Non podo crer que tardaran tanto en sacar ao mercado este tipo de trebelllos. Tratase de uns altofalantes que reciben sinal de calquer dispositivo via Bluetooth. Podense usar con mobiles, ordenadores, mp3 e calqueira dispositivo que conte con este protocolo. E unha idea caralluda para dispor duns unicos altofalantes no salón, e ir trocando a fonte de audio segundo nos interese. Tamén caralluda para os que nos sentimos un pouco invadidos por cables.

Os Bluetooth Wireless Speakers teñen unha potencia de saida de 60 watios, e veñen cunha entrada RCA para conectarlle dispositivos que non teñan bluetooth (si tamén serven para fontes analóxicas). O trebello perfecto para crear unha rede de dispositivos musicais e centrar a saida nun só par de altofalantes. O peor deles e que hai que mercalos nesta tenda inglesa e o seu prezo, uns 400 €. Esperamos que a tecnoloxía bluetooth se popularice nos altofalantes e que saian modelos mais económicos para liberar de fios os nosos cuartos.

Via Ubergizmo

Sony ven de presentar tres modelos de cámaras de vídeo que graban en alta definición: en concreto os modelos HDR-SR8, SR7 e SR5. Estas cámaras de vídeo destacan pola capacidade dos seus discos duros, que abranguen capacidades de 100XB na SR8 (que según a compañía permite almacear ata 38 horas de vídeo de alta definición), ata os 60XB da SR7 e os 40XB da SR5.

As cámaras destacan tamén polas pantallas LCD de 2.7″ e unhas magníficas lentes Carl Zeiss como ven sendo normal en Sony. A grabación se fai en formato AVCHD e a conectividade é vía USB 2.0, o que está moi ben en temas de conectividade, pois é un formato universal, mais cicais non estaría de máis que tivese FireWire, pois úsase moito na edición de vídeo.

Máis información: Quesabesde
Máis información: Sony HDR SR8
Máis información: Sony HDR SR7E
Máis información: Sony HDR SR5E

A nova Sony Cyber-shot DSC-S800 acaba de sair ao mercado europeo. A principal novidade desta pequena camara dixital e a de contar cun zoom optico de ata 6 aumentos, o que convirte o seu obxetivo nun dos mais polivalentes do mercado. Esta camara abarca os rangos de focais dente 37 mm ata 222 mm, toda unha proeza para unha camara tan pequena. O resto da camara segue a filosofía marcada por Sony, dominada pola facilidade de uso e o seu gran LCD de 2.5″. O sensor empregado, de 8,1 Mpixels permite disparar ata 1250 ISO moi util en condicions de pouca luz. O almacenamento empregado e o propietario de Sony, e dicir, Memory Stick.

Ten moi boa pinta esta camara, ainda que sospeitamos que o seu prezo non será dos mais axustados da gama, coma a maioría dos productos Sony. A súa saida está anunciada para finais do mes de Maio, esperaremos ata entón para confirmar estas impresions.

Nota de prensa Sony Europa

Vai pouco falamos do novo e revolucionario GPS en 3 dimensións que a empresa galega Blusens vai sacar ao mercado. Como é costume en Blusens este trebello será o primeiro nas súas características a nivel mundial.

Xa avanzamos no anterior post que este trebello sairá a finais de ano e que terá imaxes en 3D, agora dende Trebellos sabemos, grazas a unha charla que deu un responsable de Blusens na USC, que efectivamente sairá a finais de ano e que a encargada de facer o software é unha empresa finlandesa. Pero, o realmente novo e revolucionario é que as imaxes en 3D son imaxes reais, sacadas cun avión. Parece que a mesma empresa finlandesa é a encargada de fotografar toda a superficie europea dende un ángulo oblicuo para que os edificios teñan apariencia 3D.

Na charla mostraron un video demostración do trebello, que eu mesmo puiden ver, e no que realmente podía apreciarse que as imaxes que saían eran fotos reais das rúas, con edificios reais e superposto o nome das rúas, a ruta que estamos a seguir, etc.

Parece que esos erros nos mapas dos GPS que cando te din que xires á esquerda, pero na esquerda hai un edificio xa remataron.

Son moitas as persoas que levan fotos na súa carteira, fotos dos seus amigos, do mozo ou da moza, dos seus familiares, etc. Pero agora, grazas a este trebello, poderemos levar as fotos no noso chaveiro xunto as nosas chaves.

O Brookstone Digital Photo Keychain é un chaveiro cunha pantalla LCD de 1.4” e unha memoria flash de 8 MB que permite gardar e mostrar unhas 56 fotografías. Ten unha batería interna e para transferir as fotografías basta con conectar por USB o trebello ao ordenador.

Para non olvidarnos de ninguén e levar sempre con nós aos seres queridos (ou non). Iso si, ten un prezo algo elevado para un chaveiro, custa 50 dólares, uns 37 euros.

Vía: TecnoGadget.
Máis información: Páxina do trebello.

Vía Ubergizmo nos enteramos de que a Nintendo Wii podería ter un teclado nun futuro.

Todos os posuidores desta consola poden navegar actualmente por internet grazas ao navegador que trae integrado, polo que un teclado sería un complemento ideal para unha navegación máis que cómoda no noso televisor.

Pese a todo, a Nintendo Wii non sería a primeira consola en ter un teclado, pois xa outros experimentos como a Sega Dreamcast tiveron a oportunidade de ter teclado pra navegar pola rede, ou mesmo a actual PlayStation 3 ten algúns teclados (como este sen fíos, de Logitech), mais sería un bo púlo pra, na miña opinión, unha fantástica consola.

Máis información: UberGizmo

Isto que vedes ao meu carón é o Meizu M8, o novo Meizu M8, rediseñado para tentar evitar unha posíbel demanda de Apple pola gran similitude que este tareco ten co Iphone.

Meizu é unha empresa de trebellos chineses especialista en “copiar” deseños de productos, mais neste caso tódolos rumores apuntan a un pequeno aviso de parte da empresa de Steve Jobs, polo que eiquí tedes o deseño actual. Pra quen non o coñeza, este trebello é un PMP/teléfono con pantalla de 3,3 pulgadas e resolución de 720×480 píxeles, compatíbel con redes GSM, cámara de 3 megapíxeles e outra pequena VGA pra videochamadas e saída TV. A nivel interno ten un procesador ARM11 e un Sistema Operativo Windows CE 6, tendo todo o anteriormente dito en 105 x 57 x 11,5 milímetros, unha opción moi a ter en conta.

Máis información: Redeseño

Se tedes ou usades un proxector seguramente odiedes que haxa que esperar un bo rato antes de gardalo unha vez usado. Os proxectores de hoxe en día tardan moito ou pouco (depende do modelo) en enfriarse polo que se temos presa, ou andamos con el de arriba para baixo, é incómodo ter que agardar a que se enfrie.

EPSON parece que eliminou este problema nos seus novos proxectores. Os novos modelos EMP-X5 e EMP-822 veñen coas funcións Quick Start Up e Direct Shut Down, que permiten o aceso e apagado case instantaneo.

Os dous modelos teñen unha resolución de 1024×768 e un ratio de contraste 400:1, pero o EMP-X5 ten 2200 lumens e un prezo de 550 euros, mentres que o EMP-822 ten 2600 lumens e un prezo de 1285 euros.

Vía: Xataka.

É o fin dos cargadores do móbil? Aínda é moi pronto para dicilo pero dende vai tempo os cientificos están traballando en tecnoloxía que nos faga olvidar o de ter que enchufar o noso móbil cada semana á corrente eléctrica.

Concretamente, Motorola, unha das compañías máis importantes en móbiles, patentou unha pantalla LCD con células fotovoltaicas que permitiría recargar a batería de calquera trebello (sexa móbil, reprodutor mp3, etc…).

Para que chegue a nós, ao usuario final, aínda queda moito tempo (e a saber canto custará…) pero polo menos xa sabemos que este tipo de tecnoloxía moi útil, moi cómoda e sobre todo, moi ecolóxica xa está de camiño.

Vía: Ounae.
Máis información: Patent Monkey.

Este venres 20 de Abril inaugurouse na Coruña unha nova tenda na que mercar productos da marca da mazá. Playstore, que é como se chama a tenda está situada na rúa Federico Tapia, 43 e abastecerá o mercado dos maqueiros coruñeses e doutros puntos de Galiza.

A apertura da tenda foi amenizada con musica Jazz da man de Marcelino Galán. Esperemos que a andanza desta nova tenda coruñesa sexa por moito tempo.

Via Código Cero