Fai uns días se presentou unha nova versión da portátil de Sony, a Playstation Portable, mais é agora nestes días cando se desvelan os datos suficientes sobre esta actualización que pode dar que falar.

A nova PSP é un 33% máis lixeira e un 19% máis fina, e ademais conta con unha saída de vídeo pra poder xogar, por exemplo, nun televisor .

Os tempos pra cargar melloraron bastante e ten unha autonomía destacada, probábelmente pra loitar contra a súa principal rival, a Nintendo DS, que destaca pola súa batería.

A nova PSP estará á venda en negro, en plata, e nunha edición da Guerra das Galaxias, a partir de 169 euros. Non se sabe data de saída ao mercado, pero se comenta Setembro como data probábel.

Máis información: Vídeo da PSP Slim

Philips ven de presentar un Sistema de Música sen fíos a través de Bluetooth bautizado co nome de BTM630.

Con el teremos bastante conectividade, pois pode ler CD, MP3-CD, WMA e todo isto a través, por exemplo, dunha unidade flash USB ou dunha tarxeta de memoria. E tamén, aí súa innovación, permite reproducir a música a través de Bluetooth, polo que poderemos escoitar polos altofalantes o que emita un dispositivo con Bluetooth, como un teléfono móbil ou unha PDA.

Inclue tamén sintonizador AM/FM, o famoso dock pra iPod e 8 adaptadores pra que sirvan prácticamente tódolos modelos de mp3, así como función USB pra levar a música dende o MP3 que teñamos conectado ao PC, moi boa impresión, de veras.

O BTM630 sairá en Agosto a un prezo de 199 dólares, non demasiado excesivo pra tódalas funcionalidades que trae.

Máis información: Philips

Sí, nos tamén pensamos o mesmo deste trebello mais, se te che sobran os cartos e te che encanta o ouro pode ser unha boa opción.

A empresa alemana Xexoo ten á venda iPods bañados en ouro, e non só este modelo, o iPod Shuffle, senón tamén outros como o iPod nano ou o iPod vídeo de 30GB.

O que vedes na imaxe é un iPod Shuffle bañado en ouro de 18 quilates, por un módico prezo de 14.000 €, apto pra calqueira friki bolsillo.

Máis información: Sitio oficial da marca

O Shanling MC-30 Music Center é un dock onde podemos facer soar o noso iPod mais coa funcionalidade extra de ter incluído un amplificador de válvulas.

O amplificador ten unha carcasa de aluminio con luces LED que faino bastante atractivo, mais non é apto pra tódolos bolsillos, pois a grande calidade dos amplificadores deste tipo se paga ben, neste caso ao redor de 1.000 dólares.

O Shanling MC-30 Music Center ademais ten un reproductor pra CD, radio AM/FM e 3 watts de potencia por canle.

Visto en: Digital Drops
Máis información: Sitio oficial

Acaba de sair ao mercado a nova BlackBerry 8820.

Como principal novidade incorpora algo que se lle viña pedindo dende fai moito tempo a este tipo de trebellos: a conectividade Wi-Fi.

Ademais diso, esta Blackberry conta con GPS, ao igual que tódolos modelos da serie 8800 e tamén con BlackBerry Maps.

Polo demais ten as características ás que xa estamos acostumados: é un teléfono cuatribanda soportando GSM, GPRS e EDGE, así como o soporte para o “push-mail” tradicional das BlackBerry.

Tamén ten un lector de tarxetas incluído que lle permiten almacear ata 32GB de ficheiros almaceados en tarxetas microSD e microSDHC.

Máis información: Sitio oficial
Máis información: Revisión no blogue de Enrique Dans

Logitech presentou o seu novo modelo de rato MX Air Mouse que ven de revolucionar o concepto de perifericos para os ordenadores. O novo rato, que estará dispoñible a partires do próximo mes usa unha novia tecnoloxía de seguimento por laser que lle permite manexalo no aire, ó mais puro estilo do mando da Wii de Nintendo. Ademais, tamén funciona como rato normal sen fíos.

Estas novas funcionalidades supoñense moi comodas para as presentacions multimedia e porque non, para os media center onde non existe unha postura axeitada para mover o rato sobre da mesa. Parece que os movementos conseguidos son bastante realistas e que usara “gestures” ó mais puro estilo dos navegadores modernos.
O rato terá un prezo de saida de 150 $.

Mais información : Logitech

Agora que chega o verán chegan con el as cancións do verán que non paran de soar na nosa cabeza. Moitas destas cancións que soan na nosa cabeza non sabemos nin o seu nome nin o seu artista e case non podemos conciliar o soño ata que non damos co titulo da cancionciña de marras.

O MusicMaker faráche a vida máis sinxela, segundo os seus desenvolvedores o MusicMaker é capaz de identificar o nome da canción e do artista simplemente gravando uns segundiños da mesma. Cando a canción que non es capaz de identificar soa pola radio, ou por algún outro medio, ti simplemente terás que premer o botón que trae para que grave un pouco e despois levar o trebello ao PC e conectalo vía USB. O trebello buscará en internet o nome da canción, o nome do artista e toda a información dispoñible da canción, así que tamén, se é posible, consigueche a canción en formato .mp3 e en politono.

O que non teño moi claro e se funcionará ben ou directamente non funcionará e non acertará ningunha canción que lle graves.

Visto en Digital Drops.
Máis información: MyVirtualZone.

Esto que vedes á esquerda é supostamente o Nokia N98, futuro modelo da marca finesa que, na miña opinión, non ten nada que envexarlle ao iPhone, o superaría e con creces. As principais características serían:

• Pantalla táctil con resolución VGA
• Cámara de 7,2 Megapixels con óptica Carl Zeiss
• Zoom dixital 20x
• Receptor GPS
• Acelerador de gráficos
• Cámara frontal VGA pra videoconferencias
• WLAN 802.11b/g/n
• Bluetooth v2.0
• HSDPA

Visto o visto, sería un Nokia N95 pero bastante mellorado e con pantalla táctil, penso que todo un avance tratándose de Nokia. De aí que comentaba en Radiovoz fai uns Luns que o principal avance que trae o iPhone non é o iPhone en si, senón cousas como o da pantalla táctil. Veremos se se confirma este trebello.

Vía: SmartSym

Tranquilos, que o de arriba non é unha imaxe oficial. Sobre todo dende a aparición do iPhone, os rumores de novos ipod con pantalla táctil sempre estiveron presentes. Mais o que agora cobra forza é a posibilidade de que en Agosto saian novos iPod, e con bastante forza.

Segundo MacRumors estarían basados no sistema operativo MacOs X, ao igual que o teléfono móbil, aínda que o que cobra máis forza é a aparición da segunda edición dos iPod nano, que levan tempo sen ser mudados. Veremos pois que sucede.

Máis información: Novos iPod nano antes de finais de ano (Código Cero)

Segundo lemos nesta entrada no blogue de Martín Varsavsky, iso que vedes é a nova versión de La Fonera, o router social da xente de Fon.

Segundo contan, principalmente trae un porto Ethernet LAN máis para que, ademais de conectala ao noso módem, poidamos conectarlle outro PC ou un trebello por cable. Tamén introducen un novo LED no frontal que nos indicará se temos a alguén conectado na nosa rede FON.

A Fonera+ xa está á venda na Tenda Fon por 43 euros, mais agardamos que nalgún intre fagan algunha promoción pra conseguila dun xeito máis económico.

Máis información: Martín Varsavsky
Máis información: Revisión de La Fonera en Trebellos
Máis información: Revisión de La Fontenna en Trebellos