Maxina ver a Luar (ben, Gayoso ou un partido de fútbol, quen sabe) namentras estás nun auga burbulleante. Certamente tremendo, e iso é o que nos ofrece CatalinaSpas.
Certamente, non é algo do que falemos frecuentemente en Trebellos, mais non puiden resistirme a facelo. Dispón de 4 asentos e unha infinidade de chorros de auga para compartir o partido ou o que queiras nese lugar.
Por certo, non din nada do prezo. Mellor.
Máis información: BornRich
LG ven de lanzar un novo modelo na súa gama de ordenadores portátis, concretamente o XNOTE TX, con 12 pulgadas. Destaca ademáis por ser un dos primeiros portátis cun disco duro híbrido (HHD) de 120Gb., e soportar procesadores Core 2 Duo de 2GHz, 1Gb de memoria, webcam integrada de 1.3 Megapíxeis e gravadora de DVD. Este ordenador sae á venda por un prezo de 1400€. Vía: Engadget
O iPhone aínda non desembarcou no continente europeo, pero cando o faga vai ter uns moi duros competidores. Outro dos móbiles que vén pisando forte para desbancar ó famosísimo trebello de Apple é o LG KU990, un móbil deseñado por LG que mellora en prestacións ó LG PRADA, dispoñible xa nalgúns países de Europa e Asia.
O novo modelo de LG ten unha pantalla panorámica táctil de 3 polgadas, cámara de 5 megapíxeles con auto focus e a posibilidade de gravación de video a 120 fps e soporte HSDPA.
O trebello estará dispoñible no Reino Unido no outono con Vodafone.
Vía: Engadget
A marca finesa que tradicionalmente vende teléfonos móbiles, de vez en cando nos sorprende con algunha incursión en outros eidos como este, o dos navegadores GPS. O Nokia 500, presentado hoxe, permite ademais da navegación por satélite, reproducir arquivos multimedia como MP3 e, aproveitando a súa conectividade Bluetooth, usalo de manos libres co teléfono. Ademáis, destaca a súa gran pantalla de 4,3 pulgadas pra non perder detalle de onde imos. En Europa agardamos ter este navegador no último cuarto do 2007 a un prezo de 300 euros. En Trebellos: Nokia aposta pola tecnoloxía GPS Vía: Engadget
Os rapaces de Asus veñen de presentar o F9S-2P006C, un modelo de ordenador ultraportátil que pode dar que falar, pois está bastante ben. Moitas veces ao reducir o tamaño e o monitor se reducen tamén as características e por tanto a potencia do ordenador, mais non neste caso, pois nos ofrece un tremendo portátil cunhas prestacións que fan del un auténtico todoterreo. Algunhas das
súas características máis destacadas son:
2 Duo T7300 de 2Ghz.
Este ordenador xa está á venda por un prezo de 1199 euros, polo tanto cunha boa relación calidade/prezo. Vía: Gizmología
14 Aug
Escrito por Juan Milleiro en Ordenadores
Teño que recoñecer que son un apaixoado dos ordenadores portátis pequenos como este, pois sempre ofrecen unha autonomía fantástica aló onde estemos. HP Compaq veñen de presentar o Presario B1200, de 12.1 pulgadas e unha autonomía de 8 horas, algo realmente fantástico se finalmente é así. O PC ven cos novos procesadores Centrino Duo pra portátis, con configuracións de ata 2GB de RAM, unha gráfica Intel GMA X3100 e con Windows Vista Business preinstalado. Destacar tamén o disco duro de 160Gb, Bluetooth, un prezo de prácticamente 2.000 dólares e non, non había fotos sen a moza. Vía: Xataka Máis información: Páxina oficial
O Origami, o Ultra-Mobile PC, o dispositivo que cambiaría para sempre o mundo dos trebellos portátiles. O ultra-gadget. O… ¿que non sabedes do que falo? Pois hai pouco máis dun ano era un dos dispositivos “estrela”. Unha mistura entre PDA e portátil con pantalla táctil (Tablet PC), funcionando coa mesma versión de Windows que calquera PC (aínda que tamén houbo versións linuxeiras) , e cunhas especificacións propias dun equipo de escritorio de gama baixa. Pretendía converterse na navalla suiza dos gadgets, e Microsoft, Samsung e Intel (entre outras compañías), lanzáronse de cabeza na súa promoción e desenvolvemento. Continúa lendo »
Xa existen moitos marcos dixitais de diferentes marcas e con varias funcións (son, conexión a internet…) pero a particularidade deste trebello é o seu tamaño. Cando a maioria dos marcos dixitais rondan os 7, 8, 10 pulgadas, este marco dixitial ten 15 pulgadas.
Un marco dixital ten a utilidade dun marco de fotos normal e corrente pero as fotos, evidentemente, son dixitais coa posibilidade de que cada X tempo cambie a fotografía ou mesmo reproducir video (con ou sen son). Este trebello, o PAN-150 de Pandigital, concretamente ten un tamaño de 15 pulgadas para mostrar fotografías con resolución de 1.024í—768, ten unha memoria interna 256 MB que podemos ampliar grazas ao porto USB e o lector de tarxetas de memoria (SD, MMC, etc.). Pode reproducir video e tamén reproducir ficheiros MP3 polo que podemos ter un fio musical mentres se mostran as nosas fotografías.
Custo 300 dólares (é barato para este tipo de trebellos) e é ideal para esas fotos grandes da comunión ou da voda ou simplemente para fotografías de paisaxes e atardeceres preciosos.
Máis información: PanDigital
Identity Cars é unha empresa radicada en Carballo que está a desenvolver un prototipo de deportivo de luxo, ao alcance só daqueles que posuan unha conta bancaria con cinco ceros. O Identity l1 e o prototipo da firma, presentado no salón do automóbil de Xenebra, que conta cun motor de máis de 500 cabalos e detalles exclusivos. Pero a idea desta firma vai moito máis alá da producción de automóbiles, xa que os coches que saian da factoría estarán totalmente personalizados ao gusto do cliente. Identity pensa vender 300 vehículos do seu primeiro modelo e todos distintos feitos á medida dos seus compradores. O proxecto da compañía Identity leva anos en marcha e máis de dez millóns de euros investidos na creación deste deportivo de luxo que se está a retrasar por que os primeiros prototipos non contaban coa calidade esixida pola empresa. O primeiro modelo cóntase que saia dentro dun ano e medio. De seguro que non veremos moitos
polas rúas, pero dende trebellos desexámoslle o mellor a esta compañía galega. Máis información: Identity Cars (en construcción)
E ao fin chegou o tan rumoreado ultraportábel de Apple, o novo Macbook Air, que resulta ser o portátil máis fino do mundo. As características:
Páxina Oficial | Macbook Air