Apr
Escrito por Juan Milleiro en GPS, Novas, Periféricos
Boas novas pra Blusens e pra o sector tecnolóxico galego. A compañía vóltanos sorprender e, a falta de comunicación oficial
no seu sitio web, sae na prensa que Blusens vai sacar o primeiro GPS en tres dimensións feito no mundo, algo que de veras, non fai máis que asomarme polo traballo desta empresa. A novidade das tres dimensións no GPS é que ao velo, o conductor poderá ver a ruta que fai como se se tratase de vídeo, segundo palabras de José Ramón García, presidente e conselleiro delegado de Blusens. Segundo a empresa o GPS estará listo a finais de Setembro ou principios de Outubro e sairá ao mercado en Decembro, momento ideal co Nadal ao carón. Agardaremos pois impacentemente as novas deste producto da factoría galega. Máis información: Nova na prensa
Xa está no mercado o novo reproductor portatil de Blusens, o P-16. O trebello esconde en menos de 50 gramos as funcionalidades típicas destes dispositivos coma a reproducción de audio, video, fotos e demais contidos na súa pantalla de 1,8″. Ademais, ven cun altofalante para poder escoitalo sen auriculares. As capacidades anunciadas serán de 1, 2 e 4 Gb ademais de contar cunha ranura para unha tarxeta SD. A navegación polos menús e moi intuitiva ó realizarse mediante iconos. Unha das carácterísticas mais novidosas deste reprodutor é a existencia dunha entrada de liña que permite grabar dunha fonte de audio externa, sen perda de calidade. Os creadores do trebello inclúen adaptador de corrente, batería de litio, auriculares estéreo, fío USB, manual de usuario e software conversor de MPEG a un prezo moi axustado, 59 euros. Visto en Codigo Cero
Mais información: Páxina do
produto.
O afortunado gañador dun trebello gravador de DVD que foi sorteado en Xuventude Galiza Net, comenta no seu blogue as primeiras impresións con el. O DVD-5111 e un gravador de DVD que conta con sintonizador de televisión e disco duro interno de 80 GB. Esta combinación de hardware permitelle moitas posibilidades coma a gravación directa da tele, a emisión en diferido, ou o volcado de datos dende o disco duro ata un DVD. Javi conta no seu blogue as funcions e os menus que trae ademais
da calidade de son e video que oferta. O DVD-5111 pode gravar ata 76 minutos nun DVD cunha calidade
aceptable e sen tirons. Según as miñas contas, no disco duro deberían coller unhas 20 horas de gravación de televisión con esa calidade. O trebello ten boa pinta a un precio realmente axustado, 239 €, o que demostra que as empresas dende Galiza poden competir no eido da electronica de consumo con calquera multinacional extranxeira. Máis información | Páxina do produto Máis información | Comentario en “Diario de un noctambulo”
Dun tempo a esta parte recoñezo que miro os productos de Blusens con outros ollos, de veras. Pasar polo seu catálogo é ver ao noso alcance
e fabricados
por unha empresa galega un feixe de productos que fai un par de anos non os maxinaríamos. Neste caso quero falar concretamente deste
Blusens G40, un incríbel reproductor PMP (reproduce audio e vídeo pero con funcionalidades Wi-Fi e Bluetooth), ademais de incluir unha cámara de 1,3 megapíxeles, o que cicais baixe algo súa nota global. Destacar tamén que posúe lector de tarxetas SD/MMC e está dispoñíbel en 1, 2 e 4 XB, ampliábeis polas tarxetas antes mencionadas. Máis informacion: Páxina do producto
Segundo nos contan en Vieiros, A Mesa solicitóulle á Consellería de Industria que asine un acordo cos principais fabricantes de teléfonos móbiles pra incluir o galego no seu firmware, nos seus menús. De facelo, non sería o primeiro ente autonómico en conseguilo, pois todo isto ven a raíz de que a Generalitat
de Catalunya asinara un convenio cos principais fabricantes pra que os menús dos móbiles estén en catalán antes do 2009. Agardamos dende Trebellos que a Consellería faga caso a esta petición e dentro de pouco non teñamos que estar pedindo pra ter menús de trebellos en galego, como xa fan empresas do sector, caso de Blusens. Máis información: Vieiros Máis informacion: A Mesa