Hoxe en Trebellos : Tódalas novas dos trebellos máis interesantes do mercado

Evento Apple o 5 de setembro

The beat goes on

Apple vén de anunciar un novo evento na súa sede central de San Francisco o próximo mércores para a presentación de novos produtos relacionados coa familia iPod, se atendemos á imaxe que acompaña esta entrada.

A invitación ó evento foi enviada durante esta semana a diversas webs especializadas en tecnoloxía dos Estados Unidos, con certa rapidez motivada pola filtración de imaxes dos novos iPod nano á rede que Apple mandou retirar e das que vos informamos hai uns días en Trebellos.

Segundo diversas webs, no evento tamén podería anunciarse un acordo entre Apple e The Beatles para a distribución na Apple Store da súa discografía, xa que a frase que acompaña a invitación “The beat goes on” foi a que empregaron os músicos na súa carta de despedida. Tamén se prevé a presentación da venda de películas e series no continente europeo, dispoñible xa dende comezos desta semana no Reino Unido.

Vía: AppleWeblog


Philips Power2Go, batería onde precises

Power2Go

Philips segue hoxe presentando cousas e entre elas queremos destacar este útil trebello. O que aparentemente é un cargador por USB ten incorporada unha batería, polo que podemos seguir tendo alimentación aínda que estemos lonxe do enchufe.

Segundo a marca, cunha soa carga poderemos ter ata 60 horas de batería pra os nosos trebellos. O que vedes na imxe é o SCE7640, o maís alto desta categoría, que nos proporciona enerxía de ata 20V. Ademais é compatíbel con ordenadores portátis e ven como podedes ver cun indicador en LED pra o estado da batería.

Sairá en Europa a finais de ano, no intre ideal pra que as panxoliñas non deixen de soar e soar. Preparádevos.

Máis información: Nota de prensa


Philips WAC3500D, música sen fíos

Philips WAC3500D

O novo Centro de Audio Sen Fíos Philips WAC3500D ten moi pinta. O que presentamos ten o seguinte:

  • Disco duro interna de 80Gb.
  • Conectividade pra iPod
  • Porto USB pra conectar outro trebello con audio.
  • Capacidade pra gardar e reproducir MP3 e WMA que estén nun PC.
  • Capacidade de pasar o CD que metamos a MP3 con diferentes bitrates.
  • A música gardada pode escoitarse ata en cinco estacións sen fíos que estén pola casa.

O WAC3500D xa está á venda en Europa ao redor de 500 dólares.

Máis información: Philips


TomTom GO 920, con mando a distancia

TomTom GO 920

A recoñecida marca de GPS TomTom ven de presentar un novo navegador, o GO 920, que destaca por innovacións como un mando a distancia, mais deixade que comentemos pouco a poco o que pode convertirse nunha referencia pra o futuro deste tipo de trebellos.

O TomTom GO 920 trae unha memoria interna de 4GB, onde veñen preinstalados mapas completos de Europa, USA e Canadá. Ademais, trae incorporada a Tecnoloxía Avanzada de Posicionamiento mediante a cal, cando unha sinal GPS non esté dispoñíbel se calcule a posición mediante sensores de movimiento e gravidade, todo un avance.

Como comentaba, o TomTom GO 920 trae un mando a distancia Bluetooth pra que o conductor ou outro pasaxeiro poida manexar o dispositivo con total seguridade sen ter que tocar a pantalla. Tamén ven con outras características xa incluídas en anteriores modelos, como o transmisor FM integrado pra escoitar música e instruccións de navegación polos altofalantes do coche.

Este modelo de GPS sairá ao mercado no Outono do 2007.

Máis información: TomTom


Sanyo Xacti DMX-HD1000

Sanyo ven de presentar este modelo de Xacti, que destaca por ser a cámara máis pequena do mundo que pode grabar en 1080p, unha gran aposta.

Como dicía, graba en 1080p, con resolución de 1920×1080 grazas ao códec HD/MPEG 4 AVC. Ademáis, saca fotos de 8 megapíxeis e con zoom óptico de 10x, unha pantalla LCD de 2.7 pulgadas, saída HDMI e a posibilidade de grabar directamente en tarxetas SD ou SDHC.

Sairá en Xapón este Setembro por perto de 1000 dólares. Como é de supor, en Europa sairá nuns meses, a un prezo algo inferior. Seguiremos informando do que pode ser un dos trebellos do ano.

Máis información: Sanyo


Nokia N81, presentado oficialmente

Nokia N81

Finalmente, no evento de Nokia de onte tamén se presentou este N81, que ten unha pinta fantástica, pois é un concepto algo distinto no que coñecemos na telefonía.

Sairán dúas versións do teléfono: con memoria de 8GB interna e outra sen ela, pero que admitirá MicroSD. No resto son iguais: cuatribanda, cámara de 2 megapíxeis e con saída de auriculares estándar pra usalo de reproductor ou radio FM.

O N81, xunto co N95 do que falamos, será un dos primeiros Nokia compatíbel coa nova Nokia Music Store e o novo servizo N-Gage. O modelo de 8GB sairá por 430 euros, e o outro cunha MicroSD de 2GB costará 360 euros. Sairán a finais do 2007.

Máis información: Nokia


Nokia N95 de 8GB, finalmente presentado

Nokia N95 8Gb

Os rumores dos que falabamos en Trebellos se confirmaron. Nokia ven de presentar o N95 con 8GB de capacidade, en negro. O resto segue igual que o N95: pantalla de 2.8 pulgadas, cámara de 5 megapíxeis, WiFi, GPS e capacidade pra tarxetas MicroSD.

Sairá en Europa en Outubro, a un prezo de 560 euros.

En Trebellos: Rumor dun Nokia N95 con 8Gb
En Trebellos: Seguen os rumores dun Nokia N95 de 8Gb


Rumores dun novo Nokia N81

Nokia N81

Nokia ten previsto mañá Mércores un gran evento en Londres, mais xa espertaron os rumores dos teléfonos que poden sacar, entre eles o que vedes, o N81 que sería un teléfono multimedia mais tamén enfocado como podedes ver aos videoxogos.

Coméntase tamén que poderían saír o tan rumoreado N95 de 8Gb e algúns novos XpressMusic. En canto teñamos información nova sairá en Trebellos

Vía: Engadget

En Trebellos: Rumor dun Nokia N95 con 8Gb
En Trebellos: Seguen os rumores dun Nokia N95 de 8Gb


Toshiba Gigabeat T401, PMC sen fíos

Toshiba Gigabeat T401

Toshiba ven de presentar o Toshiba Gigabeat T401, un Centro Multimedia Portable pero que ademáis ten conexión sen fíos, pra poder así compartir arquivos. Ten bastante boa pinta de cara ao mercado multimedia, mais teremos que agardar pra ver cómo funciona exactamente súa capacidade sen fíos, e se non está limitada dalgún xeito.

O reproductor ten unha pantalla de 2.4 pulgadas e resolución de 320×240 píxeles, con soporte pra reproducir vídeo WMV, MP3 e outros ficheiros como WMA nos seus 4GB de memoria flash e unha batería que segundo a marca dura 16 horas de reproducción de audio ou 5 de vídeo.

Este pequeno reproductor, de só 9.9 milímetros de delgadez sairá no país nipón en Outubro a un prezo de saída de 250 dólares aproximadamente, e de chegar a Europa o faría sobre o Nadal ou a comezos do vindeiro ano.

Máis información: Toshiba


Casio Exilim EX-V8 e EX-Z1080, con modo Youtube de serie

Casio Exilim EX-V8

Casio acaba de sacar un par de cámaras con unha cousa que promete asombrar: o modo Youtube. ¿Qué é concretamente? Pois o modo de captura de vídeo é 640×480 co códec H.264 e ademáis prometen un acceso en dous pasos pra subir os vídeos dende a tarxeta de memoria á web directamente.

A EX-Z1080 ten 10 megapíxeis, que é como a EX-Z1050 mais co códec H.264 e a funcionalidade de Youtube. A EX-V8 ten un zoom óptico de 7x con 8.1 megapíxeis, e as posibilidades de vídeo anteriormente ditas.

As dúas cámaras saen este mes de Setembro por distintos prezos, a V8 por 330 dólares e a Z1080 por 280 dólares, un bo prezo realmente.

Máis información: Casio Exilim EX-V8
Máis información: Casio Exilim EX-Z1080


Posteriores entradas »